ԲՈԼՈՐ ՆՅՈՒԹԵՐԸ
Հայաստանում դատական ակտերը իրենց հասցեատերերին չեն համոզում. Գոռ Հովհաննիսյան 03/10/2019 16:09 | Հարցազրույց
Սահմանադրական դատարանի դատավորի թափուր տեղի համար հայտարարված մրցույթին իր թեկնածությունն է ներկայացրել իրավաբանական գիտությունների դոկտոր Գոռ Հովհաննիսյանը։ Նա նախկինում աշխատել է Սահմանադրական դատարանում, այժմ իրավունք է դասավանդում գերմանական երեք բուհերում։Գոռ Հովհաննիսյանի հետ զրուցել ենք Սահմանադրական արդարադատության ու իրավունքի գերակայության գործում Սահմանադրական դատարանի դերի ու առաքելության մասին ։
-Պրն Հովհաննիսյան, հայտնի է, որ այս անգամ Ձեր՝ Հայաստան գալու առիթը Սահմանադրական դատարանի դատավորի թեկնածու առաջադրվելն է։ Կասե՞ք՝ ինչպես առաջացավ գաղափարը, ինչո՞ւ որոշեցիք առաջադրվել որպես ՍԴ դատավորի թեկնածու։
-Որոշեցի դիմել, որովհետեւ կար թափուր տեղ, եւ ես էլ առաջադրվելու նախապայմաններին բավարարում էի։ Երկար ժամանակ է, ինչ զբաղվում եմ սահմանադրական իրավունքով, դրանից բացի, երկար տարիներ աշխատել եմ ՍԴ-ում եւ մտածում եմ, որ իմ մանսագիտական գիտելիքներն ու փորձը, ընդ որում՝ նաեւ օտարերկրյա, ՀՀ-ում կիրառելու կարիք կա, եւ ես դա կարող եմ անել։
-Ձեր կարծիքով, ՍԴ-ն մեր երկրում իրապե՞ս սահմանադրականության երաշխավորն է։
-ՀՀ Սահմանադրության եւ «ՍԴ մասին» օրենքով՝ ՀՀ ՍԴ-ն պիտի ապահովի Սահմանադրության անմիջական գործողությունն ու Սահմանադրության գերակայությունը։ Այսինքն՝ զուտ օրենսդրական մակարդակով այդպիսին պիտի լինի։ Իսկ թե ՍԴ-ն կարողանում է երկրում ապահովել սահմանադրականությունը, արդեն յուրաքանչյուրիս անհատական գնահատման հարց է։
-Ձեր գնահատականն ինչպիսի՞ն է, արդյո՞ք այս տարիներին սահմանադրական արդարադատությունը Հայաստանում կայացե՞լ է։
-Դա համեմատելու հարց է, որովհետեւ չկա ինքնին զարգացած կամ թերզարգացած մի բան, զարգացած կամ թերզարգացած լինում են ինչ-որ բանի համեմատությամբ։ Բայց դա կախված է նաեւ այն բանից, թե մենք ինչի հետ ենք համեմատում։ Եթե համեմատենք, օրինակ, Արեւմտյան երկրների հետ, որոնք ունենք սահմանադրական արդարադատության երկարամյա պատմություն կամ, օրինակ, ԱՄՆ-ի, ապա ՀՀ սահմանադրական արդարադատությունը դեռ շատ երկար ճանապարահ ունի անցնելու. ի վերջո չպետք է մոռանանք, որ ՍԴ-ն գործում է ընդամենը 23 տարի։ Այս ընթացքում որոշակի լուրջ որոշումներ բնականաբար ընդունվել են, բայց միաժամանակ կարծում եմ, որ դեռ շատ բան կա անելու։ Այսինքն՝ սահմանադրական արդարադատությունը Հայաստանում հաստատված է, գործում է, բայց դեռ երկար ճանապարհ պետք է անցնի, որպեսզի վստահաբար ասեմ, որ այն կայացած է եւ ամուր հիմքերի վրա է։
-Այսինքն՝ տարիների ընթացքում եղած առաջընթացը բավարար չե՞ք համարում։
