ԲՈԼՈՐ ՆՅՈՒԹԵՐԸ
Մնացել էինք երևի 25-30 հոգով, որից 10-ը վիրավոր էր, երեք գիշերվա ընթացքում վիրավորներից մնացել են ընդամենը երեքը. 70 օր շրջափակման մեջ մնալուց հետո փրկված զինծառայողը հարցաքննվել է դատարանում 04/06/2023 00:26 | Դատական ռեպորտաժներ
Երևանի ընդհանուր իրավասության դատարանում՝ դատավոր Ջոն Հայրապետյանի նախագահությամբ, ապրիլի 5-ին կայացել է մարտադաշտն ինքնակամ լքելու մեջ մեղադրվող Իշխան Վահանյանի գործով դատան նիստը։
«Փաստինֆո»-ի թղթակցի հաղորդմամբ՝ նիստի ընթացքում շարունակվել է տուժող կողմի հարցաքննությունը։ Մասնավորապես, հարցաքննվել է տուժող Արման Արմաղանյանը, որն Արցախյան երրորդ՝ 44-օրյա պատերազմի ժամանակ նորակոչիկ էր, իսկ Խուռհատ սարից նահանջելուց հետո հայտնվել է ադրբեջանական շրջափակման մեջ և 70 օր անտառում մնալուց հետո իր հինգ համածառայակիցների հետ հայտնաբերվել է։
Մինչև Խուռհատ սարի դրվագին անդրադառնալը, տուժողը պատմեց, որ մի քանի օր մնացել են Հադրութի դպրոցում, որտեղ տարբեր խոսակցություններ են եղել, քանի որ իրենց վաշտը նահանջել էր, իրենց հրամանատարներից Վարդերեսյանն ասել է Իշխան Վահանյանին՝ «Եթե տեսնում ես ինչ-որ մեկը փախչում է, կարող ես մեջքից կրակել», դրանից հետո խոսակցություն է լինում, Վահանյանն ասում է, որ, թեև ոտքը վիրավոր է, ինքը կմնա տղաների կողքին, իսկ իրենց խոստացել էին, որ ապահով վայր են տանում՝ երրորդ կամ չորրորդ գիծ, սակայն դիրքավորվելուց հետո հակառակորդը հարձակվել է, կրակել՝ նռնականետով և ինքնաձիգերով, իսկ զինծառայողներից շատերը չէին անցել մարտական պատրաստություն, աջուձախ էին կրակում, մարտերի ժամանակ վիրավորներ և զոհեր ենք ունեցել։ Այդ հատվածից նահանջելուց հետո զանգել են Վահանյանի հեռախոսահամարին, որը զանգերին չի պատասխանել, տեղափոխվել են Հադրութի զորամաս, ապա բարձրացել ու դիրքավորվել Խուռհատ սարի վրա, որտեղ ենթարկվել են հարձակման։ Իրավիճակը, տուժողի դիտարկմամբ, քաոսային էր, քանի որ իրենք դեռևս մարտական պատրաստություն չէին անցել, չէին կարողանում զենքից օգտվել, չէին տիրապետում հրամաններին, հրամանատարներն էլ տարբեր հրամաններ են տվել, մեկն ասել է՝ կրակել, մյուսը՝ չկրակել, մերոնք են, մյուսը՝ անցնել շրջանաձև պաշտպանության և ինքը՝ որպես զինծառայող, չի իմացել, թե ինչ է պետք անել։ Նահանջելուց հետո զինծառայողն իմացել է, որ Իշխան Վահանյանը թողել և փախուստի է դիմել։
Կամավոր «Քեռին» և զինծառայողների հետ մնացած միակ սպան՝ կապի հրամանատար Հովհաննես Մուրադյանը զոհվել են նահանջի ճանապարհին. ձորակով անցնելիս հարձակման են ենթարկվել, որի ժամանակ, տուժողի խոսքով, զոհերը և վիրավորները շատ են ունեցել։
