ԲՈԼՈՐ ՆՅՈՒԹԵՐԸ
Պատերազմը չի ավարտվել, մեր տանն ամեն օր պատերազմ է․ 44-օրյայում վիրավորված զինվորի մայրը միացել է հացադուլին 07/31/2023 19:36 | ԼՐԱՀՈՍ
44-օրյա պատերազմում վիրավորված, ռազմաճակատում բազմաթիվ սխրանքներով աչքի ընկած Նարեկ Պողոսյանի մայրը՝ տիկին Արևն էր այսօր ՄԱԿ-ի հայաստանյան գրասենյակի մոտ հացադուլավորը։ «Կանայք հանուն Արցախի» նախաձեռնությանը միանալու ցանկություն ուներ, բայց ադրբեջանցիների կողմից Վագիֆ Խաչատրյանի առևանգումից հետո է՛լ ավելի է համոզվել՝ ինչ-որ կերպ պետք է բարձրացնի իր բողոքի ձայնը։
«Որ լսեցի իր իսկ հայրենիքի համար պայքարած մարդուն առևանգելու մասին լուրը, անմիջապես աչքիս առաջ եկավ որդիս՝ Նարեկը։ Ստացվում է, որ նա ևս, որպես իր հայրենիքի պաշտպանությանը մասնակցած մարդ, նույն ճակատագրին կարող է արժանանալ։ Հիմա, փաստացի, չի կարողանում գնալ իր պապենական տունը, այցելել տատիկ-պապիկի գերեզմանին, այսուհետ կարող է իր պաշտպանած երկրից առևանգվե՞լ, համարվել տեռորի՞ստ։ Էս ո՞ւր ենք հասել մենք․․․ Ես ուղղակի ապշում եմ, թե ոնց չի զարթնում ժողովուրդը, է՛լ ինչ պետք է լինի, որ վեր կենա քնից, որ սթափվի, որ բարձրացնի իր բողոքի ձայնը»,- «Փաստինֆո»-ի հետ զրույցում իր վրդովմունքն է արտահայտում տիկին Արևը։
Պատերազմի ժամանակ ԱԹՍ խոցած ու բազմիցս աչքի ընկած զինվորի մայրն նկատում է՝ խաղաղություն քարոզողները, նախ և առաջ, պատերազմի պետք է պատրաստվեն, քանի որ առանց պայքարի խաղաղությունը չի տրվում։ Արցախը թշնամուն հանձնելու Փաշինյանի հանցավոր մտադրությանն ի պատասխան՝ տիկին Արևը հիշեցնում է նրա հնչեցրած «Արցախը Հայաստան է ու վերջ» խոսքերն ու պահանջում տեր կանգնել ասածին։
«Ես չեմ կարող նստել տանը, ոչինչ չանել։ Նարեկի պահանջն էր նաև, որ գամ ու այսօր այստեղ հացադուլ անեմ։ 120 հազար մեր հայրենակիցներ Արցախում սովի են մատնված։ Ես այստեղ եմ, որ արտահայտեմ իմ բողոքը, անհամաձայնությունը հայրենակիցներիս, երկրիս հետ կատարվողի հանդեպ։ Այստեղ եմ, որ թույլ չտամ ինձ ու տղային հայրենազրկեն, որ վաղը որդիս չհայտնվի Վագիֆ Խաչատրյանի կարգավիճակում։ Առանց չափազանցության եմ ասում՝ մեզնից յուրաքաչնչյուրի հարազատը՝ հայրը, եղբայյրը, որդին կարող էր լինել այդ մարդու փոխարեն։ Արցախում դժվար տղամարդ լինի, որ ծառայած, պատերազմի մասնակցած չլինի ու նույնն էլ Հայաստանում։ Ծառայած, պատերազմներին մասնակցած յուրաքանչյուր ոք նույն կերպ կարող է առևանգվել իր իսկ հողից, եթե սրա դեմը չառնենք»,-շեշտում է տիկին Արևը։
Ստեղծված վիճակից դուրս գալու, վերջնական կործանումից երկիրը փրկելու միակ ճանապարհը, ըստ մեր զրուցակցի, միաբանվելն է, մեկ բռունցք դառնալը։ Վստահեցնում է՝ հենց որ վերջ դրվի բաժանումներին՝ արցախցի, լենինականցի, սյունեցի, երևանցի․․․ ու բոլորս համախմբվենք հանունի շուրջ՝ հանուն հայ ժողովրդի ու Հայաստանի (ներառյալ նաև Արցախը), այն ժամանակ էլ հայը կհաղթի։
