Փաստ ինֆո

Արմեն Գրիգորյանի դուրս տվածը հերթական ցնդաբանությունն է, ավելի լավ է նա բացատրի, թե ոնց եղավ, որ Ադրբեջանի հայտարարությունից հետո, թե փետրվարի 12-ին կրակոց է եղել ու ունեն սահմանապահ զորքերի վիրավոր, ՀՀ ՊՆ ՌՈ-ն սկսեց արդարանալ ու մեղավորներին պատժելու հայտարարություն տարածել, որին էլ հաջորդեց Ներքին Հանդի դեպքերը։ Ամենայն հավանականությամբ՝ հայկական կողմը ինչ-որ խոստումներ էր տվել ադրբեջանական կողմին մեղավորին հայտնաբերելու, պատժելու կամ միգուցե ադրբեջանական կողմն անգամ պահանջել էր, որ կրակողին իրեն արտահանձնեն։ Այս մասին «Փաստինֆոյի» հետ զրույցում ասաց պահեստազորի գնդապետ Հայկ Նահապետյանը՝ անդրադառնալով Անվտանգության խորհրդի քարտուղար Արմեն Գրիգորյանի հայտարարությանը, թե ռուսական զորքերը թույլ չեն տվել ԵՄ դիտորդներին մտնել Ներքին Հանդ, ինչն էլ պատճառ էր դարձել հայկական կողմից 4 զինծառայողների սպանվելուն։

«Միայն հայկական կողմի ոչ ադեկվատ հայտարարություններից ու պահվածքից հետո է, որ ադրբեջանական կողմն օգտագործեց դիպուկահարների։ Ներքին Հանդում, եթե անգամ լինեին ԵՄ դիտորդներ, ապա դեպքի պահին այնտեղ չէին լինի, որովհետև սահմանին բախումներ լինելու դեպքում ԵՄ դիտորդները դիտարկումն իրականացնում են տեսախցիկներով ու հեռադիտակներով՝ հանրապետության սահմանակից մարզերի հյուրանոցներում ու ռեստորաններում, կամ էլ Երևանի Հանրապետության Հրապարակի հյուրանոցներում»,- է նշել է ռազմական փորձագետն ու ավելացրել. «Եթե Արմեն Գրիգորյանը հիշողության կորուստ ունի, ավելի լավ է դիմի բուժօգնության, մենք հրաշալի հիշում ենք, թե նախկինում կրակոցների ժամանակ ԵՄ դիտորդները որտեղ են հայտնվել։ Ավելին, եթե կրակոցների ժամանակ ադրբեջանցի դիտորդները կրակել են ու մենք ունեցել ենք 4 զոհ ու 1 վիրավոր՝ հետաքրքրիր է, ինչով էին օգնելու ԵՄ դիտորդները։ Նրանք արդեն 1 տարի է, ինչ ՀՀ-ում են, այդքան կրակոցներ են եղել, որտե՞ղ էին այդ ԵՄ դիտորդները»։

Նահապետյանին նաև մտահոգում են ԵՄ դիտորդների զեկույցները։ «Ուր են գնում այդ զեկույցները՝ բացի Բրյուսելից, միգուցե ԱՄՆ կենտրոնական հետախուզական վարչությո՞ւն։ Այդ ԵՄ դիտորդները ձեռքի հետ էլ նաև ՆԱՏՕ-ի հետախուզներ են, ու զեկույցներ են ուղարկում, ոչ միայն Վաշինգտոն, այլ նաև Ալիևին»։

Նրա դիտարկմամբ՝ Արմեն Գրիգորյանի հայտարարությունների նպատակն այն է, որ հետագայում հայտարարի, թե ՀՀ-ն ԵՄ-ի հետ դիվերսիֆիկացրել է անվտանգային համակարգը, այսինքն՝ նա հող է նախապատրաստում՝ ՆԱՏՕ-ին «էստի համեցեք» անելու համար։
«Ի՞նչ էին անելու այդ դիտորդները՝ բղավելու էին, թե մի՞ կրակեք, մինչև հիմա իրենց հերոսական կեցվածքով ի՞նչ են կանխարգելել ու որտե՞ղ։ Նիկոլ Փաշինյանի աթոռը զբաղեցնելու հավակնությունները Արմեն Գրիգորյանի և՛ աչքն է մթագնել և ուղեղը։ Արևմուտքին իր ծառայություններն է փորձում մատուցել, ճիշտ կլինի որ Փաշինյանը զսպի նրան, քանի որ Ամեն Գրիգորյանը Արևմուտքին դրանով փորձում էր ասել, որ ինքն ավելի լավ «Նիկոլ Փաշինյան» կլինի, քան Փաշինյանը, նման հիմարություններ դուրս տալու մոտիվացիան սա է»,- ասել է Հայկ Նահապետյանը։

Անդրադառնալով, նոր անվտանգային համակարգեր որոնելու մասին Արմեն Գրիգորյանի հայտարարությանը՝ Նահապետյանը նշեց, որ ոչ թե գործող անվտանգային համակարգը, այլ այս իշխանության դիլետանտ քայլերը չեն աշխատում։

«Կազմակերպեք իմ ու այդ անձի հրապարակային հանդիպումը, որտեղ այդ անձը ու իր «բոսը»՝ Փաշինյանը, փորձեն բացատրել, թե 2022 թ-ի սեպտեմբերյան հայտնի դեպքերից հետո, երբ ադրբեջանական կողմը բարձունքներ վերցրեց, իսկ նույն այդ ԱԽՔ-ն ու Փաշինյանը հայտարարում էին, թե ՀԱՊԿ-ը համարժեք չի գործել, թե ՀԱՊԿ-ը քաղաքական գնահատական չի տվել Ադրբեջանի կողմից իրականացրած ագրեսիային ու չի ճանաչել մեր սահմանները՝ դրանից մեկ շաբաթ առաջ կառավարության նիստում Փաշինյանը հրապարակավ հայտարարում էր, թե Հայաստանի և Ադրբեջանի միջև սահմանները դելիմիտացված չեն, ճշգրտված չեն, նա երկրորդ սենսացիոն բացահայտում արեց, ասում է, եթե սահմանների վերարտադրությունից հետո պարզվի, որ 2 կողմերից զորքերը առաջ են եկել, ապա պետք է հետ քաշվեն։ Սա նշանակում է, որ Փաշինյանն ասում է, թե հնարավոր է, որ Ադրբեջանըոչ թե մեր տարածքներն է զբաղեցրել, այլ՝ իրենը հետ վերցրել։ Այդ ինչպե՞ս էր Փաշինյանը պահանջում, որ ՀԱՊԿ-ը ճանաչի այդ տարածքները օկուպացված, երբ փաստացի կասկածի տակ էր դնում, ասում էր, հնարավոր է, որ Ադրբեջանն իր տարածքներն էր հետ վերցրել 2021 -22 թթ-ին։ Ստացվում է՝ Փաշինյանն է ասում է, որ մեր սահմանները ճշգրտման կարիք ունեն։ Սա է այս իշխանության մտքի թռիչքը, դիլետանտություն, կեղծիք ու դեգենրացիա։ Այսպես երկիր չեն կառավարում, երկիրը այսպես դնում են զոհասեղանին»,- եզրափակել է Հայկ Նահապետյանը։

Աղբյուր` Փաստինֆո