Հրդեհից զոհված 15 զինծառայողի հարազատների և մեղադրյալների առաջին հանդիպումը լարված է եղել, տուժողները շիշ են նետել մեղադրյալների ուղղությամբ

ԲՈԼՈՐ ՆՅՈՒԹԵՐԸ

Բոլորը

09/20/2023 14:26 Իրանը հայտարարել է Հայաստանի ու Ադրբեջանի հետ բոլոր չվերթները չեղարկելու մասին 09/20/2023 20:28 Վիրավորներից 12-ի կյանքը փրկել չի հաջողվել, 15 հոգու վիճակ գնահատվում է ծայրահեղ ծանր (տեսանյութ) 09/20/2023 13:55 Ադրբեջանը ցուցակով պահանջել է հերոսներին հանձնել իրեն. hraparak.am 09/21/2023 13:37 Եվլախում հանդիպումն ավարտվել է. հայտնի է՝ ինչ են քննարկել 09/20/2023 21:10 Եղցահողն արդեն չկա, հողին են հավասարեցնում. Մեծ Շեն գյուղը շրջափակման մեջ է, տարհանում չենք կարողանում անել. գյուղապետ 09/20/2023 13:07 Արցախը գնաց զիջումների. լուծարում են ՊԲ-ն ու կբանակցեն Բաքվի հետ՝ վերաինտեգրվելու հարցի շուրջ 09/20/2023 12:54 Ակնհայտ է, որ այս կեղծիքի՝ հենց այս պահին հայտնվելը կապված է Արցախում ողբերգական իրադարձությունների և ինձ գալիք քաղաքական գործընթացներում չեզոքացնելու հետ. Ռոբերտ Քոչարյան 09/21/2023 16:54 Նայելով Արցախում գտնվող վիրավոր երեխաների լուսանկարներին` ասել, որ սա արվում է ապագայի համար, Հիտլերն անգամ չէր հանդգնի.Խաչիկյան 09/21/2023 11:27 Ադրբեջանցիները ցուցակ են ներկայացրել Լեռնային Ղարաբաղի պատմության մեջ արժանիքներ ունեցող անձանց. Սեյրան Օհանյան (տեսանյութ) 09/21/2023 11:18 Այո՛, այս ամենը պատահական չէ և չի կարող լինել. սա մեր՝ բոլորիս, առաքելությունն է. Ալեն Սիմոնյան 09/20/2023 12:40 Խփել են երեխաների տեղափոխող մեքենայի, ընկել է ձորը, երեխաները փախել են անտառ, թուրքը հետևից սկսել է կրակել ու սպանել. Հոխիկյան 09/21/2023 21:17 Զինադադարից 32 ժամ անց Ադրբեջանը թույլ չի տալիս վերցնել մեր զինվորների և խաղաղ բնակիչների դիերը․ Բեգլարյան 09/21/2023 16:47 Ամեն ուշացրած ժամ փրկության դռները փակելու է. Բաղդասարյան 09/20/2023 18:03 Ռեպրեսիաների ալիք է սպասվում. իշխանությունները ցուցակ են կազմել 09/20/2023 13:11 Արցախցի եմ, իմ արյունն էլ ձեր արյունից է, աղաչում եմ՝ մի ապրեք այնպես, ասես ոչինչ չի կատարվում, կատարվում է՝ ցեղասպանվում է արցախահայությունը․ հետո երգեր չերգեք՝ վայ, Արցախի ժողովուրդը ցեղասպանվել է 09/20/2023 13:26 Խոսքը դե յուրե Ադրբեջանի տարածքի մասին է. Դմիտրի Պեսկովը՝ Արցախում իրավիճակի մասին 09/20/2023 16:40 Անկախության տոնի ու Սնուփ Դոգի համերգները հետաձգվել են 09/20/2023 22:27 Ճանապարհային քարտեզը կհրապարակվի վաղը. Ավետիք Չալաբյան 09/20/2023 16:06 Ռուսաստանի հաշվարկը վիրավորական աստիճանի պրիմիտիվ է. Դավիթ Անանյան 09/20/2023 12:47 Ադրբեջանի կողմից իրականացվող ցեղասպանությունը՝ Արցախում. մայր ու մանուկ՝ գաղթի ճանապարհին (տեսանյութ)

Հրդեհից զոհված 15 զինծառայողի հարազատների և մեղադրյալների առաջին հանդիպումը լարված է եղել, տուժողները շիշ են նետել մեղադրյալների ուղղությամբ 09/18/2023 21:01 | ԼՐԱՀՈՍ