«Պատերազմը չի ավարտվել, մեր տանն ամեն օր պատերազմ է, ամեն օր մեր քննարկման թեման Արցախն է։ Որդիս այնտեղ է թողել իր առողջությունը, իր բազմաթիվ ընկերների արյունն այդ հողի մեջ է։ Նրանք զոհել են ամենթանկը, որ Արցախն ապրի, իսկ ի՞նչ ենք թույլ տալիս մենք հիմա մեր անտարբերությամբ, մեր լռությամբ»,-ասում է հացադուլին միացած կինն ու ավելացնում՝ ճանապարհ ցուցյ տվող չկա, առաջնորդ է պետք, բայց դա չի արդարացնում որևէ մեկի լռությունը, անգործությունը, ի պաշտպանություն ու ի զորակցություն Արցախի իրականացվող որևէ նախաձեռնության չմիանալու նրանց վարվելակերպը։
Տիկին Արևը շեշտում է՝ պատերազմը դեռ երկար ժամանակ չի ավարտվելու, ուստի դա գիտակցել ու վրեժխնդրությամբ լցված պատրաստվել է պետք։ Իսկ որ Արցախում կիսասոված, մաքառումների միջով անցնող մեր հայրենակիցները երբեք իրենց արժանապատվությունից ու հողից չեն հրաժարվելու, Նարեկի մայրը վստահ է։ Ինքն էլ մի քանի տարի Արցախում է ապրել, Նարեկին լույս աշխարհ է բերել Մարտունիում ու, որ այնտեղ հողը միշտ գերադասել են հացից, շատերից լավ գիտի։ Նրա համոզմամբ՝ հենց այդ գիտակցումով է, որ ամեն մի հայ այսօր պետք է ոտքի կանգնի՝ ի պաշտպանություն հումանիտար աղետի մեջ հայտնված արցախահայության։
Հիշեցնենք, որ հուլիսի 17-ից ՄԱԿ-ի հայաստանյան գրասենյակի մոտ մեկնարկել է «Կանայք հանուն Արցախի» նախաձեռնությունը։ Ի զորակցություն սովի եզրին կանգնած 120 հազար մեր հայրենակիցների, որոնցից 30 հազարը երեխաներ են՝ տարբեր մասնագիտությունների տեր կանայք հերթափոխով մեկօրյա հացադուլ-նստացույց են անում։
Հարակից հրապարակումներ`
Տեսանյութեր
07/05/2024 18:35 Միջազգային քիլլերը ձերբակալվել է ՀայաստանումՏեսադարան
05/24/2024 15:54 Հայաստանի բոլոր դպրոցների շրջանավարտների համար հնչեց Վերջին զանգըՄամուլ
- 07/26/2024 08:36 Փաշինյանը քայլեր է անում, որոնք քննադատում էր ընդդիմադիր եղած ժամանակ. «Հայկական ժամանակ»-ը պատկանում է վարչապետի զոքանչին. «Ժողովուրդ»
- 07/26/2024 08:31 Հսկողությունը հանձնվել է տեսչական մարմնին. «Հրապարակ»
- 07/26/2024 08:27 Տավուշը հանուն հայրենիքի» շարժումը նախընտրական արշա՞վ է սկսել. «Հրապարակ»
- 07/26/2024 08:19 Երկրում կուսակցաշինական բում է. նախընտրական շրջանի շունչ է զգացվում. «Հրապարակ»
- 07/26/2024 08:11 Կյանքը՝ Կիրանցում. 7 հոգի հրաժարվե՞լ է փոխհատուցումից. «Հրապարակ»
- 07/26/2024 08:05 Բուհերում թափուր տեղեր են մնացել, իսկ նախարարությունը արհեստական Ակադեմիական քաղաքի ծրագիրն է առաջ տանում. «Ժողովուրդ»
- 07/26/2024 08:01 515.430 արձանագրություն 25 օրում. քաղաքացին «տուգանքի մատերյալ է», իսկ ՔՊ-ականները անձեռնմխելի. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 07/23/2024 20:11 Պատահական չէ՝ երբ մեր իշխանությունները փորձում են ինչ-որ շեղում կատարել դեպի ռուսական հարթակ՝ Արևմուտքից հանկարծ հիշեցնում են կոկաինի պատմությունը. Ձյունիկ Աղաջանյան
- 06/30/2024 16:26 Սառցապատ Արարատից հրաբուխ է ժայթքելու, սա խորհրդանշելու է հայոց վերելքը․ Աշոտ դպիր Արևշատյան
- 06/19/2024 13:30 Փողոցով իշխանության գալը ՔՊ֊ի մենաշնորհն է, մյուսներին հակացուցված է
- 06/03/2024 20:11 Էն մարտավարությունը, որ կար նախկինում, երբ մեկ ոստիկանի ցուցմունքով մարդկանց կալանավորում էին, Սրբազանի շնորհիվ փոխվեց. Հարությունյան (տեսանյութ)
Մեկնաբանություն
- 07/26/2024 18:47 Հետամուտ եմ լինելու նման վարք ունեցող մանկավարժներին ժամ առաջ մեր մանկապարտեզներից մաքրելու գործին. Գարիկ Սարգսյան
- 07/26/2024 18:18 Սյունիքի ճանապարհին պատահաբար նկատեցի, որ Երասխի հատվածում մեր հենակետի վրա այլևս ծածանվում է թշնամու դրոշը. Ասլանյան
- 07/26/2024 15:17 Մինչև ո՞ւր ենք իջեցնելու կրթության և գիտության նշանձողը. գիտական կոպիտ սխալներ ունեցող այս դասագիրքը հաղթել է. Կրթության փորձագետն ահազանգում է
- 07/26/2024 13:00 Կառավարությունը վաղաժամկետ դադարեցրել է սահմանամերձ գյուղերում պետական աջակցությամբ տների կառուցման ծրագիրը. Ոսկան Սարգսյան
Արխիվ
Արտակարգ պատահարներ
- 07/26/2024 19:56 Պարեկները վնասազերծել են «Գազել»-ի ուղևորին․ նրա մոտ ատրճանակ ու գաղտնի փականով դանակներ են եղել
- 07/26/2024 18:26 Վերին Խոտանան գյուղի եկեղեցու մոտ բեռնատարը խցանել է ճանապարհը
- 07/26/2024 17:48 Թիավարելով՝ մոտ 200 մետր հեռացել են ափից ու չեն կարողացել վերադառնալ
- 07/26/2024 16:25 Ավտոմեքենան արգելափակվել է Ապարանի ջրամբարի ջրի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 07/25/2024 23:47 Երգեք լոգարանում. հայտնի են ամենօրյա պարզ սովորությունները, որոնք օգնում են խուսափել դեմենցիայից
- 07/25/2024 22:13 70-ամյա տղամարդը 5 օր գոյատևել է վայրի բնության մեջ՝ առանց սննդի և ջրի
- 07/25/2024 17:11 Տղամարդը մարգարեական երազի շնորհիվ միլիոն դոլար է շահել
- 07/25/2024 16:18 Ամենասեքսուալ օլիմպիադան. Ֆրանսիայի իշխանությունները մրցումների մասնակիցներին 300 հազար պահպանակ են տրամադրել
Հետաքրքիր է իմանալ
- 07/26/2024 16:23 Պարզվում է՝ Ֆրանսիայի տարածքի չափեր ունեցող անտարկտիկական սառցադաշտը անընդհատ ճոճվում է
- 07/24/2024 14:01 Լուսնի հողաշերտում ջրի հետքեր են հայտնաբերվել
- 07/20/2024 19:45 Թմրանյութերը, ալկոհոլը և ծխախոտը կարող են տկարամտության պատճառ դառնալ
- 07/19/2024 16:22 Որքան մեծ է արեգակնային ակտիվության հետևանքով կատակլիզմների հավանականությունը Երկրի վրա