Փաստ ինֆո

Այն, ինչը պետական է՝ մենք այլ կեպ ենք ընկալում, այն, ինչը սեփական է՝ այլ կերպ ենք ընկալում։ Եթե գնանք դպրոց, որը նորոգվում է ու տուն, միայն տեղադրված ծորակները եթե շոշափենք՝ իրենց մեջ մեծ որակական տարբերություն կա։ Այս մասին կառավարության նիստում ասաց վարչապետ Նիկոլ Փաշինյանը՝ ընդգծելով, որ չնայած դրան՝ միավորի վրա նույն գումարն է ծախսվում։

«Սոցիալ-հոգեբանական մակարդակում մենք չենք կարողանում այս խնդիրը հաղթահարել։ Ես չգիտեմ կառավարության ո՞ր որոշման մեջ ի՞նչ փոխենք, որ այս խնդիրը լուծվի։ Դա ամենուր է, աթոռ կլինի, ծորակ կլինի, գիրք կլինի։ Նայում ես, ասում ես՝ սա պետական է, հետո նայում ես, ասում՝ հա՜, սա սեփական է, սա ակնհայտ փաստ է։ Պետք է հետևողական լինել, որովհետև չկա տենց որոշում, օերնք կամ նախագիծ, որ ասեմ՝ նախադասությունը փոխենք՝ հարցը կլուծվի»,- ասաց նա։

Փաշինյանի խոսքով՝ երեխաները միշտ չէ, որ դպրոցի ծորակին վերաբերվում են այնպես, ինչպես կվերաբերվեն իրենց տան ծորակին։

«Ես ոչ մի տեղ չեմ հանդիպել, որ մեկը դանակով իր անունը սեղանի կամ աթոռի վրա գրել է, բայց տասնյակ դպրոցներում ու համալսարաններում տասնյակ անուններ ենք տեսնում, հետաքրքիր է, էլի, օրինակ, ձեր տանը ինչո՞ւ չես գրում, եթե դրա մեջ խորը իմաստ կա։ Նույն եկեղեցիների պատերին, պատմամշակութային հուշարձանների պատերին, չեն գրում՝ էս ինչն ու էն ինչը եկեղեցու բակում տոլմա կերան, իրենց տանը չեն անի։ Պետք է հասկանանք սա կառավարության հետաքրքրությունների ոլորտում է, պետք է զբաղվենք, հետազոտություն անենք, դա ինքներս մեզ հասկանալու պրոցես է»,- ասաց վարչապետը։

Աղբյուր` Փաստինֆո