Ազատ գյուղի տարածքում տեղակայված զորամասի կացարանում 15 զինծառայողի կյանք խլած ողբերգական հրդեհի գործով կալանքի տակ գտնվող Եղիշե Հակոբյանը, Գոռ Աղեկյանը, Մառլեն Սարգսյանը կշարունակեն մնալ կալանավորված։ Գեղարքունիքի մարզի ընդհանուր իրավասության դատարանը՝ դատավոր Վարդան Հարությունյանի նախագահությամբ, քննության առնելով մեղադրյալների խափանման միջոցի հարցը, որոշել է անփոփոխ թողնել նրանց կալանավորումը՝ ժամկետը երկարացնելով ևս երեք ամսով։ Այս մասին «Փաստինֆո»-ն տեղեկանում է Եղիշե Հակոբյանի պաշտպան Հովսեփ Սարգսյանից։

Կալանավորման ժամկետը երկարացնելու վերաբերյալ դատարանի որոշումը պաշտպանության կողմը դեռևս չի ստացել, ստանալուց և դրան ծանոթանալուց հետո կքննարկի վերաքննիչ բողոք ներկայացնելու հարցը։ Դատական նիստում քննարկման առարկա է դարձվել նաև ընդդատության փոփոխման հարցը։ Տուժող կողմի ներկայացուցիչը միջնորդել էր գործը Գեղարքունիքի մարզի ընդհանուր իրավասության դատարանի վարույթից տեղափոխել Երևան, սակայն մեղադրյալներից մեկն առարկել է, ինչով պայմանավորված միջնորդությունը մերժվել է։

Գործով առաջին դատական նիստը բավականին լարված մթոնոլորտում է կայացել, հրդեհի հետևանքով զոհված զինծառայողների ծնողներն առաջին անգամ մեղադրյալներին հանդիպել են հենց առաջին դատական նիստի օրը։ Դատական նիստում լարվածությունը, պաշտպան Հովսեփ Սարգսյանի գնահատմամբ․ պայմանավորված էր ինչպես մեղադրյալների նկատմամբ նախատրամադրվածությամբ, այնպես էլ՝ ընդդատության փոփոխման վերաբերյալ միջնորդության մերժմամբ։

Տուժող կողմն, անգամ, շիշ է շպրտել պաշտպանության կողմի նկատմամբ․ «Մթնոլորտը, այսպես ասած, շիկացած էր, լարված էր»։ Պաշտպանի նկատմամբ ևս որոշակի նախատրամադրվածություն կար՝ պայմանավորված սույն գործով պաշտպանություն իրականացնելու հանգամանքով, ինչը, ինչ-որ տեղ ընդունելի էր, սակայն դրա զարգացումը փաստաբանի համար ընդունելի չի լինի, քանի որ դա կդիտարկվի արդեն որպես իր մասնագիտական գործունեության խոչընդոտում, ինչը քրեորեն պատժելի արարք է։

Պաշտպանը լիահույս է՝ հիմնական դատալսումների փուլում օբյեկտիվ իրականությունը կբացահայտվի։

Հիշեցնենք, որ ողբերգական դեպքը տեղի է ունեցել հունվարի 19-ին՝ ժամը 01.30-ի սահմաններում, որի հետևանքով զոհվել է 15 զինծառայող, երեքը՝ տեղափոխվել Այրվածքաբանության ազգային կենտրոն, նրանցից երկուսը, այդ թվում, կապիտանը՝ տևական ժամանակ վերակենդանացման բաժանմունքում են գտնվել։ Դեպքի առթիվ նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 4-րդ մասով, այն է՝ շրջապատի համար վտանգ ներկայացնող նյութերի հետ վարվելու կանոնների խախտում, որն անզգուշությամբ առաջացրել է երկու և ավելի անձի մահ։ Քրեական վարույթի շրջանակներում որոշումներ են կայացվել տուժող ճանաչելու մասին։

Դեպքի առթիվ նախաձեռնվել է նաև մեկ այլ առանձին վարույթ՝ ՀՀ քրեական օրենսգրքի 550-րդ հոդվածի 3-րդ մասով՝ զինվորական պաշտոնեական անփութության հատկանիշներով, որն անզգուշությամբ առաջացրել է մարդու մահ։ Նշված քրեական վարույթը միացվել է մայր գործին, համատեղ քննություն է իրականացվում։ Քրեական գործով այս պահին արդեն կա 4 մեղադրյալ, որից երկուսը կալանքի տակ են։ 4-րդ մեղադրյալը կապիտանն է, որն, ըստ Ն. Փաշինյանի կողմից կառավարության նիստում շրջանառության մեջ դրված վարկածի, փորձել է ավտոբենզինով վառել վառարանը։ Կապիտանը, ինչպես հայտնի է եւս այրվածքներ էր ստացել ու տևական ժամանակ գտնվում էր հիվանդանոցում, իսկ տուժող կողմը սկսել էր սեփական հետաքննությունն իրականացնել՝ չվստահելով պաշտոնական վարկածին։ Քրեական գործով ընդհանուր առմամբ հինգ մեղադրյալ կա։ Գործն այժմ գտնվում է Գեղարքունիքի մարզի ընդհանուր իրավասության դատարանի դատավոր Վարդան Հարությունյանի վարույթում։

Հեղինակ՝ Իզաբել Սահակյան

Աղբյուր` Փաստինֆո