Դավիթ Տոնոյանի և մյուսների գործով դատավորին ինքնաբացարկի միջնորդություն կներկայացվի

ԲՈԼՈՐ ՆՅՈՒԹԵՐԸ

Բոլորը

02/06/2023 15:57 Այնթափը փլատակների է վերածվել. սարսափելի կադրեր 02/06/2023 13:57 Թուրքիայում հետցնցումները կարող է տևեն մեկ ամիս 02/06/2023 13:25 Մինչև հիմա ազգությամբ 4 հայի մարմին է դուրս բերվել ավերակներից. Աբրահամ Գասպարյան 02/06/2023 17:49 Վաղը բոլորը աշխատանքի են գալու. «Մալաթիա» տոնավաճառի տնօրեն 02/05/2023 19:09 Ընտրությունը մերն է. եթե ուզում ես էշ լինել, ուրեմն հասնում է, իսկ եթե ուզում ես արծիվ լինել, նշանակում է՝ կարող ես ազատ ապրել ․ Անդրանիկ Չավուշյան 02/06/2023 20:37 Փաշինյանը Մակրոնի հետ հեռախոսազրույցում քննարկել է Ադրբեջանի կողմից Լաչինի միջանցքի արգելափակման 02/05/2023 10:02 Սուրեն Անտոնյանին պաշտոնից ազատելու խնդիր ունեին, վերցրեցին ՄԻԵԴ վճիռը, այսինքն, դա չլիներ՝ այլ բան կմոգոնեին. դա կոչվում է «բեսպրեդել». Արթուր Գրիգորյան 02/06/2023 14:37 Թուրքիայում նոր երկրաշարժ է գրանցվել՝ 7,8 մագնտիուդ ուժգնությամբ 02/06/2023 20:42 Փլատակների տակից փրկարարները երեխաների կյանք են փրկել. տարածվել են կադրերը (տեսանյութ) 02/06/2023 11:48 Զգացողություն ունեի, որ իմ «Երկիր Նաիրին» անտեր եմ թողել օտարների մեջ. Աննա Հակոբյան 02/05/2023 15:53 Դիմացիր Արցախս, գիտեմ, շատ դժվար է, բայց այլ ելք չկա․ միայն դիմանալ ժամանակի և նյարդերի վրա կատարաված խաղադրույքով այս մեծ խաղին․ Կարեն Հովհաննիսյան 02/06/2023 15:09 Թուրքիայի տարածքում երկրաշարժը զգացվել է Երևանում և Գյումրիում 02/06/2023 10:10 Ուժեղ երկրաշարժ Թուրքիայի ու Սիրիայի սահմանին. հաղորդվում է մոտ 200 զոհի մաին (տեսանյութ) 02/06/2023 16:49 Բանակը քանդողները չեն կարող ինձ մեղադրել. Սեյրան Օհանյանի ուղերձը 02/06/2023 12:09 Ճանաչում էի և՛ մորը, և՛ որդուն. Սիրիայի խորհրդարանի պատգամավոր Ժիրայր Ռեիսյանը մանրամասներ է հայտնել (տեսանյութ) 02/05/2023 13:58 ԱՆ-ն ԲԴԽ է ներկայացրել դատավոր Զարուհի Նախշքարյանին պատասխանատվության ենթարկելու հերթական միջնորդությունը 02/06/2023 19:12 Սիփան գյուղում առատ ձյան պատճառով 8 ամսական բարձր ջերմությունով երեխային օգնության են հասել փրկարարները 02/06/2023 14:19 Ռուբեն Վարդանյանը առցանց հանդիպում է ունեցել հայաստանյան բուհերում սովորող արցախցի ուսանողների հետ 02/06/2023 10:26 Երկրաշարժի պատճառով Թուրքիայի Հաթայ նահանգում գազատար է պայթել (տեսանյութ) 02/05/2023 18:01 «Զանգի» հայկական հավելվածը Հարավային Ամերիկայում մեսենջերների շարքում 4-րդ տեղում է․ Մարտիրոսյան

Դավիթ Տոնոյանի և մյուսների գործով դատավորին ինքնաբացարկի միջնորդություն կներկայացվի 01/19/2022 17:14 | ԼՐԱՀՈՍ

ՀՀ պաշտպանության նախկին նախարար Դավիթ Տոնոյանի և մյուսների գործով նախագահող դատավոր Մանվել Շահվերդյանին ինքնաբացարկի միջնորդություն կներկայացվի։ «Փաստինֆ»֊ի թղթակցի հաղորդմամբ՝ պաշտպանության կողմը միջնորդությունը կներկայացնի՝ հիմքում դնելով դատարանի նախագահի կողմից գործի ձեռքով մակագրման հանգամանքը։ Ընդ որում, պաշտպանության կողմը մտահոգություն ունի, որ մակագրումը տեղի է ունեցել օրենքով սահմանված՝ այբբենական կարգի խախտմամբ և նախագահը գործը մակագրել է ցանկալի դատավորի։