-Հիմնադրման օրվանից մինչ օրս բնականաբար աննախադեպ առաջընթաց կա, բայց ես դա բավարար չէի համարի։ Ինքս ՍԴ շատ որոշումների, դիրքորոշումների հետ համամիտ չեմ, եւ իմ գիտական հոդվածներում պարբերաբար խոսում եմ այդ մասին, քննադատում եւ առաջարկում իմ լուծումները։ Հենց այս պատճառով է նաեւ, որ կուզեմ աշխատել ՍԴ-ում, որպեսզի ինձ հետ բերեմ նոր մոտեցումներ։ Դա նախ նոր շունչ ու թարմություն կլինի ՍԴ-ի համար, եւ հետո, գոնե իմ կարծիքով, իմ առաջարկած լուծումները շատ ավելի արդար կլինեն։ Եվ ես, բնականաբար, կփորձեմ նույնը համոզել նաեւ մյուս դատավորներին։
-Կնշե՞ք նման մի որոշման օրինակ։
-Ամենացայտուն օրինակը, ըստ իս, Սահմանադրության 3-րդ հոդվածի 3-րդ մասի դրույթն է, որն ասում է, որ հանրային իշխանությունը կաշկանդված է հիմնական իրավունքներով, ինչը նշանակում է, որ Սահմանադրության մեջ ամրագրված հիմնարար իրավունքները գործում են միայն պետության եւ քաղաքացու միջեւ, այլ ոչ երկու քաղաքացիների։ Բայց ՀՀ-ում կա հակառակ մոտեցում, այսինքն՝ ենթադրվում է, թե հիմնարար իրավունքները գործում են նաեւ երկու անհատների միջեւ, կաշկանդում են նաեւ մասնավոր անձանց։ Իմ փաստաբան ընկերներից շատ եմ լսել, որ ՀՀ դատական պրակտիկայում մասնավոր անձը, այդ թվում եւ փաստաբանները, գնում են քաղաքացիական դատարան եւ վկայակոչում, թե իբր վեճի մյուս կողմը, որը նույնպես մասնավոր անձ է, խախտել է իրենց հիմնարար իրավունքները, ինչը իրականում անհնար է, որովհետեւ մի իրավունք խախտելու համար պետք է լինել դրա հասցեատերը։ Մինչդեռ ՍԴ-ն իր մի քանի որոշումներում առանց որեւէ հիմնավորման նշում է, որ հիմնարար իրավունքները գործում են նաեւ մասնավոր անձանց միջեւ։ Եթե լիներ որեւէ հիմնավորում, ես կհասկանայի, թե ինչու է ՍԴ-ն այդպես մտածում, բայց քանի դեռ հիմնավորում չկա, ես կարծում եմ, որ դա խորհրդային իրականության իներցիայով եկող մի բան է, որը պետք է փոխվի, եւ ուրախ եմ, որ այսօր արդեն տարբեր մասնագետների մոտ այդ փոփոխության միտումը նկատվում է։
-Իսկ գործող Սահմանադրության մեջ փոփոխությունների անհրաժեշտություն տեսնո՞ւմ եք։
-Ոչ, ես ոչ թե Սահմանադրության մեջ եմ տեսնում փոփոխությունների անհրաժեշտություն, այլ սահմանադրական նորմերի մեկնաբանման։ Դրանք պետք է մեկնաբանվեն այլ կերպ։ Եվ այդ հարցում եւս ես կարող եմ օգտակար լինել ՍԴ-ին։
-Մեկնաբանման այդ գործընթացում էական չե՞ն արդյոք սուբյետկները, որոնք մեկնաբանում են այս կամ այն նորմը։
- Իհարկե, կախված նրանից, թե ով է մեկնաբանում նորմը, մեկնաբանությունը տարբեր է լինում։ Այդ պատճառով էլ ես ուզում եմ լինել ՍԴ դատավոր եւ իմ չափով ազդեցություն ունենալ որոշումների մեկնաբանման վրա։ Անգամ եթե սկզբում փոքրամասնության կազմում լինեմ, միեւնույն է, օրենքը հնարավորություն է տալիս հատուկ կարծիք միջոցով ներկայացնել իմ դիրքորոշումը, որը, եթե անգամ սկզբանական շրջանում մեծամասնությանը չհամոզի, իրավաբանական լայն շրջանակներին պիտի որ համոզի։ Իմ կարծիքով՝ ժամանակի հարց է, թե ինչ արագությամբ մեր հայկական իրավունքը կփոփոխվի։
-Ամեն դեպքում, ՍԴ-ի նկատմամբ վստահությունը միանշանակ չէ: Դա Ձեզ չի՞ կաշկանդում:
