Փաստ ինֆո

ՔՊ-ական պաշտոնյաների կողմից, անկախ պաշտոնի մակարդակից, հնչեցվող հայտարարություններն ուղղված են խարխուլ իրավիճակ ստեղծելուն։ Կառավարում են խաբելով, ստի վրա հիմնված` հասարակությանը ցույց տալով, իբր իրենք տիրապետում են իրավիճակին, բայց վերջում կանգնեցնում փաստի առաջ»,- «Փաստինֆոյի» հետ զրույցում ասել է ադրբեջանագետ Գառնիկ Դավթյանը` անդրադառնալով Մհեր Գրիգորյանի ու Նիկոլ Փաշինյանի հրապարակային խոսքում առկա տարբերությանը: Նկատենք, որ Մհեր Գրիգորյանը հայտարարել է, որ ադրբեջանական կողմի հետ ոչ միայն քարտեզի շուրջ համաձայնություն ձեռք չի բերվել, այլ նաեւ պայմանավորվածություն, թե սահամանագծումը պետք է սկսել Տավուշից: Փոխարենը Նիկոլ Փաշինյանը հայտարարել է, որ պատրասատ են սահմանագծումն սկսել Տավուշից:

Գառնիկ Դավթյանի դիտարկմամբ` «ՔՊ-ում ոչ ոք որոշում չի կայացնում, ոչ մեկ չի կարող այնպիսի որոշում կայացնել, որը, այսպես ասած, Նիկոլ Փաշինյանից վեր է, որովհետև Նիկոլ Փաշինյանն ինքն իրեն ասոցացնում է պետության հետ, իրեն համարում է Աստված։ Դա արվում է, որպեսզի հասարակությունը չհասկանա, թե ով ինչ է ասում:

«Իրականությունն այն է, որ այսօրվա ոչ հայկական կառավարության հիմնական նպատակը պայմանավորված է Ադրբեջանին որպես լավ բարեկամ և գործընկեր ծառայելու Նիկոլ Փաշինյանի ցանկությամբ։

Հետևաբար` պետք է հենվել միմիայն Նիկոլ Փաշինյանի հայտարարությունների վրա, որովհետև ինքն է ՔՊ-ում որոշումներ կայացնում և դրանցով են առաջնորդվում»,- ասաց Դավթյանը` ավելացնելով, որ կա վտանգ, որ մի օր կիմանանք, որ Նիկոլ Փաշինյանն արդեն ստորագրած փաստաթղթով համաձայնել է տարածքները տալ Ադրբեջանին`դրանք համարելով ադրբեջանական: Փորձագետը համոզված է, որ ոչ մի քպական այս հարցով չի կարող ո՛չ միայն դեմ գնալ, այլև որոշումը չեղարկել:

«Նիկոլ Փաշինյանը նպատակ ունի հայկական տարածքները տալ Ադրբեջանին` ինչ- ինչ կեղծ պատմական և փաստաթղթային հիմքով,իսկ սահմանազատման և սահմանագծման հանձնաժողովը ձևական բնույթ է կրում: Արդեն որերորդ հայտարարությունն է անում Փաշինյանը, իհարկե, իրար հակասող, բայց բոլորը հանձնելու մասին են»,- ասել է Գառնիկ Դավթյանը:

Աղբյուր` Փաստինֆո