Փաստ ինֆո

Երևանի Ավան և Նոր-Նորք վարչական շրջանների ընդհանուր իրավասության դատարանում այսօր հարցաքննվեց վկա Արտավազ Միրզոյանը,  ով առաջինն է հայտնաբերել Հայկազ Բասեղյանի կախված դին:

Վկան հայտնեց, որ 2015թ. հունվարի 29-ին առավոտյան՝ ժամը 06.30-ին， արթանալուց հետո պատրաստվել են գնալ ֆիզհրապարակ եւ հերթապանն ասել է, որ կուսատներից մեկը չկա և գնան փնտրեն նրան: Այդ ժամանակ էլ տեղեկացել է, որ խոսքը գնում է կուրսատն Հայկազ Բարսեղյանի մասին, սակայն  վկան հայտնեց, որ Հայկազին ինքը չի ճանաչել:

Նրան փնտրելիս վկան քայլել է դեպի ֆիզհրապարակի կողմը， որտեղ ձյան ծածկույթ է եղել եւ տեսել է ոտնահետքեր, որոնց  ուղղությամբ էլ գնացել է եւ հեռվից նկատել է ինչ որ մեկին ու  կարծել, թե հենված է սյանը: Մտածելով, որ Հայկազն է՝  բղավել է,  «Հայկազ, դու ե՞ս, կսառես », ապա՝ ավելի մոտենալով՝ 5-6 քայլի վրա，  տեսել է Հայկազը պտտաձողից կախված է, «դեմքը տեսա ես էլ սառեցի »:

Անմիջապես ձայն է տվել և մոտեցել են հրամանատարության ներկայացուցիչները， ինչպես նաև բժշկուհին, ով， Հայկազի զարկերակը շոշափելով， արձանագրել է նրա մահը:

Վկան հայտնեց,  որ ըստ տեղեկությունների, Հայկազին սպանել են գործով 4 ամբաստանյալները՝ Գնել Թևոյանը, Նորիկ Սահակյան, Վաչե Մովսիսյան,  Մովսես Ազարյանը:

Հարցին, թե որն է եղել սպանության պատճառը՝ վկան, ասաց որ չգիտի, այդ կապակցությամբ տարբեր խոսակցություններ է լսել:

Ինչ վերաբերում է նրան, որ վկան ոտնահետքերով գնալով է հայտնաբերել է Հայկազին, և որ դրանք մեկ ուղղությամբ են եղել՝ վկան ասաց որ ոտնահետքեր նկատել է մինչև ֆիզհրապարակ հասնելը՝ ծառերի մոտ， իսկ դրանցից այն կողմ՝  ասֆալտապատ է:

Նախագահող դատավորի հարցադրումների արդյունքում պարզ դարձավ, որ ճանապարհը， որով վկան գնացել է Հայկազին փնտրելու，միակը չէ， որ տանում է դեպի ֆիզհրապարակ. այնտեղ կարելի է գնալ ևս երկու այլ ճանապարհներով:

Ինչ վերաբերում է գործով ամբաստանյալ Վարազդատ Սաֆարյանին, ապա վկան դատարանում նրան բնութագրեց, որպես կուրսանտների կողմից հարգված անձնավորություն։ Նրա կողմից կիրառված բռնության դեպքեր վկան չհիշեց:

Վկայի ցուցմունքներում առկա էական հակասություններով պայմանավորված մեղադրողը միջնորդեց հրապարկել նրա նախաքննական ցումունքը:

Ի տարբերություն մեղադրանքի կողմի, պաշտպական կողմը էական հակասություն չտեսավ:

Դատարանը բավարարեց մեղադրողի միջնորդությունը, և հրապարակեց այն: Մասնավորապես, հակասությունը վերաբերում է այն դրվագին, որ վկան միայնակ չի եղել,  երբ գնացել են Հայկազին փնտրելու, այլ մի քանի հոգով և  տղաներից մեկը հեռվից  նկատել և ասել է՝ «էն ովա տղերք», մյուսն ասել է, թե «կախված է», սակայն նրանք քաջություն չեն ուեցել մոտենալու, և միայն Արտավազ Միրզոյանը է մոտեցել Հայկազին: Իսկ երբ մոտեցել է՝ տեսել է պարանոցից պարանով կախված։

Հակասության մյուս դրվագը կապված էր ամբաստանյալ Վարազդատ Սաֆարյանի բնութագրմանը. նախաքննության ընթացքում կուրսանտը հայտնել էր, որ նա կոպիտ էր, կարող էր հայհոյել ու քաշքշել:  Վկան նաև նախաքննության ընթացքում երկու դրվագ էր ներկայացրել Վարազդատ Սաֆարյանի կողմից կուրսանտների նկատմամբ կիրառված բռնության:

Հակասության վերաբերյալ վկան ասաց, որ չի հիշել,  եւ  իր նախաքննական ցուցմունքը:

Աղբյուր` Փաստինֆո