Փաստ ինֆո

Երկար հարաբերություններից կամ կարճատև սիրավեպից  հետո բաժանումը միշտ հարվածում է ինքնագնահատականին և հուզական վիճակին: Պետք չէ քաջ ձևանալ և աշխարհին ցույց տալ, որ դուք թքած ունեք: Տվեք ձեզ տխրելու հնարավորություն, իսկ մեկ շաբաթ հետո սկսեք տիրապետել ինքներդ ձեզ:

Պետք չէ հետևել սոցիալական ցանցերին

Կամ հեռացրեք նրան ընկերներից և փակեք նրա հրապարակումները ձեզ համար կամ կամքի ուժ ցուցաբերեք:

Մի վատնեք ձեր կյանքը ձեզ լքած մարդու  լուսանկարները թերթելու վրա: Բաժանվելուց հետո նրա սոցիալական ցանցերին հետևելը նաև շատ ցավալի է: Իսկ ինչո՞ւ ավելի վատն անեք ձեզ համար: Աչքից հեռու՝ սրտից նույնպես:

Նվնվացե՛ք

Բացատրեք ձեր ընկերներին, որ ձեզ «գիրկ» է պետք, որտեղ կկարողանաք  դուրս հանել ձեր միջի ամբողջ վիրավորվածությունը:

Բայց ուղղակի, անմիջապես ժամանակային սահմանափակում դրեք ձեզ համար. Առավելագույնը՝ մեկ շաբաթ: Գեշտալտ-հոգեթերապևտ Աննա Տայիպովան նշում է, որ ժամանակային սահմափակումները թույլ չեն տա ձեզ երկար ժամանակ արցունքների մեջ խեղդվել և կհեշտացնի ընկերների կյանքը. չէ որ մի քանի օրից այդ ամենն անպայման կավարտվի: Մեկ շաբաթը լիովին բավարար է՝ խոսելով խնդիրը դուրս հանելու համար, և հասկանալու, որ բաժանումը կյանքի վերջը չէ:

Ազատվեք ավելցուկից

Սկսեք տարածքի մաքրման գործը, թափեք բոլոր ավելորդ բաները, կատարեք հանդերձապահարանի զննում, հեռացրեք անցանկալի լուսանկարները հեռախոսից

«Միայն թե պետք չէ ոչինչ ափսոսալ: Եթե մեկ տարուց ավել որևէ իր չեք օգտագործել՝ շպրտեք այն: Եթե լուսանկարները կրկին ստիպում են ձեզ լաց լինել՝ ջնջեք: Եթե տանը շատ խլամ կա, ապա՝  աղբաման», - ասում է Աննա Տայիպովան:

Անպիտան իրերից ազատվելը թույլ կտա ձեզ նորանալ, հեռացնել ավելորդ հիշեցումները, բացասական հույզերը և սկսել ձեր ճակատագրի նոր փուլը՝ նոր էջից:

Մի շտապեք

Բաժանումից հետո առաջին երեք-վեց ամիսների ընթացքում մի շտապեք նոր հարաբերություններ սկսել:

Եթե բաժանումը ցավալի էր և ոչ ձեր նախաձեռնությամբ, ապա նոր «շուտափույթ» սիրավեպը ավելի շուտ կնմանվի ձեզ լքած մարդուն փոխարինելու փորձին: Բայց ավելի կվնասեք ձեզ, երբ հասկանաք, որ հին հարաբերությունները անհնար է փոխարինել որևէ բանով:

Վերադարձիր ինքդ քեզ մոտ

Հարաբերությունների ժամանակ մարդիկ շատ հաճախ հրաժարվում են իրենց հետաքրքրություններից հանուն սիրելիի: Ժամանակն է հիշել ձեր ցանկությունների մասին:

Դուք զբաղվել եք սպորտով, բայց հետո թողել եք, որպեսզի ժամանակ մնա ժամադրությունների համար: Պատրաստել եք փափուկ խաղալիքները, բայց հրաժարվել եք: Լուսանկարել եք բնությունը` դադարել եք: Բաժանումը հիանալի առիթ է հիշելու, թե ինչն է երբեմնի ժամանակներում ուրախացրել ձեզ. այն կարող է հանել դեպրեսիայից:

Գրեք նամակ

Բայց մի ուղարկեք

Հանձնեք թղթին ձեր ամբողջ ցավը, վրդովմունքը և ատելությունը: Գրեք առանց մտածելու ձևակերպման, կետադրության և արտահայտությունների կոռեկտության մասին: Թող գրվի՝ ինչպես գրվում է:  Դուք կարող եք ուղարկել այն, բայց հոգեբանները խորհուրդ են տալիս չանել դա: Ավելի լավ է այրել, պատռել մանր կտորների կամ նետել: Նամակի հետ միասին կգնան նաև բացասական հույզերը:

Սկսեք հավաքել հետադարձ կապը

Երբ կզգաք ձեր մեջ փոփոխությունների հանդեպ ցանկություն և ուժ, խոսեք ձեր մտերիմների հետ. ինչո՞ւմ պետք է կատարելագործվեք, իսկ ինչը՝ արմատախիլ անեք:

Ինքներդ ձեր վրա աշխատելը ցավոտ անջատումից հետո՝ լավագույն զբաղմունքն է: Պետք է դառնալ ավելի լավը  ինքներդ ձեզ համար և ձեր ապագա կյանքի: Մտերիմները կկարողանան հուշել ձեզ ձեր ներքին աճի ուղղությունները: Պատրաստ եղեք լսել և ընդունել նրանց խորհուրդները:

Կարևորը  է հիշել, որ ալկոհոլը, հավաքույթները և անկանոն կապերը չեն կարող խեղդել ցավը: Եթե չի ստացվում հաղթահարել դեպրեսիան սեփական ուժերով՝ դիմեք հոգեբանին: Իսկ ավելի լավ է դառնաք ձեր սեփական իդեալը՝ բոլոր նախկինները կափսոսան, որ կորցրել են ձեզ, իսկ դուք անպայման կհանդիպեք ձեր իսկական կեսին:

Աղբյուր` Փաստինֆո