Մարաղայի կոտորածի անպատժելիությունը սնել է ադրբեջանական հայատյացության համակարգը՝ հանգեցնելով ամբողջական ցեղասպանության. Արցախ Միություն

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/29/2024 14:33 Ադրբեջանցիները արդեն մուտք են գործել Տավուշի՝ հանձնվող տարածքները, անգամ՝ վիրավոր ունեն 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/29/2024 11:00 Մայիսի 2-ից կտեսնենք գարնան վերադարձը. Սուրենյան 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/29/2024 17:36 Երևանում 71-ամյա տղամարդը շենքի մուտքում փորձել է անառակաբարո արարք կատարել 13-ամյա աղջկա նկատմամբ 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/29/2024 16:37 Նիկոլ Փաշինյանը չի մեկնելու Վլադիմիր Պուտինի երդմնակալության արարողությանը․ Մեդիահաբ 04/29/2024 15:46 Ադրբեջանցիները Կիրանցի տարածք մտնել դեռ չեն կարողացել. քիչ հետո Փաշինյանը կհանդիպի կիրանցիների հետ 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/29/2024 11:21 25 անշարժ գույք, 5 տրանսպորտային միջոց, ավանդներ, արժեթղթեր. ինչ է Դատախազությունը պահանջում բռնագանձել Ռոբերտ Քոչարյանից 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում 04/28/2024 14:33 Մի քանի օր առաջ թուրքը Գյումրիի սրճարանում նամազ էր անում․ իրազեկման երթ Գյումրիում (տեսանյութ)

Մարաղայի կոտորածի անպատժելիությունը սնել է ադրբեջանական հայատյացության համակարգը՝ հանգեցնելով ամբողջական ցեղասպանության. Արցախ Միություն 04/10/2024 18:56 | ԼՐԱՀՈՍ

Արցախ Միությունը հայտարարություն է տարածել, որում ասվում է․

«Մարաղայի հայերի դաժանագույն կոտորածի 32-րդ տարելիցին վերստին արձանագրում ենք, որ այդ և բազմաթիվ այլ միջազգային հանցագործությունների անպատժելիությունը սնել է ադրբեջանական հայատյացության համակարգը՝ հիմք ստեղծելով հայ ժողովրդի հանդեպ նորանոր հանցագործությունների և Արցախի ժողովրդի ամբողջական ցեղասպանության համար:

1992 թ. ապրիլի 10-ին, ադրբեջանական զինված ուժերի ստորաբաժանումներն Արցախի (Լեռնային Ղարաբաղի) Հանրապետության Մարտակերտի շրջանի Մարաղա գյուղում իրականացրեցին հայ բնակչության կոտորած։

Ապրիլի 10-ի լուսադեմին ադրբեջանական ստորաբաժանումները հարձակվեցին Մարաղա գյուղի վրա՝ առանձնակի դաժանությամբ կոտորելով խաղաղ բնակիչներին և ավերելով գյուղը։ Կոտորածի հետևանքով ավելի քան հիսուն քաղաքացիական անձ է զոհվել, տասնինն առ այսօր անհետ կորած է, ևս մի քանի տասնյակը գերեվարվել է և ենթարկվել բազմաթիվ կտտանքների:

Մարաղայի կոտորածը հայերի նկատմամբ էթնիկ ատելության ու ցեղասպանության ադրբեջանական քաղաքականության հերթական դրսևորումն է։ Հատկանշական է, որ այդ հանցագործությունն իրագործած հրամանատարներից Շահին Թաղիևն արժանացել է «ազգային հերոսի» կոչման, ինչը լրացուցիչ կերպով ապացուցում է ադրբեջանական հայատյացության քաղաքականության համակարգային բնույթը:

Միջազգային անպատժելիության և խրախուսանքի պայմաններում այդ քաղաքականության դրսևորման գլխավոր օրինակները դարձան 2020թ. և 2023թ. թուրք-ադրբեջանական ագրեսիաներն ու բռնի տեղահանումները, որոնց միջոցով ալիևյան ցեղասպանական ու բռնապետական ռեժիմն ավարտին հասցրեց Արցախի ժողովրդի ամբողջական ցեղասպանությունն ու հայրենազրկումը:

Նման հանցագործությունները չեն կարող անտեսվել ու մոռացվել ժամանակի ընթացքում, և վաղ թե ուշ հանցագործները պետք է ենթարկվեն պատասխանատվության: Ավելին, Արցախի ժողովրդի հավաքական, անվտանգ ու արժանապատիվ վերադարձն իր Հայրենիք անհրաժեշտ պայման է ողջ տարածաշրջանում արդարություն և կայուն խաղաղություն ապահովելու համար:

Ակնկալում ենք, որ այդ բոլոր շղթայական հանցագործությունները պետք է քննության առարկա դառնան տարածաշրջանում խաղաղության ձգտող միջազգային հանրության կողմից՝ միևնույն ժամանակ ապահովելով Ադրբեջանում հայատյացության համակարգի ոչնչացումը: Իսկ Հայաստանի Հանրապետությունը պետք է այդ հարցերը դնի բանակցային սեղանին և ձգտի միջազգային արդարության: Այլապես, հայ ժողովուրդը կանգնելու է նորանոր ողբերգությունների առջև»։

Աղբյուր` Փաստինֆո