Փաստ ինֆո

2015թ. հունվարի 29-ին ՀՀ ՊՆ Վազգեն Սարգսյանի անվան ռազմական ինստիտուտի կուրսանտ Հայկազ Բարսեղյանի սպանության դեպքից հետո տուժող Կարեն Բաղրամյանը մտորումների մեջ է ընկել, թե ինչ եղավ Հայկազի հետ, ուր տարան նրան, որից 10 րոպե անց քնել է:

Այդ մասին հայտնի դարձավ, երբ այսօր Ավան և Նորք-Մարաշ վարչական շրջանների ընդհանուր իրավասության դատարանում հրապարկվեցին տուժող Կարեն Բաղրամյանի նախաքննական ցուցմունքները, որի ավարտին մեղադրողի հարցին, թե արդյո՞ք նախաքննության ընթացքում իր նկատմամբ ճնշում կամ ուղղորդում եղել է՝ տուժողը տվեց բացասական պատասխան:

Նախաքննության ընթացքում տուժողը 1 տասնյակից ավել ցուցմունքներ էր տվել և յուրաքանչյուր անգամ ցուցմունք տալիս դեպքի հետ կապված նոր հանգամանքներ է հայտնել:

Տուժողը նշեց որ, երբ դեպքի հետ կապված նոր հանգամանքներ է հիշել, սեփական նախաձեռնությամբ է քննիչի դիմել և լրացրել ցուցմունքները:

Մասնավորապես, տուժողի սկզբնական շրջանում ցուցմունք տալով հայտնել էր, որ 4 անձինք՝ Գնել Թևոսյանը, Նորայր Սահակյանը Մովսես Ազարյանը և Վաչե Սահակյանն մտել են իրենց ննջարան, երկուսը կանգնել են Հայկազի ոտքերի մոտ, իսկ Գնել Թևոսյանը և Նորայր Սահակյանը գլխավերևում: Ըստ տուժողի նախաքննական ցուցմունքի՝ նրանք բռնություն են գործադրել Հայկազի նկատմամբ, Գնել Թևոսյանը փակել է Հայկազի բերանը, սակայն ժամանակ առ ժամանակ ինքը լսել է, որ Հայկազը հայհոյում է: Եվ քանի որ ինքը վախեցել է  այդ ամենից ադիալը քաշել է գլխին ու լուռ պառկել, իսկ երբ գլուխը փոքրի ինչ հանել է ադիալի տակից նկատել է,  թե ինչպես են Գնել Թևոսյանը և Նորայր Սահակյան Հայկազին դուրս տանում ննջարանից:

Դեպքի վերաբերյալ այլ հանգամանքները տուժողը հայտնել է ավելի ուշ տված ցուցմունքներում, մասնավորապես,  Հայկազ Բարսեղյանի սպանությունը որպես ինքնասպանություն ներկայացնելու մասին և այդ մասին գրություն գրելու վերաբերյալ:

 Հ. Բարսեղյանի սպանության վերաբերյալ ևս ոչինչ սկզբնական շրջանում տված ցուցմունքներում նա չէր հայտնել, այդ մասին սկսել է ցուցմունք տալ, երբ քննիչը իրեն ասել է, որ գործոց տվյալներ են ձեռք բերվել Բարսեղյանի սպանության մասին:

Իսկ ավելի ուշ տված ցուցմունքներում նշել է, որ երբ Հայկազին ննջարանից դուրս են տարել նա մահամերձ վիճակում է եղել: Տուժողն այդպես է հասկացել, քանի որ Հայկազը չի կարողացել քայլել ու տեսել է, թե ինչպես են նրան տանում:

Տուժողը նախաքննության ընթացքում նշել է, որ դեպից հետո ննջարանից դուրս են եկել Մովսես Ազարյանը և Վաչե Սահակյանն, ապա Գնել Թևոսյանը և Նորայր Սահակյանը իրենց հետ տանելով  Հայկազին, ով չի կարողացել քայլել:

