«Երևի մտադրություն ունեն ծնողներին խելագարության հասցնելու»․ վագոն տնակում հրդեհի հետևանքով զոհված Պալյան Պողոսյանի ծնողներն անորոշության մեջ են - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

09/20/2023 14:26 Իրանը հայտարարել է Հայաստանի ու Ադրբեջանի հետ բոլոր չվերթները չեղարկելու մասին 09/20/2023 20:28 Վիրավորներից 12-ի կյանքը փրկել չի հաջողվել, 15 հոգու վիճակ գնահատվում է ծայրահեղ ծանր (տեսանյութ) 09/20/2023 13:55 Ադրբեջանը ցուցակով պահանջել է հերոսներին հանձնել իրեն. hraparak.am 09/21/2023 13:37 Եվլախում հանդիպումն ավարտվել է. հայտնի է՝ ինչ են քննարկել 09/20/2023 21:10 Եղցահողն արդեն չկա, հողին են հավասարեցնում. Մեծ Շեն գյուղը շրջափակման մեջ է, տարհանում չենք կարողանում անել. գյուղապետ 09/20/2023 13:07 Արցախը գնաց զիջումների. լուծարում են ՊԲ-ն ու կբանակցեն Բաքվի հետ՝ վերաինտեգրվելու հարցի շուրջ 09/20/2023 12:54 Ակնհայտ է, որ այս կեղծիքի՝ հենց այս պահին հայտնվելը կապված է Արցախում ողբերգական իրադարձությունների և ինձ գալիք քաղաքական գործընթացներում չեզոքացնելու հետ. Ռոբերտ Քոչարյան 09/21/2023 16:54 Նայելով Արցախում գտնվող վիրավոր երեխաների լուսանկարներին` ասել, որ սա արվում է ապագայի համար, Հիտլերն անգամ չէր հանդգնի.Խաչիկյան 09/21/2023 11:27 Ադրբեջանցիները ցուցակ են ներկայացրել Լեռնային Ղարաբաղի պատմության մեջ արժանիքներ ունեցող անձանց. Սեյրան Օհանյան (տեսանյութ) 09/21/2023 11:18 Այո՛, այս ամենը պատահական չէ և չի կարող լինել. սա մեր՝ բոլորիս, առաքելությունն է. Ալեն Սիմոնյան 09/21/2023 21:17 Զինադադարից 32 ժամ անց Ադրբեջանը թույլ չի տալիս վերցնել մեր զինվորների և խաղաղ բնակիչների դիերը․ Բեգլարյան 09/21/2023 16:47 Ամեն ուշացրած ժամ փրկության դռները փակելու է. Բաղդասարյան 09/20/2023 18:03 Ռեպրեսիաների ալիք է սպասվում. իշխանությունները ցուցակ են կազմել 09/20/2023 13:11 Արցախցի եմ, իմ արյունն էլ ձեր արյունից է, աղաչում եմ՝ մի ապրեք այնպես, ասես ոչինչ չի կատարվում, կատարվում է՝ ցեղասպանվում է արցախահայությունը․ հետո երգեր չերգեք՝ վայ, Արցախի ժողովուրդը ցեղասպանվել է 09/20/2023 13:26 Խոսքը դե յուրե Ադրբեջանի տարածքի մասին է. Դմիտրի Պեսկովը՝ Արցախում իրավիճակի մասին 09/20/2023 16:40 Անկախության տոնի ու Սնուփ Դոգի համերգները հետաձգվել են 09/20/2023 16:06 Ռուսաստանի հաշվարկը վիրավորական աստիճանի պրիմիտիվ է. Դավիթ Անանյան 09/20/2023 22:27 Ճանապարհային քարտեզը կհրապարակվի վաղը. Ավետիք Չալաբյան 09/20/2023 12:47 Ադրբեջանի կողմից իրականացվող ցեղասպանությունը՝ Արցախում. մայր ու մանուկ՝ գաղթի ճանապարհին (տեսանյութ) 09/21/2023 15:28 Օրվա գերխնդիրը մարդկանց էվակուացումն է, կազմակերպված ու անվտանգ տարհանումը, մարդկանց կյանքերը փրկելը. Գեղամ Բաղդասարյան

«Երևի մտադրություն ունեն ծնողներին խելագարության հասցնելու»․ վագոն տնակում հրդեհի հետևանքով զոհված Պալյան Պողոսյանի ծնողներն անորոշության մեջ են 09/18/2023 20:36 | ԼՐԱՀՈՍ

Սյունիքի մարզի մարտական դիրքերից մեկում զինվորական հանգստի համար նախատեսված վագոն-տնակում զինծառայող Պայլան Պողոսյանի կյանքը խլած հրդեհի հանգամանքները շարունակում են մնալ չպարզված, թեև ողբերգական դեպքից ավելի քան 1 տարի է անցել։ Գործով «սայլը» տեղից որևէ կերպ չի շարժվում, քննությունը ձգձգվում է՝ փորձաքննությունների եզրակացությունը ստացված չլինելու պատճառաբանությամբ, սակայն զոհված զինծառայողի ծնողները մտավախություն ունեն, որ փորձ է արվում կոծկել գործը։

Հիշեցնենք, որ զինծառայողն այրվածքներն ստացել է 2022թ. հուլիսի 17-ին, սակայն դեպքի մասին ՀՀ ՊՆ-ն հայտնել է միայն հուլիսի 25-ին, երբ զինծառայողն արդեն ծայրահեղ ծանր վիճակում էր գտնվում, իսկ դրանից օրեր անց էլ հայտնի դարձավ նրա մահվան մասին։ Հուլիսի 25-ին ՀՀ ՊՆ-ի տարածած պաշտոնական հաղորդագրության համաձայն՝ հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը: Ըստ պաշտպանական գերատեսչության, Պալյանն այրվածքներ է ստացել դիրքերում, զինվորների հանգստի համար նախատեսված վագոն-տնակում տեղադրված վառարանից բռնկված հրդեհից:

Պալյանի ծնողները որդու մահվան մեջ մեղադրում են իշխանություններին և դիրքի հերթապահ Կարեն Քյարամյանին, որը, ըստ ծնողների, հերթապահի պարտականությունները պատշաճ չի կատարել՝ նշելով, որ Պալյանը և ևս երեք զինծառայող փակված են եղել վագոն-տնակում, մինչև հերթապահը կհասներ և կբացեր դուռը: Ավելին, պարզվում է զինծառայողին պատշաճ բուժօգնություն չէր ցուցաբերվել ի սկզբանե, այրվածքներ ստանալուց հետո նրա մարմնի կրակը հանգցրել են ջրով և հողով, այրվածքներ ստանալուց հետո հինգ ժամ զինծառայողը մնացել է դիրքում՝ մինչև լուսաբացին տեղափոխել են հիվանդանոց: Դեպքի առթիվ 2022թ․ հուլիսի 17-ին նախաձեռնվել է քրեական վարույթ՝ ՀՀ քրեական օրենսգրքի 532-րդ հոդվածի 1-ին մասի հատկանիշներով (Զենքի, ռազմամթերքի, ռազմական տեխնիկայի կամ ռազմական այլ գույքի, ռադիոակտիվ նյութի, պայթուցիկ կամ շրջապատի համար առավել վտանգ ներկայացնող այլ նյութի, սարքի կամ առարկայի հետ վարվելու կանոն խախտելը, որն անզգուշությամբ առաջացրել է մարդու առողջությանը միջին ծանրության վնասի պատճառում կամ խոշոր չափերի գույքային վնաս կամ տվյալ առարկայի ոչնչացում կամ վնասում): Քրեական վարույթի շրջանակներում որոշումներ են կայացվել Պ․ Պողոսյանին, և ևս 3 անձի տուժող ճանաչելու մասին։ Վարույթի շրջանակներում նշանակված դատաբժշկական փորձաքննությունների եզրակացություննները ստացվել են, իսկ դատահրդեհատեխնիկական և դատանյութագիտական փորձաքննությունների եզրակացությունները՝ ոչ:

Գործն արդեն ավելի քան մեկ տարի է, ինչ քննվում է, սակայն որևէ անձ դեռևս մեղադրյալի կարգավիճակ չունի։ Պալյան Պողոսյանի մայրը՝ Գալյա Այվազյանը, «Փաստինֆո»-ի հետ զրույցում հայտնեց, որ անորոշ իրավիճակ է, գործի քննության ընթացքում որևէ շարժ չկա, պատճառաբանում են, որ փորձաքննությունների եզրակացությունները դեռևս չեն ստացվել, ըստ այդմ, չեն կարող որևէ տեղեկություն տրամադրել։

«Ինչքանով, որ տեղյակ ենք, ոչ մի մեղադրյալ այս պահին չկա։ Չգիտեմ, անորոշ վիճակ է, երևի մտադրություն ունեն ծնողներին խելագարության հասցնելու։ Չգիտեմ։ Արդեն մեկ տարին լրացել է հուլիսին, երկու ամիս էլ՝ անցել, բայց այսօրվա դրությամբ՝ ոչ մի տեղեկություն չկա։ Միշտ նույն պատճառաբանությունն է՝ փորձաքննության պատասխանները դեռևս չեն ստացվել»,- նշեց տիկին Գալյան՝ մտահոգություն հայտնելով առ այն, որ պատշաճ քննություն չի իրականացվում․

«Ինչպես կարո՞ղ է չլինել, ինչի մասին է խոսքը, եթե արդեն 1 տարի 2 ամիս է անցել։ Կներեք, տեսա՞ք՝ ինչ կատարվեց ծնողներից Գայանեի դեպքում, դատելն էլ իրականացավ, ամեն ինչ շատ արագ, շատ սահուն, իրենց սրտի ուզածով։ Ծնողի հետ կարելի էր այդ ձևով զբաղվել, բայց որ երեխու հետ այդպես են վարվում, ոչ ոք պատասխան չի տալիս»։ Այս ընթացքում ծնողները հանդիպում ունեցել են ՊՆ նախարարի, քննիչների հետ, բոլորը նույն պատասխանն են տալիս, ասում են՝ փորձում են, շահագրգռված են, երբ փորձաքննության եզրակացությունը գա, օրվա ցանկացած ժամին պատրաստ են ընդունելու ծնողներին, բայց իրավիճակը դեռևս անորոշ է։

«Օր օրի մեր մատաղ սերնդին, չգիտեմ ինչ ձևով, ջնջում են, ապրելու իրավունքից զրկում են։ Մեր ապրելու իմաստը․․․ ամեն մարդ իր ապրելու իմաստն իր շարունակության մեջ է տեսնում։ Պայքարելու ենք մինչև վերջ, ոչ մեկի թող չթվա, թե չենք պայքարելու, մենք պայքարելու ենք մինչև ճշմարտությունը բացահայտվի, մինչև մեղավոր անձը պատասխանատվություն կրի» ,- եզրափակեց տիկին Գալյան։
Հեղինակ՝ Իզաբել Սահակյան

Աղբյուր` Փաստինֆո