«Զանգել եմ Վահանյանին, ասել, որ նման իրավիճակում ենք՝ ունենք շատ զոհեր, շատ վիրավորներ, մեզ վրա կրակում են, մի բան պետք է անենք, Վահանյանն ասել է՝ ես հիմա հիվանդանոցում եմ, ոչինչ էլ չեմ կարող անել, դուք կարող եք ճանապարհը շարունակել, այդտեղ եկեղեցի կա, եկեղեցին անցեք, դրանից հետո տեղ կա, որտեղով կարող եք դուրս գալ, բայց մենք ունեինք վիրավորներ, որոնք նույնիսկ չէին կարողանում շարժվել, որոնց օգնում էինք մի փոքր տեղաշարժվել, ցավից այնպես էին գոռում, որ անհնար էր այդպես տեղափոխվել։ Որոշեցինք, որ այն մարդիկ, որոնք հնարավորություն ունեն տեղաշարժվելու, վիրավորները, որոնց հնարավոր է տեղաշարժել, առողջ մարդիկ, որոնք ոչնչով չէին կարող օգնել, իրենց հետ ուղարկում ենք ներքև։ Մնում ենք երևի 25-30 հոգով, որից 10-ը վիրավոր էր, երեք գիշեր այդտեղ ենք մնում, երեք գիշերվա ընթացքում վիրավորներից մնացել են ընդամենը երեք հոգի։ Հասկացանք, որ առանց սնունդ, առանց ջուր չենք կարող երկար մնալ այդտեղ»,- նշեց տուժողը՝ պատմելով, որ տղաներից մեկի հետ իջել են ներքև, տեսել, որ գյուղ կա, կոմպոտ և որոշակի սնունդ են վերցրել, բարձրացրել տղաներին, երբ ուժ են հավաքել վիրավորների հետ իջել են ներքև։ Հետո արդեն հայտնվում են շրջափակման մեջ, կապ են հաստատել Վարդերեսյանի հետ։
Զինվորը պատմել է, որ որոշ ժամանակ անց դեպք է տեղի ունեցել, ու իրենց տեղը պարզում են՝ տղերքից մեկի անուշադրության պատճառով։ «Դրսից ձայն ենք լսում՝ ռուսերենով, ասում են՝ գիտենք, որ այդտեղ եք, մի որոշ ժամանակ անց ադրբեջաներեն են խոսում, հետո կրակում են շների-հավերի ուղղությամբ, հետո քար են գցում երկրորդ հարկ, բերում են մեծ տեխնիկա, որով վառոդներ են պայթեցնում, բայց ներս չեն մտնում։ Երկու-երեք օր հետո, երբ արդեն հանգստացած ենք լինում ու հասկանւոմ, որ մենք իրենց այդքան էլ չենք հետաքրքրում, որ ներս գան, ինչ-որ ադրբեջանցի սպա է գալիս վարորդի հետ՝ ասել-խոսել, ծիծաղելով, ներս են մտնում, մենք այդ ժամանակ խփում ենք սպային, վարորդը փախչում է։ Այդ ժամանակ որոշում ենք, որ պետք է վերցնենք մեր իրերը և տեղափոխվում այլ վայր»,- նշեց նա՝ հավելելով, որ շարժվում են դեպի անտառ, որտեղ մնալուց հետո շրջափակման մեջ հայտնված մյուս տղաները խմբերի են բաժանվում, քանի որ յուրաքանչյուրն իր պատկերացումն է ունենում, թե ինչպես կարող են դուրս գալ, իսկ ինքը գտնում է, որ պատերազմի ընթացքում չեն կարող դուրս գալ, պետք է զինադադար լինի, հակառակ դեպքում՝ ամեն սարի վրա մարդիկ կան, որոնք հետևում են տարածքին, տղաներից Հարութն իր պատկերացումն ուներ, քանի որ տեղանքին ծանոթ էր, բաժանումը լավ տրամադրությամբ է լինում, հեռախոսահամարներով փոխանակվել են, որ շրջափակումից դուրս գալուց հետո հանդիպեն, ինչպես նաև՝ հայտնեն մյուսների գտնվելու վայրը։ Տուժողը նշեց, որ ինքը որոշել էր, որ պետք է շարժվել Իրանի ուղղությամբ և Իրանի «ռոումինգով» զանգահարել, հայտնել իրենց գտնվելու վայրը, որոշ ժամանակ անց` դեկտեմբերի 10-ին ռուս խաղաղապահները հայտնաբերել են իրենց` 70 օր շրջափակման մեջ գտնվելուց հետո։
Հիշեցնենք, որ Իշխան Վահանյանին մեղադրանք է առաջադրվել ՀՀ քրեական օրենսգրքի 356-րդ հոդվածի (հրամանը չկատարելը) 3-րդ մասով և 380-րդ հոդվածի (մարտադաշտն ինքնակամ լքելը կամ զենքով գործելուց հրաժարվելը) 1-ին մասով: Նրա նկատմամբ որպես խափանման միջոց էր ընտրվել կալանավորումը։ Ըստ ՔԿ-ի՝ Վահանյանը, Ադրբեջանի Հանրապետության կողմից Արցախի Հանրապետության դեմ սանձազերծված ագրեսիվ պատերազմի և 2020թ. սեպտեմբերի 27-ին հայտարարված ռազմական դրության ժամանակ զբաղեցնելով ԱՀ պաշտպանության բանակի զորամասերից մեկի ուսումնական գումարտակի հրամանատարի պաշտոնը, հանդիսանալով իր ենթակա անձնակազմի պետը, մարտական գործողությունների ընթացքում չի կատարել իր անմիջական պետի հրամանը, ինչպես նաև ինքնակամ լքել է մարտադաշտը, որի արդյունքում զորամասի ուսումնական գումարտակի անձնակազմից զոհվել, տարբեր աստիճանի մարմնական վնասվածքներ են ստացել և գերեվարվել պարտադիր ժամկետային զինծառայողներ՝ այդ կերպ առաջացնելով ծանր հետևանքներ: Նշենք, որ այս գործով անցնող միակ մեղադրյալը Իշխան Վահանյանն է։ Քրեական գործն ի սկզբանե մակագրվել էր Սյունիքի մարզի ընդհանուր իրավասության դատարանի դատավոր Լ․ Սեփխանյանին, սակայն հետագայում գործի ընդդատությունը փոխվել է՝ պայմանավորված միջադեպով։ Գործն այժմ Երևանի ընդհանուր իրավասության դատարանի դատավոր Ջոն Հայրապետյանի վարույթում է։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/01/2024 08:17 ՀՀ կառավարությունը ազգային օպերատոր է դարձրել ուզբեկ բիզնես մագնատին, որը սանկցիաների տակ է գտնվում Եվրոպայում. «Ժողովուրդ»
- 05/01/2024 08:14 Պայքարողները չեն տրվել սադրանքներին․ «Հրապարակ»
- 05/01/2024 08:04 Նիկոլ Փաշինյանն ամոթանք է տվել, թե` չեք ուզում ձեր մի կտոր հողը զիջել, հանուն Հայաստանի անկախության․ «Հրապարակ»
- 05/01/2024 07:44 ՔՊ հերթական «ձեռքբերումները»․ Երեւանում ՏԻՄ վերջին ընտրությունների իրավախախտումները չեն վրիպել Freedom House-ի աչքից. «Ժողովուրդ»
- 05/01/2024 07:40 Արմավիրի նախկին դատախազները դիմել են արդարադատության նախարարին. ի՞նչ են պահանջում . «Ժողովուրդ»
- 05/01/2024 07:37 Աչք են փակել, սակայն շարունակում են իրենց պաշտոնները վայելել. «Ժողովուրդ»
- 04/30/2024 08:22 «Վերջին ընդդիմադիր պաշտոնյան Թագուհի Թովմասյանն էր ԱԺ-ում, որին մեծամասնությունը հեռացրեց». ԱՄՆ Պետդեպարտամենտ. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
Արտակարգ պատահարներ
- 05/01/2024 21:54 Խոշոր ավտովթար․ ընտանիքի 4 անդամներ, այդ թվում՝ երեխաներ, տեղափոխվել են հիվանդանոց
- 05/01/2024 21:13 Մասիսում մի խումբ անձանց միջև վիճաբանությունը վերածվել է ծեծկռտուքի․ կան վիրավորներ
- 05/01/2024 17:33 Հրդեհ Ջրառատ գյուղում. քաղաքացին այրվածքներով տեղափոխվել է հիվանդանոց
- 05/01/2024 17:05 Սյունիքի մարզում․ 14-ամյա տղան դաշտում սինդրիկ հավաքելիս վնասվածքներ է ստացել ու տեղափոխվել հիվանդանոց․ պատճառը կասկածելի պայթյունն է եղել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն