Փաստ ինֆո

ՀՀ-ում ԱՄՆ դեսպանատան՝ ՀՀ որոշ տարածքներ ճամփորդելու արգելքի հայտարարության մեջ նշվել են այն ուղղությունները, որոնք մեր կողմից առավել անպաշտպանն են, եթե Ադրբեջանը լայնածավալ ռազմական գործողություններ սկսի ՀՀ-ի ուղղությամբ։ Հայտարարության մեջ նշված են այն տարածքները, որտեղ ադրբեջանցիները հիմա առավելություններ ունեն, բարձրունքներ են վերցրել։

Բանախոսի դիտարկմամբ, բնակլիմայական պայմանները այս պահին լայնածավալ ռազմական գործողությունների համար խիստ անբարենպաստ են, անտրամաբանական է, որ նման հարձակում լինի հիմա։ Սովորաբար հարձակումից առաջ զորավարժություններ են անցկացնում հարձակման սահմանային գոտիներում։ Հարձակման մասին նման հայտարարություն տարածելու նպատակներից մեկը հերթական անգամ հասարակության մեջ խուճապ առաջացնելն է։ Սակայն, բուն նպատակը դա չէ։ Ն․ Փաշինյանը, ամենայն հավանականությամբ, Պրահայում զիջումների լուրջ խոստումներ է տվել, որոնցից մեկը Սահմանադրությունն է, «Զանգեզուրի միջանցքն» է։

Փորձագետը կարծում է, որ Սահմանադրության մասը խիստ կարևոր է, քանի որ այնտեղից կարող են հանել եկեղեցու բացառիկության իրավունքը, չի լինելու ընտանիքի մոդելի ձևախեղումը և այլն։

Հնարավոր է, երկու կարևոր նոր հոդված ներմուծեն, որտեղ նշելու են, որ Հյաստանը չի լինելու որևիցե վերպետական ռազմաքաղաքական դաշինքի անդամ, իսկ Հայաստանը այս պահին հանդիսանում է ՀԱՊԿ անդամ։ Երկրորդ հոդվածը, որը կարող են մտցնել, այն է, որ Հայաստանը չեզոք պետություն է։ Ընդ որում, չեզոքության վերաբերյալ վերջերս բարձրաձայնել էր Ն․ Փաշինյանը։ Դա նշանակում է, որ խնդիր ես դնում, որ որևէ մոտիկ կամ հեռու հարևանի դեմ չես հարձակվում, իսկ հարևաններն էլ պարտավորվում են քո վրա չհարձակվել։ Նաև, երկրում մեկ այլ երկրի ռազմական ներկայություն՝ բազայի տեսքով, չպետք է լինի։

Բանախոսը կարծում է, որ հավաքական Արևմուտքը այս պահին, ի դեմս Մեծ Բրիտանիայի, ցանկանում է ժամ առաջ ցամաքային կապով Թուրան ստեղծել և դա է դառնալու Ռուսաստանի «աքիլլեսյան գարշապարը»։ Արևմուտքին անհրաժեշտ է, որպեսզի Հարավային Կովկասից ռուսական զինական ներկայությունը դուրս բերվի, որից հետո Հայաստանը արդեն դրված է զոհասեղանին։ Մի տարբերակով Հայաստանը դառնալու Արևմտյան Ադրբեջան, մյուս տարբերակով՝ երկու ազգությունների միացյալ մեկ պետություն, որը կկոչվի Հայաստանի և Արևմտյան Ադրբեջանի Հանրապետություն։ Այժմ աշխարհի ուժային կենտրոնների միջև պատերազմ է ընթանում Սյունիքի համար։

«Փաշինյանը փորձում է ժամանակ ձգել, քանի որ հաշվում է, որ, եթե ուկրաինական ճակատի վերջնարդյունքում հավաքական Արևմուտքը պարտվի, շատ կտրուկ տեղափոխվի ռուսական տանիքի ներքո»,- ասել է Հ․ Նահապետյանը։

Մանրամասները՝ տեսանյութում։

Աղբյուր` Փաստինֆո