ԲՈԼՈՐ ՆՅՈՒԹԵՐԸ
Ուղղակի քաոս էր, տպավորություն է, որ պահեստազորայիններին տանում էին Ջաբրայիլ՝ կոտորելու համար. փորձագետ 12/16/2020 21:54 | ԼՐԱՀՈՍ
Նոյեմբերի 9-ին եռակողմ ստորագրված հայտարարությունն ամեն մեկն ի զորու է մեկնաբանել այնպես, ինչպես իրեն ձեռնտու է։ Հենց դա էլ անում է ադրբեջանական կողմը՝ փաստացի շարունակելով այն շրջանների և գյուղերի գրավումը, որը պատերազմի ընթացքում չէր գրավել։ «Փաստինֆո»-ի հետ զրույցում այս մասին ասաց անվտանգության հարցերի փորձագետ Արմեն Մանվելյանը՝ անդրադառնալով վերջին օրերին ադրբեջանցիների կողմից ռազմական գործողություններին և զինծառայողների գերեվարմանը։
Արմեն Մանվելյանը նկատեց՝ վերջին օրերի իրադարձությունները ևս մեկ անգամ ցույց տվեցին, որ այս փաստաթուղթն իրենից արժեք չներկայացնող մի հայտարարություն է։
Հարցին՝ ինչպե՞ս է ստացվում, որ այդ փաստաթղթի կետերին միայն պարտաճանաչ կերպով հայկական կողմն է հետևում՝ տարածքները հանձնելով, իսկ ադրբեջանական կողմը փաստացի խախտում է այն, փորձագետը նշեց՝ սա այն հարցն է, որի պատասխանը իշխանությունները պետք է տան․ «Բացառված չէ, որ կա նաև ստորագրված գաղտնի փաստաթուղթ, որի մասին մեզ չեն հայտնում։ Բացառված չէ, որ տարբեր լուրերի համաձայն՝ կա բանավոր պայմանավորվածություն, որ հայկական կողմը կատարում է։ Շատ հարցեր կան, որոնց պատասխանները ցավոք չունենք։ Ամեն ինչ հնարավոր է, բայց այս պահին հույս ունենք, որ պատերազմը կանգ է առել և այն գյուղերը, որոնք մնացել են, կկարողանանք պահպանել, բայց Ադրբեջանի ագրեսիան շարունակվում է։ Ամենասարսափելին այն է, որ այս իրավիճակում հայկական կողմը դուրս է մղված։ Մինչև հիմա անհասկանալի է, թե հայ զինվորականների վերջին խումբը, որ գերի ընկավ, ինչու հանձնվեցին։ Ինչպե՞ս կարող է զինված անձն ուղղակի հանձնվել։ Որո՞նք են եղել պատճառները, ի՞նչն է ստիպել նրանց չպայքարել»,-ասաց Արմեն Մանվելյանը՝ նշելով, որ այս պահին մենք ինֆորմացիոն վաակումի մեջ ենք գտնվում և իշխանությունները ինչպես պատերազմի ողջ ընթացքում, այնպես էլ հիմա շարունակում են խաբել և տեղեկատվոթյուն չտրամադրել, թե ինչ է կատարվում Արցախի այն շրջաններում, որտեղ իրավիճակը լարված է։ Ընդ որում նույն իրավիճակը նաև Սյունիքի սահմանամերձ շրջաններում է։ Մինչ պաշտոնական լրատվությունն ասում է՝ այնտես ամեն ինչ լավ է, համայնքապետերը հակառակն են պնդում։
Անդրադառնալով հարցին՝ արդյոք այս իրավիճակում վտանգի մեջ չե՞ն նաև մեր այն կամավորները և զինծառայողները, որոնք Արցախի մեզ պատկանող բնակավայրերում են՝ հաշվի առնելով, որ թշնամին կարող է այդ վայրերի ուղղությամբ ևս ագրեսիվ գործողություններ ձեռնարկել, փորձագետն ասաց, որ առաջին հերթին վտանգի տակ է խաղաղ բնակչությունը, և եթե կամավորականները հեռանան, խաղաղ բնակչությունը կենթարկվի կոտորածի․ «Չեմ կարծում, որ ռուսները կմտնեն ռազմական բախման մեջ։ Նրանք խաղաղապահներ են, կողմերից որևէ մեկի հետ երբեք ռազմական բախման մեջ չեն մտնում։ Փորձում է բանակցությունների միջոցով հարցը լուծել, բայց եթե բանակցություններով հարցը չի լուծվում, իր զորքերը հետ է քաշում։ Իր համար առաջնայինն այն է, որ իր ստորաբաժանումներում զոհեր չլինեն»,-ասաց Արմեն Մանվելյանը։
Նրա կարծիքով այսօրվա իշխանությունները մտածում են՝ ինչպես պահեն իրենց աթոռները, մինչդեռ երկրում քաոս է և անիշխանություն, իսկ այդ անիշխանությունն ի օգուտ Ադրբեջանի է։
Անվտանգության հարցերով փորձագետն անդրադարձով նաև ԱՀ նախագահ Արայիկ Հարությունյանի ուղերձին։ Նշենք, որ ուղերձի մեջ նախագահը նշել էր, որ թեև Սահմանադրությամբ իրեն վերապահված լիազորությունների շրջանակներում պատասխանատվություն է կրում այս իրավիճակի համար, սակայն որևէ մեկին պատասխանատվության ենթարկելիս հարկ է տարանջատել թացը չորից։ Նախագահը նաև հարց է բարձրաձայնում՝ արդյոք ունեցել է ներքին ու արտաքին բավարար հնարավորություններ ու լծակներ այս լայնածավալ պատերազմում լիովին երաշխավորել ԱՀ ինքնիշխանությունը, անկախությունը, տարածքային ամբողջականությունը և անվտանգությունը․ «Եթե Սահմանադրությամբ Հանրապետության նախագահը զինված ուժերի գերագույն գլխավոր հրամանատարն է, ապա ու՞մ համար է գաղտնիք, թե իրականում Պաշտպանության բանակն ինչպես ու որտեղից է կառավարվում և թե որքանով է ԱՀ նախագահն ընդգրկված այդ գործընթացներում»,-նշել էր ԱՀ նախագահը։
Արմեն Մանվելյանը նկատեց՝ Արայիկ Հարությունյանի ուղերձում կա միտում՝ սլաքները դեպի վարչապետին ուղղելու․ «Մի հատված էլ ասում է՝ եթե ժամանակին կանխվեր պատերազմը, մենք այսքան զոհեր չէինք ունենա։ Քարը նետեց վարչապետի ուղղությամբ։ Արայիկ Հարությունյանը, հասկանալով, որ իրավիճակը ոչ թե կայունանում է, այլ գնալով էլ ավելի է վատանում, փորձում է տարանջատվել, որ իր անունն այլևս չկապեն գործող անձի հետ և փորձում է փրկել իր աթոռը»,-նշեց փորձագետը։
Հարցին՝ կարո՞ղ ենք ԱՀ նախագահի հեռախոսազրույցի ձայնագրությունից, ինչպես նաև նրա ուղերձից եզրակացնել, որ հնարավոր է միտումնավոր պարտություն է եղել, փորձագետը նշեց՝ այն տեղեկատվությունը, որ պարբերաբար ստանում է, տպավորություն է ստեղծում՝ երկիրը տարել են միտումնավոր պարտության․ «Պետական քարոզչամեքենան հիմա տարբեր ստեր է տարածում։ Խոսում են հինգերորդ սերնդի պատերազմի մասին, սակայն դա կեղծիք է։ Մեր դեմ կռվել է նույն զենքով զինված զորքը, ինչ մենք։ Միակ առավելությունն այդ ԱԹՍ-ներն են, որոնք էլ էֆեկտիվ են հարթավայրերում, բայց չգիտես ինչու այդ ԱԹՍ-ները չաշխատեցին արևելքում։ Մարտակերտը, Քելբաջարը, Աղդամը, Ասկերանը պահեցինք։ Նույն ԱԹՍ-ները կային, բայց Մարտունին էլ կարողացանք պահել, իսկ օրինակ Ջաբրայիլը, Հադրութը չկարողացանք։ Ինչո՞ւ Ջաբրայիլում այդքան զոհեր տվեցինք։ Երբ նայում ենք՝ ինչ է կատարվել Ջաբրայիլում, պարզվում է՝ ուղղակի քաոս էր և տպավորություն է, որ պահեստազորայիններին տանում էին այնտեղ կոտորելու համար։ Մեր ամբողջ ռազմաճակատի միայն մի ճակատն է, որ ճեղք է տվել և այնտեղից նրանք շարժվել են։ Նույնիսկ ռուս փորձագետներն են գրում՝ սա շատ տարօրինակ պատերազմ էր։ Ինչպե՞ս կարող է մի ճակատի ճեղքման հետևանքով ամբողջ բանակը պարտության խայտառակ պայմանագիր կնքի։ Շատ հարցեր կան, որոնց պատասխանները չենք կարող ստանալ։ Միայն այս իշխանությունների հեռացումից հետո, եթե դատական պրոցեսներ սկսեն, կկարողանանք մի շարք հարցերի պատասխաններ ստանալ»,-ասաց Արմեն Մանվելյանը։
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/26/2024 08:28 Հենրիխ Մխիթարյանին շնորհավորեցին բոլորը` բացի ՀՖՖ-ից․ «Ժողովուրդ»
- 04/26/2024 08:23 Գյուղից հետևում են դիրքերի քանդմանը․ «Հրապարակ»
- 04/26/2024 08:20 Համատեղ պայքարի պլան դեռ չկա․ «Հրապարակ»
- 04/26/2024 08:18 ԿԳՄՍՆ-ում փոփոխություններ են նախապատրաստվում ․ լուծարվելու է Սփյուռքի բաժինը․«Հրապարակ»
- 04/26/2024 08:13 Իշխանական թիմում էլ են սարսափում ադրբեջանցի «փախստականների» վերադարձի հեռանկարից․ Հրապարակ»
- 04/26/2024 07:53 Աննա Հակոբյանը քաղաքական նպատակով էր Գյումրիում. աճել է իշխանության հանդեպ անվստահությունը, թեմի առաջնորդը «վտանգ» է համարվում․ «Ժողովուրդ»
- 04/26/2024 07:40 Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/26/2024 20:05 Առեղծվածային դեպք՝ Կոտայքի մարզում. «Hotel Տ27» հյուրանոցային համալիրում հայտնաբերվել են 2 օտարերկրացիների մարմիններ. 2 հոգի էլ տեղափոխվել է հիվանդանոց
- 04/26/2024 10:53 2 ռուս կանայք հաղորդում են տվել ոստիկանություն, որ «Հաղթանակ» զբոսայգու տնօրենը հարվածել է իրենց, թքել իրենցից մեկի դեմքին. shamshyan.com
- 04/26/2024 10:33 Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
- 04/26/2024 10:23 Հրդեհ Գառնի գյուղում
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել