ԲՈԼՈՐ ՆՅՈՒԹԵՐԸ
Շատ խառն էր իրավիճակը, խրամատ չկար, միայն ծառեր ու չոլեր էին, խուճապ. իրենք անտառից էին կրակում, պատրոնը կա, բայց մարդ չկա. Վահանյանի գործով հարցաքննվում են տուժողները (տեսանյութ) 08/17/2023 21:17 | Դատական ռեպորտաժներ
Երևանի ընդհանուր իրավասության դատարանում՝ դատավոր Ջոն Հայրապետյանի նախագահությամբ, այսօր կայացել է մարտադաշտն ինքնակամ լքելու մեջ մեղադրվող գումարտակի հրամանատար Իշխան Վահանյանի գործով դատական նիստը։
«Փաստինֆո»-ի թղթակցի հաղորդմամբ՝ այսօրվա նիստին հարցաքննվել են տուժողներ Էրիկ Գասպարյանը և Արայիկ Գալստյանը։ Տուժող Էրիկ Գասպարյանը Խուռհատ սարից նահանջելուց հետո հայտնվել է շրջափակման մեջ, Վանք գյուղի տներից մեկում օրեր շարունակ գտնվելուց հետո գերեվարվել։ Պատասխանելով տուժողների իրավահաջորդների ներկայացուցիչ Գուրգեն Գրիգորյանի դիտարկմանը, թե հնարավո՞ր է արդյոք, որ Խուռհատ սարից նահանջելուց հետո ճիշտ ուղղորդման դեպքում կարողանային հասնել երրորդ գումարտակ, տուժողը նշեց. «Մեզ, ինչքանով որ խոսակցությունը հասել է, ասել են՝ երրորդ գումարտակը հենց մեր դիմացն է, համ էլ՝ հրաձգային զենքի կիրառման ժամանակ փամփուշտները հասել է։ Դրա համար ենք ենթադրում, որ մոտ են եղել»։ Շրջափակման մեջ Էրիկը գտնվել է ևս 20 զինծառայողի հետ, հետո՝ բաժանվել են խմբերի՝ պայմանավորվելով, որ եթե որևէ խումբ դուրս գա շրջափակումից, պետք է հայտնի մյուս զինծառայողների գտնվելու վայրը։
Դատական նիստի ընթացքում զոհված զինծառայողներից մեկի հայրը բարձրացրեց հարցը, թե ինչու հայտնաբերվելուց հետո զինծառայողները չեն հայտնել գտնվելու վայրը, չեն ճանաչել զինծառայողներին, որոնց լուսանկարները ցույց է տրվել, ըստ ծնողի, հանցագործության տարրեր կան։ Նախագահող դատավորն էլ նկատեց՝ դա հանցագործություն չէ, այլ հարց է, եթե սպայական կազմը լիներ, սակայն շարքային զինծառայողներին դա չի վերաբերում. «Սպաներից պահանջեք, ոչ թե՝ գերությունից վերադարձած զինծառայողներից»։ Տուժողը պատմեց, որ պատերազմից առաջ պատշաճ պատրաստություն չէին անցել։ Մինչև Խուռհատ սարից բուն նահանջը զինծառայողն իջել էր, իր խոսքով՝ հացի համար, այդտեղ էլ տեսել էր Իշխան Վահանյանին, «Ուրալ» մեքենաներ, հավաստիացնում է՝ իրեն այդ ժամանակ ոչ ոք չի հարցրել, թե ինչու է դիրքավորված զինծառայողն իջնում, քանի որ հացի ժամ է եղել, մեքենաներով հացը բերել են, ինքն էլ՝ իջել է։ Խուռհատ սարից նահանջի ընթացքում զինծառայողը հակառակորդի չի տեսել։
«Այսինքն, կարող է 5 հոգի էր կրակում ձեր վրա, դուք էլ՝ 150-200 հոգով եք»,- ասաց դատավորը, ինչին արձագանքելով Էրիկը նշեց. « երբ նահանջում են, թիկունքից էլ կրակում են, քանի հոգի ուզում է լինի»։ Դատավորի հաջորդ հարցին՝ նահանջի ժամանակ զորքն ամբողջությա՞մբ էր իջել, թե զորքի մի մասը կռիվ էր տալիս, տուժողը պատասխանեց. «Կարող են զինծառայղներն իրար պահելով իջնեն, օրինակ, շեղելու համար 20-ը կամ 50-ը փախչեն, այդպես հերթով իջնեն »։ Հարցին՝ ինչու էին փախչում, այլ ոչ թե, օրինակ, մնում կռվում և զոհվում, Գասպարյանը պատասխանեց. «Շատ խառն էր իրավիճակը, խրամատ չկար, միայն ծառեր ու չոլեր։ Անկանոն վիճակ էր, խուճապ։ Իրենք անտառից էին կրակում, պատրոնը կա, բայց մարդ չկա»։ Նահանջի ընթացքում, ըստ նրա, չի տեսել իրենից առաջ նահանջող զինծառայողներին։
Այսօրվա նիստում հարցաքննված մյուս տուժողը Արայիկ Գալստյանն էր, որը նույնպես Խուռհատ սարից նահանջելուց հետո հայտնվել է շրջափակման մեջ, ապա՝ գերեվարվել։ Գալստյանը չհիշեց՝ ոչ հրամանատարներին, ոչ էլ՝ դեպքի հանգամանքները, համենայն դեպս, դատարանում շատ մանրամասներ չհայտնեց՝ պատճառաբանելով, որ չի հիշում։ Պատմեց, որ ծնկից վերևի հատվածում վիրավորում է ունեցել, զինծառայողների մոտ գտնվող հեռախոսները հավաքել են պատերազմից առաջ։ Իշխան Վահանյանի վիրավոր լինելու մասին ինքը լսել է, սակայն՝ չի տեսել, չի տեսել նաև մարտադաշտից հեռանալը։ Նահանջի հանգամանքներին ևս հստակ չանդրադարձավ, ասաց, որ լսել է, գոռացել են «նահանջ», սակայն, թշնամուն չի տեսել։ Թեև Գալստյանն ընդամենը երկու ամսվա ծառայող էր, սակայն հավաստիացրեց, որ հրամաններ կարող էր կատարել, եթե հրաման լիներ դիրքերի փոփոխությամբ կամ առավել բարենպաստ դիրքավորմամբ պաշտպանություն իրականացնելու, չի բացառում, որ կիրականացնեին։ Տուժողի հարցաքննության ընթացքում իրավիճակը լարվեց, երբ իրավահաջորդներից մեկը հարց ուղղեց նրան, թե արդյոք, եթե իմանար, թե ում մեղքով է գերեվարվելու, կգնդակահարեր Իշխան Վահանյանին, թե՝ ոչ։ Հարցին տուժողն ըստ էության չպատասխանեց։ Հաջորդ հարցը, որը վերաբերում էր անպատրաստ նորակոչիկներին մարտադաշտ ուղարկելուն, վրդովվեցրեց ծնողներին։ Վիճաբանություն տեղի ունեցավ։ Տուժողի հարցաքննությունն ավարտվեց, դատական նիստը՝ հետաձգվեց մինչև օգոստոսի 29-ը, ժամը՝ 13.00-ն։
Հիշեցնենք, որ Իշխան Վահանյանին մեղադրանք է առաջադրվել ՀՀ քրեական օրենսգրքի 356-րդ հոդվածի (հրամանը չկատարելը) 3-րդ մասով և 380-րդ հոդվածի (մարտադաշտն ինքնակամ լքելը կամ զենքով գործելուց հրաժարվելը) 1-ին մասով: Նրա նկատմամբ որպես խափանման միջոց էր ընտրվել կալանավորումը։ Ըստ ՔԿ-ի՝ Վահանյանը, Ադրբեջանի Հանրապետության կողմից Արցախի Հանրապետության դեմ սանձազերծված ագրեսիվ պատերազմի և 2020թ. սեպտեմբերի 27-ին հայտարարված ռազմական դրության ժամանակ զբաղեցնելով ԱՀ պաշտպանության բանակի զորամասերից մեկի ուսումնական գումարտակի հրամանատարի պաշտոնը, հանդիսանալով իր ենթակա անձնակազմի պետը, մարտական գործողությունների ընթացքում չի կատարել իր անմիջական պետի հրամանը, ինչպես նաև ինքնակամ լքել է մարտադաշտը, որի արդյունքում զորամասի ուսումնական գումարտակի անձնակազմից զոհվել, տարբեր աստիճանի մարմնական վնասվածքներ են ստացել և գերեվարվել պարտադիր ժամկետային զինծառայողներ՝ այդ կերպ առաջացնելով ծանր հետևանքներ: Նշենք, որ այս գործով անցնող միակ մեղադրյալը Իշխան Վահանյանն է։ Քրեական գործն ի սկզբանե մակագրվել էր Սյունիքի մարզի ընդհանուր իրավասության դատարանի դատավոր Լ․ Սեփխանյանին, սակայն հետագայում գործի ընդդատությունը փոխվել է՝ պայմանավորված միջադեպով։ Գործն այժմ Երևանի ընդհանուր իրավասության դատարանի դատավոր Ջոն Հայրապետյանի վարույթում է։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/17/2024 08:21 Բագրատ սրբազանը զգուշավոր է դարձել․ «Հրապարակ»
- 05/17/2024 08:17 Պարտադիր ժամկետային ծառայողներին ծնողները շարունակում են ծանրոց ուղարկել. նրանց բեռը չի թեթևացել. Նիկոլ Փաշինյանը խաբել է. Մաս 209. «Ժողովուրդ»
- 05/17/2024 08:14 Պատրաստվեք, որ ադրբեջանցիների բոլոր պահանջները կատարելու եմ․«Հրապարակ»
- 05/17/2024 08:11 Ներքաղաքական օրակարգը թելադրում են Բագրատ սրբազանն ու շարժումը․ «Հրապարակ»
- 05/17/2024 08:05 Աներձագի «կրոնական» վոյաժները․ «Հրապարակ»
- 05/17/2024 07:55 ԲԴԽ նախկին անդամ Նաիրա Հովսեփյանի դեմ արշավը շարունակվում է. կարգապահական վարույթ են հարուցել. «Ժողովուրդ»
- 05/17/2024 07:46 Խորհրդարանական ընդդիմությունը Փաշինյանին իմպիչմենտ հայտարարելու հարցում չի շտապում. ուզում են լավ պատրաստվել. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 05/17/2024 16:43 ՀՀ կառավարության ռազմավարությունը արտագաղթը խթանելն ու Արցախի էջը մեկընդմիշտ փակելն է. Արտակ Բեգլարյան
- 05/15/2024 12:02 Ինքս իմ աչքով տեսել եմ, թե ինչպես է Փաշինյանի նեղ ու ավելի լայն շրջապատը բառացի փչացնում ու «հրեշ» դարձնում նրան. Հայրապետյան
- 05/14/2024 14:05 Ընդդիմադիր պատգամավորին թույլ չեն տվել մասնակցել Հայաստան այցելած ԵԱՀԿ նախագահի հետ հանդիպմանը
- 05/14/2024 12:00 Հայաստանի և Արցախի երիտասարդների կապը պետք է է´լ ավելի ամրապնդել ու զարգացնել. Գագիկ Ծառուկյան
Արխիվ
Արտակարգ պատահարներ
- 05/17/2024 18:24 Փրկարարները գետից դուրս են բերել որոնվող քաղաքացու դին
- 05/17/2024 11:23 Խոշոր հրդեհ «Շոփինգ Սիթի» առևտրի կենտրոնում. ամբողջությամբ այրվել է մոտ 1000 քմ տարածքում գտնվող 6 տաղավար
- 05/17/2024 10:58 Շիրակի մարզում վերաերթի է ենթարկվել քրեական հետախուզության բաժանմունքի օպերլիազորը. shamshyan.com
- 05/17/2024 10:45 26 համարի ավտոբուսը և 4 մարդատար ավտոմեքենա արգելափակվել են անձրևաջրերի մեջ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/17/2024 18:31 Արեգակի ակտիվության պատճառով Երկրի վրա կարող են ավելանալ ուժգին փոթորիկները՝ զգուշացնում են մասնագետները
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