«Դոգ»-ի հանցակցի թիրախում տղամարդիկ են․ կանացի կեղծ օգտահաշվով կապ է հաստատել նրանց հետ, ապա՝ նկարահանել մերկ վիճակում և գումար պահանջել - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

05/20/2024 10:51 Հրապարակվել են Իրանում ողբերգական վայրից զոհվածների աճյունների տարհանման կադրերը (տեսանյութ) 05/20/2024 12:10 Հայտնել են Ռաիսիի և նրա հետ զոհված իրանցի մյուս գործիչների հուղարկավորության օրը 05/19/2024 23:10 Փրկարարները մոտենում են ուղղաթիռի կործանման ենթադրյալ վայրին 05/20/2024 20:01 «Կոլցո» օպերացիայով ոստիկանները Կիրանցը հանձնում են թշնամուն 05/21/2024 18:56 Լավ չեմ զգում ինձ, չգիտեմ՝ որտեղ եմ․ նոր մանրամասներ՝ Իրանի նախագահի վթարված ուղղաթիռից 05/19/2024 22:21 Իրանի հոգեւոր առաջնորդը հույս է հայտնել, որ երկրի նախագահ Էբրահիմ Ռաիսին և մյուս պաշտոնյաներ ողջ են մնացել 05/20/2024 11:44 Ալիևի հետ հանդիպման ժամանակ Ռաիսիի հայտարարությունից մեկ ժամ անց նրան տեղափոխող ուղղաթիռը վթարային վայրէջք կատարեց․ ինչ է հայտարարել Իրանի նախագահը 05/20/2024 22:27 Հայտնել են Եվրոպայի հանգստավայրում զբոսաշրջիկ կնոջ խմբակային բռնաբարության մանրամասները 05/19/2024 20:45 Իրանի նախագահի և արտգործնախարարի կյանքը վտանգի տակ է. Reuters 05/20/2024 15:59 Բագրատ Սրբազանին հաջողվեց մուտք գործել Կիրանց․ նա գյուղի եկեղեցու մոտ է 05/21/2024 12:54 Որն էր աղետի պատճառը. Hurriyet-ը ներկայացրել է Ռաիսիի ուղղաթիռի կործանման թուրքական վարկածը 05/20/2024 08:52 Իրանի փոխնախագահը պաշտոնապես հաստատել է նախագահ Ռաիսիի մահը 05/21/2024 17:26 Մեզ համար երբեք ինքնանպատակ չի եղել ինչ-որ մեկին հայհոյելը․ Սաղաթելյան 05/19/2024 21:37 Իրանի նախագահ Ռաիսին այսօր պետք է այցելեր Հայաստան. աղբյուր 05/20/2024 17:04 Գյուղն իմ ճանաչած գյուղը չէր, կյանքը փոխվել էր, դարձել՝ ուրվական գյուղ, մարդիկ մեռելի պես ապրում են․ Բագրատ Սրբազան 05/20/2024 18:30 Թուրքիան հայտնում է, որ Ռաիսիի ուղղաթիռը ոչ մի ազդանշան չի տվել 05/19/2024 21:46 Արթուր Դավթյանը ապաշխարե՞լ է իր մեղքերի համար 05/20/2024 11:01 Բագրատ սրբազանին Ծովագյուղում հայկական գամփռ նվիրեցին 05/21/2024 10:54 Ինչքան կպնեք ձեր աթոռին, էնքան կսոսնձվեք, բայց որ հեռացվեք, աթոռն էլ ձեզ հետ կհեռացվի. Մինասյան 05/19/2024 21:59 Վաղը լույս չի լինի հետևյալ հասցեներում

«Դոգ»-ի հանցակցի թիրախում տղամարդիկ են․ կանացի կեղծ օգտահաշվով կապ է հաստատել նրանց հետ, ապա՝ նկարահանել մերկ վիճակում և գումար պահանջել 11/22/2023 19:44 | Քրեական խրոնիկոն

«Դոգ» մականունով հայտնի Վարդան Ղուկասյանի գործով ներգրավված ՀԱԿ նախկին ակտիվիստ Տիգրան Առաքելյանին վերագրվում է միանգամից մի քանի դրվագ շորթում։

Ավելի վաղ հայտնել էինք, որ «Դոգ»-ի գործով կալանավորվել է ՀԱԿ ակտիվիստ Տիգրան Առաքելյանը։ Ինչպես պարզվեց՝ Տիգրան Առաքելյանի թիրախում հիմնականում տղամարդիկ են եղել, որոնց հետ կանացի օգտահաշիվներով ինտիմ զրույցներ են վարել, ապա՝ տեսանկարահանել մերկ վիճակում և շանտաժի ենթարկել։ Ընդ որում, քրեական գործի տվյալներով պարզ է դառնում, որ նման եղանակով շորթում կատարելը Առաքելյանի համար, կարծես թե, նորույթ չէ։ Դրվագներից մեկը դեռևս 2014թ․-ին է վերաբերում։ Ըստ քրեական գործի՝Տիգրան Առաքելյանը, նախնական համաձայնության գալով իր մտերիմ կնոջ հետ, տղամարդկանցից գումար շորթելու համար սոցիալական ցանցում ստեղծել է կանացի անուն կրող օգտահաշիվ և այդ էջով համացանցային շփում է ունեցել տղամարդու հետ։

Այնուհետև, տղամարդու մասին արատավորող տեղեկություններ հավաքելու համար «Skype» հավելվածի միջոցով համացանցային շփման ընթացքում նրա ծանոթ կինը տղամարդու հետ վարել է ինտիմ բնույթի զրույցներ, գայթակղել նրան ու իր գործողություններով դրդել տղամարդուն մերկանալ տեսախցիկի առաջ: Այդ ընթացքում Տ.Առաքելյանը նախապես ներդրված ծրագրի միջոցով տեսագրել է տղամարդուն այդ վիճակում, այնուհետև ֆեյսբուքյան մեկ այլ էջով տղամարդուն է ուղարկել տեսագրությունը և պահանջել 5000 հազար դոլար՝ սպառնալով պահանջը չկատարելու դեպքում տեսագրությունը տարածել համացանցային տիրույթում, ինչը մերժվել է։ Քրեական գործի տվյալներով՝ արատավորող տվյալներ հրապարակելու սպառնալիքով Առաքելյանը ևս երկու տղամարդուց է պահանջել իրեն հանձնել գույք։ Բացի այդ, նա մեղադրվում է նաև դատավորի մասին արատավորող տեղեկություններ հրապարակելու մեջ՝ կապված նրա ծառայողական պարտականությունների հետ։

Մասնավորապես, Արտակ Գալստյանի՝ «Վանոյի Արտակի» կալանավորման որոշումից հետո Առաքելյանը, հանցավոր կազմակերպության կազմում, տեղեկություններ և միջոցներ է տրամադրել «ԴՈԳ» մականվամբ Վարդան Ղուկասյանին և դատավորի օրինական ծառայողական գործունեության հետ կապված վերջինիս վերաբերյալ արատավորող, նրա իրավունքներին և օրինական շահերին վնաս պատճառող տեղեկություններ է հրապարակել համացանցի «Telegram» հավելվածում:

Տիգրան Առաքելյանը շարունակում է մնալ կալանավորված։ Գործն այժմ ուղարկվել է դատարան և գտնվում է Երևանի քրեական դատարանի դատավոր Արտուշ Գաբրիելյանի վարույթում։

Հեղինակ՝ Իզաբել Սահակյան

Աղբյուր` Փաստինֆո