Փաստ ինֆո

Արդյո՞ք Աննա Հակոբյանի վերջի օրերի վարքը տարբերվո՞ւմ է ասուլիսում նրա ամուսնու ցուցաբերած վարքից։ Իհարկե ոչ։ Ինչպես Նիկոլ Փաշինյանը որոշեց բաժանել հայերին՝ արցախցիների ու հայաստանցիների, սևերի ու սպիտակների, ձեռք առնել արցախցիներին՝ ուղարկելով այնտեղ, այսպես կոչված, հումանիտար բեռ՝ քաջ գիտակցելով, որ այն տեղ չի հասնելու, ինչպես որ նա փորձեց թատերական ներկայացում բեմադրել Եվրոպայում՝ լուռ համաձայնելով Ակնա – Ստեփանակերտ, այսպես կոչված, հումանիտար օգնության գաղափարի հետ, այնպես էլ նրա կինն է լկտիաբար ծաղրում արցախցիներին, իր «քուրերին ու եղբայրներին»։ Այստեղ զարմանալու ոչինչ չկա, հատկապես, որ նրանց այս պահվածքն ու վարքը մեզ համար նորություն չէ,- «Փաստինֆո» լրատվականի հետ զրույցում ասում է հոգեբան Միհրդատ Մադաթյանը՝ անդրադառնալով սոցիալական ցանցերում վերջին օրերին նկատվող Աննա Հակոբյանի ակտիվությանը։

Հոգեբանը նկատում է՝ սուտը, կեղծ ներկայացումներն ու լկտիության չափազանց մեծ դոզան փաշինյանների ընտանիքի յուրատիպ այցեքարտն է դարձել. «Օրեր առաջ էլ՝ ողջ համացանցը լցված էր Աննա Հակոբյանի «բանջարեղեններ» տգետ արտահայտությամբ։ Մարդիկ զարմացած քննարկում էին, մի՞թե այս կինը մինչ այսօր չգիտի, որ հայերենում «բանջարեղեններ» հոգնակի եզրույթ գոյություն չունի, իսկ ես զարմանում էի զարմացողների վրա և հարց տալիս՝ իսկ մի՞թե դուք չգիտեք, տեղյակ չեք, որ այս մարդիկ տգետ են, կրթություն չեն ստացել, նրանք բառի բուն իմաստով անուս են»,- ասում է հոգեբանը։

Մեր իշխանության գլխին հայտնված այս ընտանիքն, ամբողջությամբ, հայատյաց և արցախատյաց է, թեև այս երկուսը ես չեմ առանձնացնում կամ տարբերում իրարից։ Նրանք իրենց ատելությունը դրսևորում են ամենատարբեր ձևերով, ասում է հոգեբանն ու հավելում. «Հայկական մի ամբողջ շրջան՝ 120.000 բնակիչներով հանդերձ, սովի է մատնված, իսկ սրանք ապրում են այնպես, կարծես ոչինչ չի եղել՝ ի ցույց դնելով իրենց բադրիջանները, ատելութուն ու տգիտությունը։ Երեկ ես հետևում էի, թե ի՞նչ է տեղի ունենում արցախյան համացանցային տիրույթում… Շատ կցանկանայի, որպեսզի Փաշինյանի մամուլի պատասխանատուն նրան փոխանցի այդ լրահոսը, ընդ որում, ոչ թե ցենզուրա կիրառելով, այլ ճիշտ այնպես, ինչպես որ կար՝ երբ ողջ Արցախը՝ իր 120.000 բնակիչներով, հայհոյում և ծաղրում էր վարչապետ կոչված անձին, լրջագույնս հիմնավորելով իրենց հայհոյանքն ու ծաղրը։ Ես ինքս եմ դրանք կարդացել»,- ասում է Միհրդատ Մադաթյանը։

Այն, ինչ անում է Աննա Հակոբյանը համացանցային տիրույթում, ըստ հոգեբանի, լուրջ տեխնոլոգիա է, որը նա չի հորինել.«Այս տեխնոլոգիան կիրառվում է մի շարք հարցերի պատասխաններ ստանալու համար։ Օրինակ, երբ Աննա Հակոբյանը համացանցային տիրույթում, հրահրելով քաղաքացիներին և մարդկանց, իր և իր ընտանիքի հասցեին անեծք և հոյհոյանք է գեներացնում, սրանով նա միտում ունի պարզելու՝ ինչքա՞ն են դեռևս կազմում իրենց կամ իրենց իշխանությունը սատարողների իրական թիվը։ Մյուս կողմից այստեղ գործում է երկրորդ տեխնոլոգիան՝ սպիտակների սատարումը ստանալու համար պետք է սևերի անեծքը կուլ տալ։ Եթե հիշում եք, հենց օրվա իշխանություններն էին, որ ժամանակին ժողովրդին բաժանեցին սևերի և սպիտակներին, ընդ որում, սևերն իրենք տվեցին իրենց համաձայնությունն այս ջրբաժանին՝ ընդունելով, որ իրենք, իսկապես, սև են, սրանով իսկ թույլ տալով իրենց մեծագույն սխալը, ինչևէ…Երբ Աննա Հակոբյանը համացանցային տիրույթում հայհոյանք ու անեծք է գեներացնում իր անձի և իր ընտանիքի անդամների հասցեին, սրանով գործում վերոհիշյալ սխեման։ Եվ ահա, ի պատասխան, այսպես կոչված, սևերի անեծքների, վրա են հասնում սիրելի սպիտակները և սկսում քաջաբար պաշտպանել իրենց գեղեցկուհի և սիրելի Աննային։ Եվ բոլորովին կարևոր չէ ու, նույնիսկ, շարքային քաղաքացիները չեն էլ նկատում, թե այդ «գեղեցկուհուն» պաշտպանողների հոծ բանակից քանի՞ տոկոսն է իրական երկրպագու, իսկ քանիսն, ուղղակի, հենց իրենց կողմից կառավարվող ֆեյքերի բանակ։ Ահա, թե ինչո՞ւ է Աննա Հակոբյանը պարբերաբար և առանց վարանելու հրահրում, որպեսզի հարյուր հազարավոր մարդիկ հայհոյեն ու անիծեն իրեն և իր ընտանիքին», -ամփոփելով զրույցն ասում է հոգեբան Միհրդատ Մադաթյանը։

Աղբյուր` Փաստինֆո