Հիշեցնենք, որ ԱԱԾ քննչական դեպարտամենտում հարուցվել էր քրեական գործ՝ ռազմամթերքի ձեռքբերման գործընթացում ենթադրյալ չարաշահումների, մասնավորապես, անորակ, անպիտան հրթիռներ ձեռք բերելու վերաբերյալ։ Քրեական գործի շրջանակներում մեղադրանք է առաջադրվել յոթ անձի, այդ թվում՝ ՊՆ նախկին նախարար Դավիթ Տոնոյանին, ՀՀ ԶՈՒ ԳՇ պետ Արտակ Դացթյանին, ԶՈՒ ԳՇ պետի նախկին տեղակալ Ստեփան Գալստյանին, «Պատրոն Դավո» մականունով հայտնի՝ զենքի մատակարարմամբ զբաղվող գործարար Դավիթ Գալստյանին։

Մասնավորապես, նախնական քննության տվյալներով՝ ՀՀ ԶՈւ և ՀՀ ՊՆ բարձրաստիճան պաշտոնատար անձինք, չարաշահելով իրենց պաշտոնեական դիրքը, «Մոսթոն Ինժիներինգ» ընկերության սեփականատիրոջ հետ նախնական համաձայնությամբ, «Նեյտրոն ԳԱՄ» և «Բագավան» ՓԲ ընկերությունների մասնավորեցումից ընկերության կողմից ՀՀ պաշտպանության նախարարության հանդեպ ունեցած պարտավորությունը մարելու նպատակով, 2018թ. ընկերությունից ընդունել՝ ձեռք են բերել թվով 4232 հատ ժամկետանց, տեխնիկական պահանջներին չհամապատասխանելու պատճառաբանությամբ նախկինում չընդունված և ՀՀ ՊՆ-ում պահեստավորված ռազմամթերքը։

Ըստ նախաքննական մարմնի՝ վերը նշված անձինք ռազմամթերքի ձեռքբերման պայմանագրի կնքման համար առկա խոչընդոտները վերացնելու և իրենց գործողություններին օրինական տեսք տալու համար պայմանագրի մաս կազմող տեխնիկական բնութագիրը համապատասխանեցրել են փաստացի ՊՆ-ում ի պահ հանձնված ապրանքի տվյալ տեսակին՝ դրանում նշելով ռազմամթերքը գործարանային արկղերով ՀՀ ՊՆ N զորամասի կենտրոնական պահեստ մատակարարելու վերաբերյալ իրականությանը չհամապատասխանող տվյալներ։ Ընդ որում՝ նշված ռազմամթերքը ձեռք է բերվել նույն խմբաքանակից ռազմամթերքի նախկինում ձեռքբերման արժեքից գրեթե կրկնակի թանկ գնով՝ կատարելով առանձնապես խոշոր չափերով՝ 2,277,323,840 ՀՀ դրամին համարժեք, 4.655.200 ԱՄՆ դոլար գումարի հափշտակություն։

Դավիթ Տոնոյանին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով, Արտակ Դավթյանին՝ ՀՀ քրեական օրենսգրքի 375-րդ հոդվածի 3-րդ մասով, Ստեփան Գալստյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Ավետիկ Մուրադյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Վլադիմիր Բաբայանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Արտյոմ Համբարյանին՝ ՀՀ քրեական օրենսգրքի 375-րդ հոդվածի 3-րդ մասով և 314-րդ հոդվածի 1-ին մասով, Դավիթ Գալստյանին՝ ՀՀ քրեական օրենսգրքի 178-րդ հոդվածի 3-րդ մասի 1-ին կետով և 325-րդ հոդվածի 1-ին մասով։

Նշենք, որ դատարանն արձանագրային որոշում է կայացրել՝ գործը դռնփակ ռեժիմով քննելու մասին։ Պաշտպանները և դատական նիստին ներկա ամբաստանյալները դեմ են եղել, որ գործը քննվի դռնփակ ռեժիմով՝ պնդելով հրապարակային քննություն, սակայն մեղադրող դատախազն ավելի վաղ գրությամբ դիմել էր դատարանին՝ պահանջելով ոչ հրապարակային քննություն՝ պայմանավորված գործում առկա պետական գաղտնիք պարունակող տեղեկություններով։

Հեղինակ՝ Իզաբել Սահակյան