Դատարանում Վաչե Սահակյանի պաշտպան Արմեն Նադիրյանի հարցին էլ պատասխանեց, որ  Գնելն ու Նորիկը Հայկազին դուրս են տարել, որից հետո  Վաչեն ու Մովսես են դուրս եկել ննջարանից:

Հաջորդ հակասությունն էլ վերաբերում էր նրան թե որքան ժամանակ են այդ 4 անձինք գտնվել իրենց ննջարանում, նախաքննության ընթացքում տուժող մի դեպքում հայտնել էր մոտ 10-ը րոպե, իսկ մյուս ցուցմունքներում՝ 30-40 րոպե:

Այս հարցի վերաբերյալ պաշտպանական կողմի հարցադրումներին, թե ի վերջո որքան ժամանակ են այդ 4 անձինք գտնվել իրենց ննջարանում՝ տուժողի մոտ նախ զարմանք առաջացրեց այդ հարցի շուրջ պաշտպանական կողմի հետաքրքրությունը, ապա պնդեց, որ 30 րոպե: 

Նշենք նաև, որ նախաքննության սկզբնական փուլում ցուցմունքն տալիս դեպքի կոնկրետ ժամի մասին էլ նա տեղեկություն չէր հայտնել, ասելով, որ իր մոտ ժամացույց չի եղել, սակայն  միևնույն ժամանակ նշել էր, որ գիշերը 24.00-ից մինչև առավոտյան 06.00-ն ընկած ժամանակահատվածը, իսկ ավելի ուշ տված ցուցմունքներում ավելի կոնկրետ ժամ էր, նշել՝ գիշերը 02.30-ի սահմաններում:

Գործով ամբաստանյալ Նորայր Սահակյանի պաշտպան Հովիկ Արսենյանի հարցին ի պատասխան ևս տուժողը պնդեց, որ գործով 4 մեղադրյալները գտնվել են իրենց ննջարանում մոտ 30 րոպե, պաշտպանի հարցին թե այդքան ժամանակ Նորայր Սահակյանը ևս գտնվել է ննջարանում տուժողը դրական պատասխան տվեց:

Բոլոր հակասությունները տուժողը բացատրում էր իր հոգեվիճակով, շփոթված լինելով, իսկ դատարանում տված ցուցմունքների հետ առկա հակասությունները ըստ տուժուղի՝ պայմանավորված էր դեպքից հետո երկար ժամանակ անցնելով:

Նշենք, որ տուժողը չափահաս է դարձել գործով նախաքննության ժամանակ, երբ նրան հարցաքննել են դեռևս անչափահաս, վերջինս հրաժարվել է ծնողի ներկայությամբ հարցաքննվելուց:

Այսօրվա դատական նիստում պարզվեց նաև, որ տուժողը դեպքից 2,5 ամիս անց է ծնողներին տեսել, իսկ մինչ այդ իրենց արգելված է եղել նրանց հանդիպել, նախ իրենց վերադասների կողմից,  որոնց անունը չնշեց տուժողը, ապա քննիչի կողմից ինչը՝ բացատրվել է գործի առանձնահատկությունից ելնելով:

Տուժողը պնդեց, որ այն ինչ տեսել և հայտնել է, դա իրականությունն է:

Նախաքննական ցուցմունքներում նաև նշել է, որ իրենց ննջարան մուտք գործած անձանց նա ձայներից է ճանաչել, դատարանում հայտնեց, որ տեսել է:

Հիշեցնենք, որ նախորդ դատական նիստում տուժող Կարեն Բաղրամյանը նշել է, որ երբ գործով 4 ամբաստանյալը գտնվել են իրենց ննջարանում ինքն օղու հոտ  է զգացել, ըստ տուժողի՝ նրանք գտնվել են ալկոհոլի ազդեցության տակ: Այս մասին տուժողի նախաքննական ցուցմունքներում ոչ մի խոսք չկար:

Լուսանկարը՝ tert.am-ի

«Թուրք չէին, բայց նրանց արածը թուրքի արած է». կուրսանտի սպանության գործով տուժող

Աղբյուր` Փաստինֆո