Փաստ ինֆո

«Այս կառավարության հենարանը մնացել է «չոստիկանը»»,- հայտարարել է ՀՀ ԱԺ ընդդիմադիր պատգամավոր Արման Ղազարյանը։

Ինչպես արդեն տեղեկացրել ենք՝ այսօր քաղաքացիներն անհնազանդության ակցիաներ են իրականացրել Երեւան-Սեւան մայրուղու՝ Հրազդանի հատվածում, որի ժամանակ ոստիկանները անհամաչափ ուժ են գործադրել, անգամ քաշքշել պատգամավորներին ու հայտարարել, թե հրաման են կատարում։

«Հատկապես աչքի ընկավ Կոտայքի մարզի ոստիկանապետը՝ իր առանձնահատուկ հակաօրինական հրամաններով։Բիրտ ուժ կիրառելու հրամաններ տալով»,- ասել է պատգամավորը ու, դիմելով ոստիկանին, ավելացրել՝ «շուռ եկեք, որ ձեր դեմքը մարդիկ տեսնեն»։

Պատգամավորը խոստացել է ԱԺ ամբիոնից հնչեցնել բիրտ ուժ կիրառող ոստիկանների անունները, ցույց տալ նրանց նկարները։

Ինչպես արդեն հայտնել ենք արդեն 8 օր է, ինչ Տավուշում բողոքի ակցիաներ են՝ Նիկոլ Փաշինյանի նախաձեռնած ապօրինի սահմանազատման գործընթացի դեմ։

Հիշեցնենք՝ ապրիլի 19-ին տեղի է ունեցել Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների 8-րդ հանդիպումը, որի արդյունքում արձանագրություն է ստորագրվել եւ համաձայնեցվել են սահմանագծի առանձին հատվածները, անմիջականորեն Բաղանիս (ՀՀ) – Բաղանիս Այրում (ԱՀ), Ոսկեպար (ՀՀ) – Աշաղը Ասկիպարա (ԱՀ), Կիրանց (ՀՀ) – Խեյրումլի (ԱՀ) և Բերքաբեր (ՀՀ) – Կըզըլ Հաջիլի (ԱՀ) բնակավայրերի միջև՝ Խորհրդային Միության փլուզման պահի դրությամբ գոյություն ունեցող իրավաբանորեն հիմնավորված միջհանրապետական սահմանին համապատասխանեցնելու նպատակով։ 4 գյուղ, որոշ ճանապարհներ ու անգամ գերեզմանատներ ՀՀ իշխանությունները մտադիր են հանձնել Ադրբեջանին, ինչը լուրջ անհանգստություն է առաջացրել Տավուշում, քանի որ այդպիսով կարեւոր ենթակառուցվածքներ կանցնեն ադրբեջանական հսկողության տակ, պաշտպանական առաջնագիծն ամբողջությամբ կփլուզվի։

Վերջին օրերին՝ ի համերաշխություն տավուշյան շարժման, ակցիաներ են տեղի ունենում նաեւ հանրապետության տարբեր մարզերում։

Աղբյուր` Փաստինֆո