Փաստ ինֆո

Լևոն Տեր-Պետրոսյանի պաշտոնավարման տարիներին ՊԱԿ նախկին պետ Մարիուս Յուզբաշյանի սպանությունը շարունակում է մնալ չբացահայտված, թեև դեռևս այդ տարիներին մամուլը գրում էր, որ բոլոր հիմքերը կան այն Ղանդիլյանի սպանության հետ մի շղթայում դիտարկելու համար։ Իսկ Ղանդիլյանի սպանության պատվերը Արմեն Տեր-Սահակյանի բանդային իջեցվել էր Վանո Սիրադեղյանի միջոցով։ Ընդգծում ենք՝ միջոցով, քանզի սպանությունը չէր կատարվել լոկ Սիրադեղյանի կամքով։ Տասնամյակներ առաջ տեղի ունեցած դատավարության ժամանակ ՆԳ ներքին զորքերի նախկին հրամանատար Վահան Հարությունյանը հայտարարել էր ՀՀՇ յոթնյակի մասին, որի կողմից կայացվում էին նման որոշումները, որոնց թվում նշվել էր նաեւ Վանո Սիրադեղյանի, Սամվել Գեւորգյանի անունները։

Սակայն Ղանդիլյանի սպանության կատարողները բացահայտվեցին, իսկ Յուզբաշյանինը՝ ոչ։ Իրազեկ աղբյուրների հավաստմամբ՝ Համբարձում բավականին մտերիմ հարաբերություններ է ունեցել Մարիուս Յուզբաշյանի հետ։ Ճիշտ է, մամուլը չէր բացառել նաեւ վերջինիս սպանության գործում օտար ուժերի հետքը, քանի որ Յուզբաշյանը, թողնելով ՊԱԿ պետի պաշտոնը, հետագայում խախտել էր այդ համակարգի գրված և չգրված օրենքները։ Գաղտնիք չէ, որ նա տիրապետել էր տեղեկությունների, այդ թվում՝ Ռուսաստանի ոչ լեգալ հետախուզական ցանցի մասին, եւ սկսել էր խոսել շատ ու շատ բաների մասին։ Այդուհանդերձ, տրամաբանական և ոչ պակաս արժանահավատ էր դիտարկվում Ղանդիլյանի և Յուզբաշյանի սպանությունների միջև կապը։

Գաղտնիք չէ, որ այդ ժամանակահատվածում ինչպիսի խարդախություններ են էին կատարվում երկաթգծով մազութ, նավթ Հայաստան ներկրելու ժամանակ և որ դրանք չէին արվում առանց որոշ պաշտոնյաների գիտության, ավելին, արվում էին նրանց թողտվությամբ և հովանավորչությամբ և հսկայական գումարների յուրացմամբ։ Մամուլը, հղում կատարելով տարբեր իրազեկ աղբյուրների, դեռևս այդ տարիներին էր գրել, որ Ղանդիլյանն ունեցել է բավականին մտերիմ հարաբերությունների Յուզբաշյանի հետ և ամենևին բացառված չէ, որ կիսվել է իր ունեցած տեղեկություններով, իսկ Յուզբաշյանն էլ խորհուրդ էր տվել ունեցած տեղեկությունները հայտնել համապատասպան մարմիններին։ Բացառված չէ, որ Ղանդիլյանն իսկապես խորհրդակցել էր պատկան մարմինների ներկայացուցիչների հետ, որոնք էլ, կապված լինելով ՀՀՇ-ի այդ թևի հետ, շտապել են ծառայություն մատուցել ու հայտնել Ղանդիլյանի բողոքավոր լինելու մասին։

Արյունոտ շղթան, սակայն, այսքանով չի սահմանափակվել։ Ղանդիլանը մոտ է եղել նաեւ դատախազ Արամ Կարապետյանի հետ, որը այն ժամանակվա գլխավոր դատախազ Հենրիկ Խաչատրյանի սպանությունից հետո ինքնասպանություն գործեց։ Նշենք, որ այդ տարիներին բավական մեծ աղմուկ էր հանել նավթի ու մազութի խարդախության գործը, որը քաղաքական իշխանությունները իրականացրել էին երկաթգծի միջոցով՝ ի հեճուկս Ղանդիլյանի։

Աղբյուր` Փաստինֆո