Փաստ ինֆո

Երեք տարի առաջ Դեմիենը ստիպված էր եղել սարսափելի թռիչք կատարել 150 ֆուտ բարձրությունից (մոտ 46 մետր) և կորցրել էր պառապլանի կառավարումը: Տղան մեծ վնասվածքներ էր ստացել՝ կոտրել էր ողնաշարը, չորս կողը, կոնքոսկրերը, ազդրը, կրծքոսկրը: Սակայն ողջ էր մնացել:

Նա տեղափոխվել է West Palm Beach-ի (Ֆլորիդա նահանգ) բժշկական կենտրոն: Եվ այնտեղ տղան հանդիպել է Ալեքս Հուվեր անունով հմայիչ բուժքրոջը, որը պետք է խնամեր իրեն: Չնայած իր սարսափելի վիճակին, մարզիկը միանգամից հատուկ կապ է զգացել նրա հետ: Իսկ շուտով հետաքրքրվել է, արդյոք նման գեղեցկությունը ընկեր ունի, թե՞ ոչ: Եվ լսել է դրական պատասխան: Զուգընկերոջ առկայությունը և բժշկական էթիկայի նորմերը ակնհայտորեն չէին նպաստում հարաբերությունների զարգացմանը, չնայած նրան, որ Ալեքսը նույնպես շատ հավանել էր հիվանդին:

Արդյունքում, նրանք մնացել են որպես ընկերներ, և տղայի դուրս գրվելուց հետո շփվել են սոցիալական ցանցերում: Մեկ տարի անց Ալեքսը և Դեմիենը սկսել են հանդիպել. աղջիկն արդեն բաժանվել էր իր ընկերոջից: Այնուհետեւ մարզիկը որոշել է առաջարկություն անել սիրած աղջկան: Ընդ որում՝ նույն պալատում, որտեղ նրանք առաջին անգամ հանդիպել են երեք տարի առաջ: Անձնակազմի օգնությամբ նա թաքուն ներս է մտել հիվանդասենյակ ու ձևացրել է իրեն հիվանդ: Իսկ երբ ներս է մտել Ալեքսը, նա ցատկել է անկողնուց և մեկնել աղջկան մատանին: Ալեքսը համաձայնել է.

«Ես որոշել էի առաջարկությունն անել հիվանդանոցում, քանի որ երեք տարի առաջ այնտեղ էի հանդիպել Ալեքսին: Իմ բուժքույրն ամենագեղեցիկն էր: Հիշում եմ ինչպես էի նայում նրան և տեսնում այդ գեղեցիկ կապույտ աչքերը: Մեր միջև հատուկ կապ էր առաջացել»:

Աղբյուր` Փաստինֆո