ԲՈԼՈՐ ՆՅՈՒԹԵՐԸ
Ժաննա Անդրեասյանը հանդիպել է նոր դասագրքերի ստեղծմամբ հետաքրքրված մասնագետների հետ 01/13/2023 17:50 | ԼՐԱՀՈՍ
ՀՀ ԿԳՄՍ նախարարության հրավերով այսօր տեղի է ունեցել հանդիպում հանրակրթության նոր չափորոշիչների ներդրմամբ պայմանավորված դասագրքերի հրատարակության գործընթացով հետաքրքրված ֆիզիկական և իրավաբանական անձանց հետ:
2-րդ, 5-րդ, 7-րդ և 10-րդ դասարանների հանրակրթական առարկաների դասագրքերի ստեղծման նպատակով հայտարարված դրամաշնորհի մրցույթով հետաքրքրված անձանց հետ հանդիպել են ԿԳՄՍ նախարար Ժաննա Անդրեասյանը, նախարարի տեղակալ Արաքսիա Սվաջյանը, ԿԳՄՍՆ գլխավոր քարտուղարի տեղակալ Վահրամ Գասպարյանը, Հանրակրթության վարչության պետ Արսեն Բաղդասարյանը, «Կրթության զարգացման և նորարարության ազգային կենտրոն» (ԿԶՆԱԿ) հիմնադրամի տնօրենի ժամանակավոր պաշտոնակատար Արտաշես Թորոսյանը, նախարարության հանրակրթության վարչության և այլ ստորաբաժանումների ներկայացուցիչներ:
Նախարար Ժաննա Անդրեասյանի փոխանցմամբ՝ դասագրքերի ստեղծման և տպագրման գործընթացները ենթարկվել են էական փոփոխությունների: Դրանց առնչությամբ կարող են բազմաթիվ հարցեր առաջանալ, որոնք պարզաբանելու նպատակով էլ նախաձեռնվել է հանդիպումը.
«Նախևառաջ, գործընթացի կարգավորման համար արդեն ունենք նոր կարգեր: Մշակվել և հաստատվել է առանձին կարգ դասագրքերի ստեղծման մասին, հրապարակվել են նաև գնահատման չափանիշները, որոնք թույլ են տալիս ավելի լավ պատկերացում կազմել գործընթացի մասին»,- ասել է Ժաննա Անդրեասյանը՝ նշելով, որ դասագրքերի ստեղծման կարգը հաստատվել է մի շարք գրահրատարակիչների հետ ունեցած երկար և բազմաշերտ քննարկումների արդյունքում:
«Փոփոխված ընթացակարգերի արդյունքում բոլորիս նպատակն այն է, որ կարողանանք ունենալ հնարավորինս որակյալ ուսումնական նյութեր, դասագրքեր, որոնք կօգնեն հանրակրթության նոր չափորոշիչների համաձայն՝ կրթությունը դարձնել ավելի որակյալ և արդյունավետ: Այդ նպատակով կարիք ունենք ձևավորելու մրցակցային դաշտ, որովհետև ցանկացած պարագայում այն առաջ է բերում տարբեր մոտեցումներ և հնարավորություններ՝ օգնելով ընտրել լավագույն առաջարկը»,- ավելացրել է Ժաննա Անդրեասյանը՝ շեշտելով, որ գործընթացի մասնակցային դառնալու հնարավորությունները փորձ է արվել էապես մեծացնել:
Դասագրքերի ստեղծման մրցույթի պարտադիր բաղադրիչ է մրցույթին ներկայացված դասագրքերի փորձաքննությունը, որն իրականացվում է 2 փուլով՝ համապատասխանության փուլ և բովանդակային գնահատման փուլ:
ԿԳՄՍ նախարարը նաև ընդգծել է՝ հաշվի առնելով, որ դասագրքերի ստեղծման գործընթացը նոր ընթացակարգով իրականացվում է առաջին անգամ, լավարկումների և լրամշակումների անհրաժեշտություն ևս կարող է լինել. «Մենք բաց ենք քննարկումների համար: Մեզ համար կարևորը գործընթացի լավարկման միջոցով որակյալ արդյունք ստանալու սկզբունքի պահպանումն է»:
Ժաննա Անդրեասյանն անդրադարձել է նաև դասագրքերի ստեղծման ֆինանսավորմանը՝ պարզաբանելով, որ նախահաշվային արժեքի ձևավորման համար հիմք են ծառայել ԿԳՄՍՆ-ի կողմից գիտահրատարակչության ոլորտում գիտական գրականության ձեռքբերման ծրագրով գործող միավոր արժեքները, ինչպես նաև դասագրքերին ներկայացվող պահանջները:
Հրատարակչությունների ներկայացուցիչներն ու դասագրքերի ստեղծմամբ հետաքրքրված անձինք ԿԳՄՍ նախարարի հետ հանդիպման ընթացքում բարձրացրել են մի շարք հարցեր՝ կապված մրցութային կարգի, գնահատման չափորոշիչների, փորձաքննության և այլնի հետ:
Հիշեցնենք՝ դրամաշնորհային մրցույթի արդյունքում փորձաքննությունն անցած և հաղթող ճանաչված յուրաքանչյուր դասագրքի համար (բայց ոչ ավելի, քան յուրաքանչյուր չափաբաժնից 2 դասագիրք) տրվում է 6,300,000 ՀՀ դրամ:
Հանրակրթական առարկաների դասագրքերին ներկայացվող ընդհանրական պահանջներից է օրինակ այն, որ դասագիրքը պետք է համապատասխանի հանրակրթության պետական չափորոշչի, կրթության պետական կառավարման լիազորված մարմնի կողմից հաստատված տվյալ առարկայի չափորոշչի ու ծրագրի պահանջներին և ներկայացնի առարկայի կամ դրա` համապատասխան դասարանի համար նախատեսված մասի (եթե դասագիրքը կազմված է մեկից ավելի իրար շարունակող մասերից) հիմնական բովանդակությունը, դասագիրքը պետք է ներկայացնի միայն ստույգ, գիտականորեն հաստատված և ճշգրիտ տեղեկատվություն, դասագրքում պետք է նաև ապահովված լինեն պատշաճ հղումները (այդ թվում՝ էլեկտրոնային հասցեների հղումներ) օգտագործված բոլոր նյութերին և աղբյուրներին:
Հարակից հրապարակումներ`
Տեսանյութեր
10/07/2024 12:08 Աբովյանը 61 տարեկան է. Ծառուկյանն ասում է՝ այն իր ամենասիրելի քաղաքն էՏեսադարան
09/02/2024 10:55 Սեպտեմբերի 2-ը Արցախի Հանրապետության հռչակման օրն էՄամուլ
- 10/22/2024 08:25 «Թավշյա հեղափոխության» իրական կողմը. Արփի Դավոյանին պարտքի համար դատի էին տվել. «Ժողովուրդ»
- 10/22/2024 08:23 Կրկին փորձիր․ «Հրապարակ»
- 10/22/2024 08:20 Կհարցաքննեն կուսակիցներին․ «Հրապարակ»
- 10/22/2024 08:14 Ինչի՞ հաշվին է միջին ամսական աշխատավարձի ցուցանիշով առաջատարը Սյունիքի մարզը. «Փաստ»
- 10/22/2024 08:10 ՔՊ- ում էլ են մտահոգ. ի՞նչ են քննարկել փակ նիստում․ «Հրապարակ»
- 10/22/2024 08:06 Փոփոխություններ ընտրական օրենսգրքում, ՀՌՀ անդամի եւ Վճռաբեկ դատարանի դատավորի ընտրություն. ի՞նչ կքննարկվի ԱԺ հերթական նստաշրջանում. «Ժողովուրդ»
- 10/22/2024 08:04 Կանոնակարգը օրենքի խախտումով խցկեցին օրակարգ․ «Հրապարակ»
ՓԱՍՏԱԹՂԹԵՐ
- 09/27/2024 20:29 Միջպետական սահմանների՝ աշխարհագրական առումով ճշգրտման հարցերը գործադիր իշխանության իրավասության տիրույթում են. հրապարակվել է ՍԴ որոշումը
- 09/02/2024 15:38 Հրատապ. Հրապարակվել է Հայաստանի և Ադրբեջանի միջև պետական սահմանի սահմանազատման և սահմանային անվտանգության հարցերով հանձնաժողովների համատեղ գործունեության մասին կանոնակարգը
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
Հարցազրույց
- 10/13/2024 20:44 Որևէ մեկը Անկախության մասին հռչակագիրը այլաբանորեն չէր դիտարկի իբրև իր զավակին խժռող ծնողի, եթե չլիներ Երկիրը խժռելու պատրաստ թշնամու սպառնալիքը
- 10/11/2024 18:53 Ոչ թե ազարբայջանցիները, այլ մենք՝ հայերս ունենք վերադարձի խնդիր ՝ Շահումյանից ու Գետաշենից մինչև Արցախ․․․
- 10/03/2024 12:57 Տարածաշրջանի վրա ազդեցություն ունեցող երկրները պետք է ավելացնեն ճնշումն Ադրբեջանի վրա. Դավիթ Վարդանյան
- 10/03/2024 12:28 Այն ինչ կատարվեց Ղարաբաղի հետ, կարող է կատարվել նաև Հայաստանի հետ. ինչպես խուսափել այդ անդառնալի աղետից
Մեկնաբանություն
- 10/21/2024 18:09 Դատավորի փոփոխություն դեպքում հնարավորություն կստեղծվի շարունակել գործի քննությունը, կներդրվի սանկցիայի նոր տեսակ․փոխնախարարն ԱԺ հանձնաժողովին ներկայացրել է փոփոխությունների փաթեթը
- 10/21/2024 18:04 Միացյալ Նահանգներն աջակցում է սահմանների ամրապնդմանն ուղղված Հայաստանի ջանքերին
- 10/21/2024 17:03 Իշխանության կարգադրությամբ հանվել է Կիրանցին սիրո խոստովանություն գրառումը. Սարգսյան
- 10/20/2024 15:52 Նիկոլական «խորհրդարանի խոսնակը» փորձում է արդարացնել Ալիեւի հանցավոր քայլերը Արցախի ժողովրդի նկատմամբ ՄԱԿ ԱԽ բանաձեւերի առկայությամբ. Շարմազանով
Արխիվ
Արտակարգ պատահարներ
- 10/22/2024 10:10 Հրդեհ Փամբակ գյուղում
- 10/21/2024 23:39 Արմավիրի մարզում տանտերերը, հարսանիքից վերադառնալով, տունը հայտնաբերել են թալանված. shamshyan.com
- 10/21/2024 22:11 Փրկարարները բեռնատարը դուրս են բերել փոսորակից
- 10/21/2024 20:06 Երևանում հայտնի «Ակվարիում» ռեստորանային համալիրի հարևանությամբ հայտնաբերվել է տղամարդու մարմին
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 10/21/2024 22:33 Ուզբեկստանի երեք քաղաքացիներ մոսկովյան այգում բռնաբարել են հայրենակցուհուն
- 10/21/2024 18:46 Կարլ երրոորդ թագավորը Ավստրալիայում հայտնվել է սկանդալի կենտրոնում
- 10/21/2024 17:35 Փի Դիդիի դեմ դեմ նոր հայցեր են ներկայացվել. հայցվորների շարքում առաջին անգամ աստղային դեմքեր են
- 10/18/2024 23:30 Հնդկաստանում հանրային սննդի աշխատակիցներին կարգելեն միզել եւ թքել հաճախորդների սննդի մեջ