Փաստ ինֆո

Եկմալյան փողոցի 4-16 շենքերի բնակիչները կրկին Կառավարության շենքի մոտ էին։ Շարունակում են պայքարել իրենց իրավունքների համար՝ որ բնակարան ունենան։ Այսօր նրանք վարչապետ Նիկոլ Փաշինյանի հետ էին ուզում հանդիպել։ Բնակիչներից մեկը պատմեց, որ իրեն ժամանակին պայմանագիր են տվել, որ բնակարանը քանդելուց հետո նորակառույցում տուն կունենա, բայց պարզվել է, որ թղթաբանությունը ուժ չունի։

«15 տարի է սպասում եմ էսօր-էգուց։ Պապոյանը, եթե մի 3-4 ամիս մնար, ինձ տուն էին տվել։ Պայմանագիր կա, ամեն ինչը ունեմ, որ չորորդ հարկում պետք է տուն ստանամ, բայց էսպես է ստացվել։ Ինձ Պապոյանն ասել է, որ դու կապահովվես տուն կստանաս, ամեն ինչով ապահովել՝ լեզվով, ոչ թե գործով։ Դակումենտը ձեռքս է, որ չորորդ հարկի էս ինչ սենյակը քոննա, հիմա 8 հարկ սարքելա, բռնել կալանավորել են, տարել են, մեռելա, սաղա տեղյակ չենք, բայց մեկը եկե 22 հարկա սարգել, երեք հարկն էլ գետնի տակ։ Ասումա փողը տուր տունը տամ՝ ո՞նց թե փողը տուր, բա դակումենտը ինչի համարա։ Ութ հարկի վրա բերել 22 հարկ դրել ես ու ժողովրդին ասում ես փող տվեք։

Տունս քանդածա, չորս տարի ես էդտեղ չեմ ապրել, եկել տեսել եմ, որ սենցա վիճակը։ Ասում են, էդ դակումենտները չեն անցնում։ Իմ տունը օդից կախվածա հիմա, եկել տեսել եմ քանդացա, պատի մեջ խողովակա եղել, քանդել են լրիվ մինչև առաջին հարկ։

Հիշեցնենք, որ Երևանի Եկմալյան փողոցի 4-16 շենքերի 27 ընտանիքի բնակարանները շուրջ 15 տարի առաջ գերակա շահ են ճանաչվել, քանդվել, սակայն անտուն մնացած բնակիչները մինչ օրս որևէ փոխհատուցում, որևէ բնակարան չեն ստացել:
Մանրամասները՝ տեսանյութում։

Աղբյուր` Փաստինֆո