Սևով սպիտակի վրա և սպիտակով՝ սևի․․․

ԲՈԼՈՐ ՆՅՈՒԹԵՐԸ

Բոլորը

04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 20:34 Արման Թաթոյանը ևս Կիրանցում է 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան 04/28/2024 13:20 Վահագն Մախսուդյանը գիշերը ՁՎՊ-ում ունեցել է արյան բարձր ճնշում

Սևով սպիտակի վրա և սպիտակով՝ սևի․․․ 08/27/2023 16:18 | Վերլուծություններ

Նկարիչների միության ցուցասրահը՝ ստեղծագործող անհատին հանրությանը ներկայանալի դարձնելու առումով համբավավորներ ու նոր անուններ, ահելներ ու ջահելներ չի տարբերակում։ Նկարիչների միության անդամ հանդիսացող տարբեր սերունդների ստեղծագործողներն այստեղ ներկայացնում են իրենց աշխատանքները՝ ամեն մեկը բերելով իր գույնը, իր աշխարհն ու սեփական ասելիքը։

Մեր՝ ժամանակը արվեստների սինթեզի ժամանակ է։ Գեղարվեստ և արտադրություն, արդյունաբերական դիզայն՝ ինտերյեր-դիզայն այս բառակապակցություններն այժմ ավելի քան ակտուալ են։ Բայց այս ամենը նոր չէ։

Հոլանդացի նշանավոր նկարիչ Պիտ Մոնդրիանի կյանքն ու գործը՝ վկա։ Կյանքի մի մեծ հատված նկարիչը նկարում է բնություն, ծաղիկներ՝ գունային բազմազանությամբ և գալիս է մի պահ, երբ ուղղակի այդ ամենից հրաժարվում է կատեգորիկ։ Մերժում է։ Եվ պատկերայնությանը տոտալ փոխարինելու են գալիս աբստրակտ ձևերը՝ հստակ գույներով և իմաստներով։ Ընդ որում, այն, ինչ նկարում է, դառնում և վերածվում է իր կենսակերպին՝ տուն-արվեստանոցի ինտերիերի գույնն ու ձևը ներառելով։ Պիտ Մոնդրիան՝ նկարիչ, աբստրակցիոնիզմի հիմնադիրներից մեկը, որին կարելի է ազատորեն համարել նաև ճարտարապետ։ Դիզայներ։ Նորարար․․․

Մարդը հողին կանգնած՝ հայացքը երկինք է հառում, Եթեր՝ Աստվածների բնակատեղին

Ժամանակակից արվեստի ձևերն ու ոճերը, կաղապարները՝ գունագեղ և եթերային՝ երբ աչքիդ առջև են և բովանդակությունը թողնված է մարդու երևակայությանը, վերջինս թռիչքներ կարող է գործել։ Այս համատեքստում էր այս ամիս նկարչի տանն այցելածս առաջին ցուցահանդեսը՝ օգոստոսի առաջին տասնօրյակում Ես միշտ գերադասում եմ ցուցահանդես այցելել հանդիսավոր բացումից ահագին հետո, հանգիստ, խաղաղ ժամանակ։

Նարեկ Ավետիսյան-Աշոտ Աշոտի՝ համատեղ՝ սևի ու սպիտակի կոնտրաստի ու համադրությամբ ցուցահանդեսը՝ «Եթեր» անվանյալ՝ մտքերի կոնցենտրացիա էր, ներհայեցողության հնարավորություն, որը ես օգոստոսյան մի առավոտ լիուլի զգացի, առնչվեցի։ Ի դեպ, իրենց համատեղ ներկայացումը ստեղծագործական իրական ներդաշնակություն էր՝ սևով՝ սպիտակի վրա և սպիտակով՝ սևի վրա գրված․․․

Մարդը հողին կանգնած՝ հայացքը երկինք է հառում։ Եթեր։ Աստվածների բնակատեղին։

Այն, որ Աշոտ-Աշոտի նախորդ ցուցահանդեսը, կարծեմ՝ 2019-ին, գունեղ էր, իսկ Նարեկի վառ գունապնակը նահանջել էր այստեղ՝ փոխարկվելով սևի ու սպիտակի զգայուն զսպության, բնավ պատահական չէ։ Մեր օրերի մտքերի, գույների համաձուլվածքն է։ Արտապատկերը։

Թերևս, պատահական չէր, որ եթերային սևուճերմակ՝ ամպեղեն խոհախոկումներից հետո երրորդ հարկի ցուցահանդեսի դեղինը դաջվեց, մնաց՝ որպես կեսօրվա կիզիչ արևի և գույն․․․ Գագիկ Մելքոնյան՝ հոգեբան-գեղանկարչի կտավները թանձրացական էին և դեղինը մի տեսակ, ներկայի համար շատ էր, այնպես, որ հրաժեշտից առաջ կրկին մտա «Եթեր»-ի սրահը․․․

Իր երազի թռիչքի հետևից․․․

Անցյալ կիրակի էր Կիռա Սատքլիֆֆ՝ անունից սկսյալ՝ արտիստիկ միքս պարունակող երիտասարդ ստեղծագործողի ցուցահանդեսի բացումը։ Առաջին անհատականն է։ Փորձարարական իր համարձակությունն աշխատանքների վրա դաջված է։ Յուղաներկով և ակվարելով արված նեոնային-գունանկարների կողքին, որ պատմում են հեղինակի՝ թռիչքների պատրաստ որոնումների և զգացական ապրումների մասին, մեկ էլ տեսնում ես՝ ցավն ու տառապանքը ձեռքերի մեջ առած սևով՝ սպիտակի վրա՝ տղամարդու կերպար, որ մեր օրերի դաջվածքը լինի ասես։ Հայացքը ձեռքերի մեջ թաքցրել է, բայց ձեռքերն ինքնին ցավի վկաներ են․․․

Հայացքդ սահում է պատից պատ՝ մի կողմում՝ տարբեր գրքերի ձևավորումներ են, մյուսում՝ երաժշտության մարդկանց ֆիգուրներ։ Սրահում՝ ստեղծագործական որոնումների բազմազանությանը համահունչ երաժշտություն է, որ շարունակությունն է ցուցադրանքի։ Թերևս, այդ որոնումներն են, որ հեղինակին տարել են Մոսկվայի Ստրոգոնովի անվան պետական գեղարվեստաարդյունաբերական ակադեմիա՝ շարունակելու կրթությունը և զարգացնելու։ Իր երազի թռիչքով․․․

․․․Ինքս հիմա հաճախ եմ ինձ բռնում այն փաստի վրա, որ 44-օրյայից հետո համերգ ու ցուցասրահ հաճախ չեմ այցելում՝ հիմնականում արձագանքելով ընկերներիս հրավերներին։ Սիրելի թեմաներս էլ դարակներում նիրհում են․․․

Կյանքը դիկտատոր է՝ ասում էր Աղասի Այվազյանը։ Իր մաշկի վրա էր դա զգացել։ Նույնն զգացողություններն ունեցել է Տերյանը, նույնը՝ Վարուժանը, երբ երազում էր մարդ էակին գիրքը գրելու մասին, քանզի Հայրենիքի վիճակը, ասում էր՝ «մեզ մեր անձեն հեռացուցած է»։

Այսօրվա հանգույն։

Ա․ Եսայան

Աղբյուր` Փաստինֆո