Փաստ ինֆո

Վերջերս Զապորոժյեն ցնցվել է  սարսափելի լուրից. 28-ամյա Վիտալի Չ.-ն անցորդների աչքի առաջ բենզին է լցրել իր 22-ամյա սիրեցյալ Դարյայի վրա (անունը փոփոխված է) և կրակի տվել նրան: Ընդ որում որոշ ականատեսներ փորձել են  օգնել զոհին, իսկ մյուսները պարզապես նկարահանել են, թե ինչպես է նա այրվում: Աղջիկը հիվանդանոց է տեղափոխվել մարմնի մակերեսի 90%  այրվածքով, որտեղ բժիշկները պայքարում են նրա կյանքի համար: Այս մասին գրում է TSN- ը:

Սակայն դժվար է հավատալ դրան, նայելով Դարայի սոցիալական ցանցերում հրապարակումներին: Աղջիկը պարզապես խենթանում էր իր ընկերոջ համար. «Ես պատրաստ եմ սիրել նրա ամեն մի մասնիկը և երջանկացնել նրան, ինչպես որ նա է ինձ ամեն օր երջանկացնում», - գրել է նա: Համատեղ լուսանկարներ, երջանիկ դեմքեր: Դարիայի խոսքերով, մեկ տարվա փոխհարաբերությունների գրեթե ամեն օրը նրանք եղել են միասին: Տղան պարզապես իդեալական էր թվում. անընդհատ ծաղիկներ էր նվիրում և թանկարժեք նվերներ անում:

«Ամեն գիշեր սեղմվում էր այնպես, որ անհնար էր շնչել: Առաջին անգամ ամուսնության առաջարկ արեց ծանոթության երկրորդ օրը, իսկ լրջորեն ծնողներիցս ձեռքս խնդրեց մեկ-երկու ամիս անց»:

Այնուամենայնիվ, տեղեկություններ հայտնվեցին, որ վեճն սկսվել էր խանդի պատճառով: Դարիայի ընկերուհու խոսքերով, տղան խիստ խանդում էր նրան և վերահսկում էր նրա ամեն մի քայլը՝ նույնիսկ չթողնելով մանիկյուրի: Իսկ աղջիկը նկարագրել է իրենց հարաբերությունների բուռն բնույթը. «Եթե մենք վիճում ենք, ապա ավիրում ենք բնակարանի մի կեսը, հաշտվում ենք՝ երկրորդ կեսն է տուժում»: Իսկ ինքը՝ Վիտալին, դատարանում լաց էր լինում, ներողություն խնդրում, բայց հերքում էր իր մեղավորությունը, պնդելով, որ պարզապես ուզել է դաս տալ աղջկան: Տղայի նկատմամբ հարուցվել է քրեական գործ «սպանության փորձ» հոդվածով:

«Ես չեմ ուզեցել որևէ մեկին հրկիզել, ես փորձել եմ վախեցնել, դրանով իսկ ամրապնդել հարաբերությունները: Նա կանգնած էր իմ կողքին: Ես հանել եմ ծխախոտն ու փորձել վառել այն, մենք բռնկվել ենք միասին: Ես հանել եմ  իմ վերնաշապիկը և օգնել հանգցնել կրակը»:

Աղբյուր` Փաստինֆո