-Ամենեւին: Մամուլով հետեւելով հայկական իրականությանը` կարող եմ ասել, որ Հայաստանում վստահությունը մեծ չէ առհասարակ դատական իշխանության հանդեպ: Դրա պատճառներից մեկն այն է, որ դատական ակտերը իրենց հասցեատերերին չեն համոզում: Ես վստահ եմ, որ դատավարության տանուլ տվող կողմը դժգոհ չի մնա դատարանից, եթե վեջինիս որոշումը համոզիչ լինի: Հետեւաբար, ես չեմ ընդունում այն ստանդարտ փաստարկը, ըստ որի` դատավարության առնվազն մի կողմը միշտ դժգոհ է: Այսպես թե այնպես, դատավարության ժամանակ մեկը շահում է, մյուսը` պարտվում: Նույնն էլ ՍԴ-ի դեպքում է: Ընդ որում, ՍԴ-ն ունի մի առանձնահատկություն. իրավանորմերի վերահսկողության վարույթում ընդունված որոշումները տարածվում են ոչ միայն տվյալ դատավարության կողմերի, այլեւ հասարակության բոլոր անդամների վրա: Եվ եթե հասարակության անդամները ՍԴ որոշումները կարդալիս տեսնեն համոզիչ փաստարկներ, նրանց դժգոհությունը կպակասի, եւ վստահությունն էլ արդյունքում կմեծանա:
-Պրն, Հովհաննիսյան, արդեն 8.5 տարի է՝ ապրում եւ աշխատում եք Գերմանիայում։ Ըստ Ձեզ՝ դա չի՞ խոչընդոտի հայ իրականությունում ինտեգրվելուն։
-Այն, որ ես Հայաստանում չեմ ապրում, չի նշանակում, որ Հայաստանի մասին ոչինչ չգիտեմ եւ Հայաստանից կտրված եմ։ Ես պարբերաբար հրապարակում եմ հոդվածներ զուտ հայկական իրավունքի վերաբերյալ կամ համահեղինակում եմ դասագրքեր։ Դրանից բացի, այս ընթացքում շատ եմ այցելել Հայաստան եւ աշխատել Հայաստանում. մասնակցել եմ «Վարչական իրավախախտումների մասին» նոր օրենսգրքի եւ «Կուսակցությունների մասին» օրենքի նախագծերի մշակման աշխատանքներին, «Փաստաբանական դպրոցի» եւ համալսարանների հրավերով դասախոսություններ եմ կարդացել։ Այսինքն՝ ես լավ ծանոթ եմ հայկական իրավունքին թե տեսական, թե գործնական կողմից։ Իսկ այսօրվա աշխարհում Հայաստանում չապրելն ամենեւին չի խանգարում, որ ես ակտիվորեն ներգարվված լինեմ հայաստանյան իրականության մեջ։
-Ծանոթ լինելով գերմանական իրավական համակարգին՝ ի՞նչ եք կարծում, որքանո՞վ այն կարող է գործարկվել նաեւ մեզ մոտ։ Առհասարակ, ինչպիսի՞ն է գերմանական իրավական համակարգը։
-Եվ հայկական եւ գերմանական իրավական համակարգը պատկանում են այսպես կոչված մայրցամաքային իրավունքին, եւ այդ տեսանկյունից արդեն կան նմանություններ։ Վերջին տարիներին առավել հաճախ հայկական օրենքները գերմանական մոտեցումների հիման վրա մշակելու միտում է նկատվում։ Գերմանական իրավունքը աշխարհում հայտնի է, այն շատերին է համոզել, որ իր մոտեցումները արդար են։ Օրինակ՝ Ճապոնիայում գրեթե ամբողջությամբ գործում է գերմանական իրավունքը, նրանք, մեծ հաշվով, չունեն բուն ճապոնական իրավունք։ Ենթադրում եմ՝ հենց նույն պատճառով էլ ՀՀ-ն է նախընտրում գերմանական ճանապարհով ընթանալ։ Այդ իմաստով եւս իմ դերը ՍԴ-ում օգտակար կլինի։
Շարունակելի
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել