Փաստ ինֆո

Մարդու մարմինն ունի գաղտնիքներ, որոնք անհրաժեշտ է բացահայտել: Խոսքը վերաբերվում է էրոգեն գոտիներին:

Էրոգեն գոտիները մարմնի հատուկ զգայուն մասերն են, որոնց խթանումը առաջացնում է հաճելի սեքսուալ զգացողություններ և սեռական գրգռում:

Էրոգեն գոտիների իմացությունը կարևոր նշանակություն ունի սեռական կյանքի գույների և հետաքրքրության ապահովման համար:

Յուրաքանչյուր անհատ ունի իր նախընտրությունները, որոնք պետք է հաշվի առնել. մարմնի որևէ գոտու խթանումը մեկին կարող է դուրեկան լինել, մյուսին տհաճ:

Կանանց և տղամարդկանց մոտ էրոգեն գոտիների տեղակայման ու նշանակության հարցում  կան որոշ տարբերություններ և առանձնահատկություններ: Սակայն և տղամարդկանց, և կանանց ամենագլխավոր էրոգեն գոտին գլխուղեղն է:

Կանանց էրոգեն  գոտիները կարող են լինել մարմնի ցանկացած մասում՝ կյանքի ընթացքում փոխելով իրենց տեղակայումը և զգայունությունը:

Միևնույն ժամանակ ցանկացած կետ ճիշտ խթանման դեպքում կարող է դառնալ էրոգեն գոտի:

Կան մի քանի տեսակի էրոգեն գոտիներ` գենիտալ և էքստրագենիտալ:

Գենիտալ էրոգեն գոտիներն են (կենտրոնացած են սեռական օրգանների շրջանում)՝ ծլիկ, սեռական շրթեր, հեշտոցամուտք, G կետ (кнопка удовольствия), արգանդի պարանոց:

Էքստրագենիտալ կարող է լինել մարմնի ցանկացած հատված`կրծքագեղձ, պտուկ, պարանոց, ականջ, բերան ՝ շրթունքներ և լեզու, կատվափոս՝ միջթիակային տարածություն, որովայն, հետույք և այլն, որոնք աչքի են ընկնում խիստ անհատական բնույթով և դինամիկ փոփոխությամբ:

Կանանց մոտ առավել մեծ դեր ունեն էքստրագենիտալ էրոգեն գոտիները` ի տարբերություն տղամարդկանց, որոնց մոտ էրոգեն զոնաները կենտրոնացած են գենիտալ ՝ սեռական օրգաններում:

Էրոգեն գոտիները կյանքի ընթացքում, տարբեր պատճառներով կարող են փոխել իրենց տեղակայումը.  հորմոնալ ֆոնի փոփոխություն, հղիություն, ծննդաբերություն, կրծքով կերակրում, դաշտանադադար, սթրեսային իրավիճակ:  Կնոջ էրոգենությունը կախված է նաև հոգե-հուզական պատրաստվածությունից, սեռական կոնստիտուցիայից, ինչպես նաև զուգընկերոջ նկատմամբ ունեցած վերաբերմունքից: Մշտական սեռական զուգընկերոջ փոփոխումը ևս կարող է էրոգեն գոտու փոփոխման պատճառ լինել: Օրինակ՝ մի զուգընկերոջ հետ տվյալ էրոգեն զոնայի խթանումը կարող է առաջացնել սեքսուալ գրգռվածություն, մեկ այլնի հետ հակառակը՝ ոչ միայն չգրգռել, այլ նաև տհաճ լինել:

Տաք գոտիների իմացությունը զուգընկերոջ կողմից, ինչպես նաև խթանումը՝ սեռական հարաբերության բարեհաջող սկզբի (նախերգանք), ընթացքի և ավարտի  գրավականն է: Ինչքան շատ էրոգեն գոտիներ են խթանվում միաժամանակ, այնքան ավելի վառ են լինում զգացողությունները:Կնոջ կողմից սեփական մարմինը ճանաչելը, զուգընկերոջը ճիշտ ուղղորդելը, հոգե-էրոտիկ պատրաստվածությունը ինտիմ մտերմությանը զույգերի հարաբերությունը դարձնում է առավել ներդաշնակ:

Սեռական կյանքը սիրում է նորություններ: Հետևաբար, պետք է կատարել ‹‹փորձարկումներ›› դրանք բացահայտելու համար՝ հաշվի առնելով զույգերից յուրաքանչյուրի առանձնահատկությունները: Այն կօգնի հնարավորինս երկար պահպանել  սեռական կյանքի ներդաշնակությունը և գույները:

Լուսինե Ստեփանյան

Սեքսոլոգների Հայկական Ասոցիացիայի անդամ
բժիշկ-սեքսոլոգ 

Աղբյուր` Փաստինֆո