ԲՈԼՈՐ ՆՅՈՒԹԵՐԸ
Զինծառայողներին Խուռհատ սար են ուղարկել դիրքավորվելու՝ առանց բահի և դիրքավորման համար այլ պարագաների. Սկանդալային բացահայտումներ դատարանում (տեսանյութ) 02/16/2023 17:57 | Դատական ռեպորտաժներ
Զինծառայողներին Խուռհատ սար են ուղարկել դիրքավորվելու՝ առանց բահի և դիրքավորման համար այլ պարագաների։ Զինվորի շորի մասին մտածող եղել է, բայց զինվորի անվտանգության համար խրամատ փորելու սարքավորում տալու հրաման ոչ ոք չի տվել։ Այս մասին հայտնի դարձավ մարտադաշտն ինքնակամ լքելու մեջ մեղադրվող Իշխան Վահանյանի գործով նիստի ընթացքում։
«Փաստինֆո»-ի թղթակցի հաղորդմամբ՝ Երևանի ընդհանուր իրավասության դատարանում՝ դատավոր Ջոն Հայրապետյանի նախագահությամբ, այսօր կայացել է մարտադաշտն ինքնակամ լքելու մեջ մեղադրվող հրամանատար Իշխան Վահանյանի գործով դատական նիստը։
Այսօր հարցաքննվեց վկա Մոնթե Պողոսյանը, որը Խուռհատ սարում ճակատի շրջանում վնասվածք ստանալուց հետո տեղափոխվել էր հոսպիտալ և գտնվել Իշխան Վահանյանի հետ նույն հիվանդասենյակում, սակայն խուսափում էր նիստի ընթացքում նշել, թե ինչ հարցեր է քննարկել Վահանյանի և վիրավորում ստացած մյուս համածառայակիցների հետ՝ հիվանդանոցում, ինչն անգամ գործով նախագահողի մոտ կասկածներ առաջացրեց։
Մասնավորապես, վկան, որը պատերազմի ժամանակ լինելով երկու ամսվա զինվոր և ծառայելով որպես «ПК»-իստի օգնական, հայտնեց, որ Խուռհատ սարում վիրավորում է ստացել՝ գլխի շրջանում, ինչից հետո տղաների օգնությամբ իջել է սարից և նստել «Կամազ» ավտոմեքենան, որով վիրավորներ են տեղափոխվել։ Վկան նշեց, որ վիրավորումը ստացել է ճակատային հատվածում՝ քերծվածքի տեսքով, արնահոսության հետևանքով այդ պահին այլևս դադարել էր տեսնել և լսել, կարծում է՝ դիպուկահարի կրակոցից է վիրավորում ստացել, քանի որ այդ ժամանակ փոխհրաձգություն էր տեղի ունենում, իր՝ մարտադաշտում գտնվելու ընթացքում նռնականետ, ԱԹՍ կամ հրետանի չի աշխատել։ Թեև գործի նյութերով նշվում է, որ ավտոմեքենայում, որով վկան տեղափոխվել է սարից, գտնվել է նաև Իշխան Վահանյանը, վկան շարունակեց պնդել, որ ավտոմեքենայում եղել է մոտ ութ զինծառայող, սպա չի եղել, մեքենայի ղեկին նույնպես ժամկետային զինծառայող էր՝ նորակոչիկ։
Ճանապարհին «Կամազ»-ի ուղղությամբ սարի հատվածից կրակել են, չգիտի՝ մերոնք էին, թե ոչ, միայն նշեց, որ խուճապահար գնացել են կողքի գյուղ, որտեղ հանդիպել են երկրապահի, որն էլ «Օպել» մակնիշի ավտոմեքենայով վիրավորներին տեղափոխել է Խնձորեսկ՝ հոսպիտալ, վիրավորներից մեկի վիճակը ծանր էր, արնաքամ էր լինում։ Վկայի ցուցմունքի համաձայն՝ Խնձորեսկի հոսպիտալում արդեն հաջորդ օրն է հանդիպել Իշխան Վահանյանին, որը կաղալով էր քայլում, սակայն ինքնուրույն էր տեղաշարժվում՝ առանց ձեռնափայտի և սայլակի, ու վստահեցնում, թե Վահանյանի հետ չի զրուցել։ Դատավորի դիտարկմանը, որ երբ Վահանյանին հոսպիտալում տեսել է՝ արդյո՞ք չի մոտեցել պարզելու նրա որպիսությունը, կամ, նկատի ունենալով, որ վկան նույնպես թեթև վիրավորում էր ստացել, ասելու, որ արդեն լավ է, կարող է մեկնել մարտադաշտ, կամ գուցե գումարտակի հրամանատարն իր օգնության կարիքն ուներ, թե թաքնվել է, որ գումարտակի հրամանատարն իրեն չտեսնի, վկան նշեց, որ այդ ժամանակ չի տեսել, սակայն հայտնեց, որ հաջորդ օրը Վահանյանին պառկեցրել են իր կողքի մահճակալին, պարզվեց՝ միասին էին գնում ճաշարան, բայց շարունակեց պնդել, որ խոսակցություն չեն ունեցել, ինչն էլ դատավորի դիտարկմամբ անհավանական է, քանի որ նույնիսկ բոլորովին անծանոթ մարդիկ հիվանդանոցում միմյանց տեսնելիս, առավել ևս՝ իրար կողքի գտնվող մահճակալին պառկած լինելու դեպքում զրուցում են, քննարկում, հարցնում որպիսությունը, հնարավոր չէ, որ պատերազմական դրության պայմաններում վիրավորում ստացած և հոսպիտալում գտնվող անձինք չզրուցեն։ Հոսպիտալում վկան տեսել է մեկ այլ սպայի՝ Քոչարյանի, որը նույնպես ուսումնական գումարտակից էր, սակայն հոսպիտալ էր տեղափոխվել ոչ թե վիրավորման, այլ՝ աղիների հետ կապված խնդիրներով պայմանավորված, սակայն այս սպայի հետ վկան, ըստ իր խոսքերի, նույնպես չի շփվել, միայն տեսել է։ Վահանյանը հետագայում տեղափոխվել է նշված սպայի կողքի մահճակալին։
Վկան իր ցուցմունքում պատմեց նաև զորքի ցրվածության, խուճապի և այլ հանգամանքների մասին։ Մասնավորապես, պատասխանելով տուժողների իրավահաջորդների ներկայացուցիչ, փաստաբան Գուրգեն Գրիգորյանի հարցադրումներին, նա նշեց, որ իրենց տեղափոխել են Խուռհատ սար՝ հրամայելով դիրքավորվել, սարում բաց տարածություն էր, մի կողմից՝ անտառ, որևէ խրամատ չի եղել, երեք հոգով դիրքավորվել են, բայց ինքը, լինելով «ПК»-իստի օգնական, չգիտես ինչու, չի դիրքավորվել նրա հետ, գտնվել է նրանից 15 մետր հեռավորության վրա, իսկ մարտական գործողությունների ընթացքում չի նկատել, որ այդ զենքից կրակ արձակեն, անձամբ ինքը ինքնաձիգից էր կրակում։ Նա նաև նշեց, որ «9-րդ կիլոմետրում» զորքն արդեն ցրված է եղել, ինքը Հադրութի դպրոցում է իմացել, որ պետք է դիրքավորվել Խուռհատում։ Տուժողների իրավահաջորդների ներկայացուցչի դիտարկմամբ՝ զորքն ի սկզբանե բարոյալքված վիճակում է եղել, մինչդեռ քննությունը տարվել է միայն Վահանյանի կողմից Խուռհատ սարն ինքնակամ լքելու դրվագով, ուստի, պետք է քննել ամբողջ բարոյահոգեբանական վիճակը, արդյո՞ք Վահանյանն անգործություն չի ցուցաբերել, երբ նման վիճակում գտնվող զորքին թողել է բարձրանալ Խուռհատ։ Ցուցմունքի համաձայն՝ Իշխան Վահանյանը, հրաման տալով զինվորներին դիրքավորվել Խուռհատ սարում, նշել էր, որ այնտեղ ավելի ապահով էր, իսկ փաստաբան Գուրգեն Գրիգորյանի արձանագրմանը, որ հրամանը մնում է հրաման, այն պետք է կատարել, ինչու՞ է Վահանյանը հատուկ նշել, որ այնտեղ ապահով է՝ վկան խուսափողական պատասխան տվեց։
Վկայի ցուցմունքով ևս մեկ անգամ հաստատվեց, որ զինվորներն անտերության են մատնված եղել ռազմական գործողությունների ժամանակ ու ոչ մի հրահանգավորում կամ թշնամուն դիմակայելու համար զենք, դիրքավորման համար անհրաժեշտ որևէ պարագա չեն տվել։ Մասնավորապես, Խուռհատ բարձրանալուց առաջ զինվորներին նոր հագուստ են տվել, սակայն բահ և այլ պարագաներ՝ ոչ։
«Այսինքն՝ զինվորի շորի մասին մտածող եղել է, բայց զինվորի անվտանգության համար խրամատ փորելու հսարքավորում տալու հրաման ոչ ոք չի տվել»,- ասաց Գրիգորյանը, ապա դիմելով վկային հետաքրքրվեց, թե ով է տալիս այդ հրամանները, ինչին ի պատասխան վկան նշեց՝ գումարտակի հրամանատարը։ Այլ խոսքով՝ Իշխան Վահանյանը պետք է հրամայեր տրամադրելու զինծառայողներին բահեր կամ այլ միջոցներ, որը չի կատարել։
«Եթե գումարտակի հրամանատարն իր պարտավորոթյունը չի կատարում, նա մեղավո՞ր է հետագա գործողությունների ընթացքում հասցված վնասի համար, տղաների զոհվելու, վիրավորվելու համար»,- ասաց Գուրգեն Գրիգորյանը՝ դիմելով վկային, ինչին արձագանքելով վկան պատասխանեց. «Դե, եթե չի կատարել, ուրեմն այո»։
Զոհված զինծառայող Նարեկ Ղազարյանի հայրը՝ Գեղամ Ղազարյանը, հարց ուղղելով վկային, հետաքրքրվեց, թե արդյո՞ք Հադրութի դպրոցում՝ մինչև Խուռհատ բարձրանալը, երբ հրաման էր տրվել բարձրանալու Խուռհատ, վիճաբանություն չի եղել զինվորների և սպաների միջև, արդյո՞ք զինծառայողները չեն հրաժարվել բարձրանալ Խուռհատ, զինվորականներն արդյո՞ք չեն ասել, որ պետք չէ նորակոչիկներին տեղափոխել այնտեղ, պահանջել են զենք տրամադրել, բահեր՝ խրամատ փորելու համար, վկան նախ նշեց, որ մեծ վեճ չի եղել, ապա հաստատեց, որ նման խոսակցություն եղել է, խոստացել են զենք տալ։
Ի դեպ, նշված վկան տևական ժամանակ խուսափում էր ներկայանալ դատական նիստին, դատարանի աշխատակազմին պատասխան նամակներով հայտնում էր, թե ինչու են ընկել իր հետևից, ինքը հայրենիքի համար շատ բան է արել և այլն, իսկ այսօր ստիպված է ներկայացել նիստին, քանի որ ոստիկանության ծառայողներն այցելել են նրա բնակության վայր։
Դատակոչված մյուս վկաները հիմնականում գտնվում են Արցախում և չեն կարող ներկայանալ նիստերին։ Անհրաժեշտության դեպքում կփոխվի ապացույցների հետազոտման հաջորդականությունը և կհարցաքննվեն տուժողների իրավահաջորդները։ Դատական նիստը հետաձգվեց՝ մինչև մարտի 2-ը, ժամը՝ 13.00-ը։
Հիշեցնենք, որ Իշխան Վահանյանին մեղադրանք է առաջադրվել ՀՀ քրեական օրենսգրքի 356-րդ հոդվածի (հրամանը չկատարելը) 3-րդ մասով և 380-րդ հոդվածի (մարտադաշտն ինքնակամ լքելը կամ զենքով գործելուց հրաժարվելը) 1-ին մասով: Նրա նկատմամբ որպես խափանման միջոց էր ընտրվել կալանավորումը։ Ըստ ՔԿ-ի՝ Վահանյանը, Ադրբեջանի Հանրապետության կողմից Արցախի Հանրապետության դեմ սանձազերծված ագրեսիվ պատերազմի և 2020թ. սեպտեմբերի 27-ին հայտարարված ռազմական դրության ժամանակ զբաղեցնելով ԱՀ պաշտպանության բանակի զորամասերից մեկի ուսումնական գումարտակի հրամանատարի պաշտոնը, հանդիսանալով իր ենթակա անձնակազմի պետը, մարտական գործողությունների ընթացքում չի կատարել իր անմիջական պետի հրամանը, ինչպես նաև ինքնակամ լքել է մարտադաշտը, որի արդյունքում զորամասի ուսումնական գումարտակի անձնակազմից զոհվել, տարբեր աստիճանի մարմնական վնասվածքներ են ստացել և գերեվարվել պարտադիր ժամկետային զինծառայողներ՝ այդ կերպ առաջացնելով ծանր հետևանքներ: Նշենք, որ այս գործով անցնող միակ մեղադրյալը Իշխան Վահանյանն է։ Քրեական գործն ի սկզբանե մակագրվել էր Սյունիքի մարզի ընդհանուր իրավասության դատարանի դատավոր Լ․ Սեփխանյանին, սակայն հետագայում գործի ընդդատությունը փոխվել է՝ պայմանավորված միջադեպով։ Գործն այժմ Երևանի ընդհանուր իրավասության դատարանի դատավոր Ջոն Հայրապետյանի վարույթում է։
Հեղինակ՝ Իզաբել Սահակյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է
- 04/27/2024 19:11 3 զոհ, 6 վիրավոր․ Սյունիքում իրանական ավտոբուս է շրջվել
- 04/27/2024 12:45 Ողբերգական դեպք՝ Երևանում. շենքի բակում հայտնաբերվել է 66-ամյա տղամարդու մարմին
- 04/27/2024 12:03 ՌԴ քաղաքացին փորձել է նետվել Կիևյան կամրջից, ինքնասպանության փորձը կանխվել է
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել