Փաշինյանը չի էլ հասկանում՝ ի՞նչ է Հայ դատը. խայտառակ ցնորամիտ և կեղծ գիծ է առաջ տանում. Իշխան Սաղաթելյանը վստահեցրեց՝ կլինի փողոցային պայքար

ԲՈԼՈՐ ՆՅՈՒԹԵՐԸ

Բոլորը

05/27/2022 18:26 Տիեզերք բաց թողնված արբանյակը հայկական չէ, այն Հայաստանը գնել է իսպանական կազմակերպությունից, սակայն օգտագործելու համար չունի անգամ վերգետնյա կառավարման կենտրոն. փորձագետ 05/27/2022 16:52 «Սերգեյ Լավրովի հայտարարությունը քամի է՝ մեծ փոթորիկից առաջ». քաղաքական վերլուծաբան 05/28/2022 09:39 Առավոտյան իր բնակարանից առեւանգել են Պավլիկ Մանուկյանին 05/26/2022 21:57 Ադրբեջանը հայտարարել է, որ 44֊օրյա պատերազմում մոտ 5 մլրդ դոլլարի զինտեխնիկա է մնացել Արցախի օկուպացված տարածքներում, իսկ այդ սպառազինությունն այս իշխանությունը ժառանգել էին նախկիններից. Դանիելյան 05/27/2022 20:57 Երեք տասնյակից ավել դանակի հարված էր հասցվել, վերջում էլ՝ պարանոցի հատվածում կտրել. Փաստաբանը պնդում է՝ տարեց կինը խոշտանգվել է՝ ոսկյա զարդերի տեղն ասելու համար 05/27/2022 23:13 ՔՊ-ն «չի տրվելու ընդդիմության քաղաքական շանտաժին» և չի մասնակցելու ընդդիմության հրավիրված ԱԺ արտահերթ նիստին․ հայտարարություն 05/27/2022 20:13 44 օրյա պատերազմի ընթացքում դժոխքում էինք ապրում, իսկ ոմանք քեֆեր անում. դերասանուհի Ագնեսա Շահնազարյան. ուղիղ միացում Ֆրանսիայի հրապարակից 05/28/2022 16:47 Նիկոլ մահաբերը շատ լավ տեղյակ է, թե ինչ պատճառով է Արթուր Վանեցյանը երկու օրով մեկնել Եվրոպա․ այդ մասին գիտեն նաև նրա «կոֆե դնող» անդաստիարակ չախոյանները․ Բաբայան 05/27/2022 16:43 Եթե չմիանան նոր ուժեր, չառաջարկվի լիդերի թեկնածու, շարժումը մտնելու է փակուղի. ԱԱԾ պահեստազորի սպաների միություն 05/27/2022 09:46 Հրաժարականներ են սպասվում. Սա ՔՊ-ականներ ջանը «ցեց է գցել». «Իրավունք» 05/27/2022 21:21 Հրատապ. ԱԺ պատգամավորներ Արծվիկ Մինասյանի ու Տարոն Մարգարյանի դեմ քրեական գործ է հարուցվել՝ հավաքի մասնակիցներին, իբր, գումար բաժանելու համար.ուղիղ միացում 05/27/2022 22:49 Դատախազությունը, հավանաբար, կոմպրոմատներ է հավաքում Նիկոլ Փաշինյանի դեմ՝ ավելի բարենպաստ ժամանակ օգտագործելու համար. փաստաբան 05/27/2022 12:14 Լարված իրավիճակ՝ Երևան-Սևան մայրուղու վրա. ոստիկանները բիրտ ուժի գործադրմամբ բերման են ենթարկում փողոց փակած քաղաքացիներին 05/28/2022 14:12 Աննա Հակոբյանը շվեյցարական Julius Baer բանկում հաշիվ է բացել. Արամ Գաբրելյանով 05/27/2022 11:20 Երկար և ծանր դադարից հետո խոսելու շատ նյութ ունեինք. Աննա Հակոբյանը Ցյուրիխում հանդիպել է Վարդան Սերմաքեշի հետ 05/28/2022 00:58 Մահացել է «Ղարաբաղ» կոմիտեի անդամ Դավիթ Վարդանյանը 05/28/2022 08:11 Շվեյցարիայում գտնվող Աննա Հակոբյանը թանկարժեք ժամացույց է նվեր ստացել. «Ժողովուրդ» 05/27/2022 19:58 «Լա՞վն եք, ձեր հրաժարականի պահանջ չկա՞... դրանից էլ լավ բա՞ն․ Բա ինչի՞ եք իրար խառնվել»․ Արսեն Բաբայան 05/27/2022 19:19 Ալիեւ. Անցած մեկ ու կես տարվա ընթացքում հասել ենք այն ամենին, ինչ ուզում էինք 05/27/2022 09:34 ՔՊ-ում ավելի քան վճռական են տրամադրված ընդդիմադիր պատգամավորներին մանդատներից զրկելու հարցում. «Հրապարակ»

Փաշինյանը չի էլ հասկանում՝ ի՞նչ է Հայ դատը. խայտառակ ցնորամիտ և կեղծ գիծ է առաջ տանում. Իշխան Սաղաթելյանը վստահեցրեց՝ կլինի փողոցային պայքար 01/27/2022 19:58 | Քաղաքական

Նիկոլ Փաշինյանն իր ասուլիսում թուրք-ադրբեջանական անհիմն թեզերն էր հիմնավորում: «Փաստինֆո»-ի հետ զրույցում նման դիտարկմամբ է հանդես եկել ԱԺ փոխնախագահ, ՀՅԴ ԳՄ ներկայացուցիչ Իշխան Սաղաթելյանը՝ անդրադառնալով Նիկոլ Փաշինյանի վերջին ասուլիսի ընթացքում հնչած հայտարարություններին:

Ըստ Սաղաթելյանի՝ Նիկոլ Փաշինյանը շարունակում է այն գիծը, թե ամեն ինչ նախապես էր որոշված, Հայաստանը Ադրբեջանի տարածքային ամբողջականությունն արդեն ճանաչել էր, ամեն արդեն տրված էր.

«Այս խայտառակ ցնորամիտ և կեղծ գիծն է առաջ տանում՝ փորձելով հասարակության մոտ արդարանալ, թե ինքն այս ամեն ինչում մեղք չուներ: Սրանով նա մեծապես վնասում է առաջիկա բանակցություններին, ինչպես նաև ոտնահարում Հայաստանի և Արցախի շահերը»,-ասաց Իշխան Սաղաթելյանը:

Ինչ վերաբերում է Փաշինյանի հայտարարությանը, թե Հայաստանը երբեք Հայ Դատի քաղաքականություն չի վարել, Իշխան Սաղաթելյանը վստահ է՝«Փաշինյանը չի էլ հասկանում՝ ի՞նչ է Հայ դատը.

«Հայ դատի գրասենյակների կենտրոնական խորհուրդը մանրամասն անդրադարձել է իր այդ հայտարարությանը: Եթե խոսքը վերաբերվում է ցեղասպանության միջազգային ճանաչմանը,Հայ դատը միայն միջազգային ճանաչմամբ չի զբաղվում, Հայ դատը վերջին տարիներին գլխավորապես զբաղվում էր Արցախի հիմնահարցով և ամբողջ աշխարհին ներկայացնում էր Արցախի և արցախահայերի ինքնորոշման իրավունքի կարևորությունը, այս ֆոնին կանգնել ասել՝ Հայ դատը չէր զբաղվում այս հարցերով, ցույց է տալիս, որ նա չի էլ հասկանում՝ ինչ է Հայ դատը»,-ասաց զրուցակիցը՝ նկատելով, որ նման հայտարարություններով Նիկոլ Փաշինյանը հերթական անգամ «փորձ է անում պառակտել հայ ժողովրդին, նոր բաժանարար գծեր անցկացնել հայ ժողովրդի և Սփյուռքի միջև ՝ համարելով, որ Ցեղասպանության ճանաչման հարցը միայն Սփյուռքի խնդիրն է».

«Հայ մարդը, լինի Սփյուռքում , թե՝ Արցախում, ունի մեկ օրակարգ, մեզ համար անընդունելի են այս բաժանումները»,-ասաց Իշխան Սաղաթելյանը:

Զրուցակցի արձանագրմամբ՝ Նիկոլ Փաշինյանը փորձում է Արցախյան բանակցությունների ողջ պատմությունն աղճատված ներկայացնել.

«Ինձ մոտ տպավորություն է, որ այդ մարդու ձեռքին փաստաթղթեր են ընկել 30 տարիների բանակցություններից, ինքն այդ փաստաթղթերից գտնում է մեզ համար ոչ նպաստավոր դրվագներ, և ներկայացնում է դրանք՝ առանց հասկանալու, որ այդ նույն փաստաթղթերում կան հայկական կողմին ձեռնտու բազմաթիվ այլ դրվագներ:

Օրինակ՝ խոսում է մադրիդյան փաստաթղթերից, տարածքային ամբողջականության մասին, բայց մոռանում է, որ այդ փաստաթղթում հստակ կա ինքնորոշման իրավունքի հարց, որը պետք է լուծվեր հանրաքվեով: Պարզ է, որ այդ փաստաթղթերից որևէ մեկը 100% հայկական չի եղել, կամ 100% ադրբեջանական չի եղել, բայց գտնել այդ փաստաթղթերից մեզ ոչ ձեռնտու կետերը և սկսել դրանք հիմնավորել...., այդպիսի բաներ անում են թուրքերը և ադրբեջանցիները, ես այս ամենին այլ բացատրություն չունեմ»,-ասաց Սաղաթելյանը:

Նրա դիտարկմամբ՝ փորձ է արվում նաև հասարակությանը տրամադրել Արցախի կորստին, պարտությանը և տարածքային նոր զիջումներին.

«Նիկոլ Փաշինյանն ի վիճակի չէ պաշտպանել մեր ժողովրդի շահերը, իր իշխանությունը պահելու համար սկսել է հիմնավորել ադրբեջանական թեզերը, ժողովրդին էլ պատրաստում է նոր զիջումների: Երբն ինքն ասում է, թե ժողովրդի կողմից մանդատ ունի, սխալվում է, ժողովուրդն իրեն երկիրը նոր զիջումների տանելու մանդատ չի տվել: Ընտրությունների ժամանակ ժողովրդին խոստացել է խաղաղություն, անվտանգություն, սակայն բոլոր էլ հիմա հասկանում են, որ խաբել է, ինքը մեզ ոչ թե խաղաղության է տանում, այլ տանում է նոր աղետի և զիջումների»,-ասաց ԱԺ փոխնախագահը:

Անդրադառնալով նախագահ Արմեն Սարգսյանի հրաժարականին՝ Իշխան Սաղաթելյանն ասաց՝ երկիրը մտնում է վտանգավոր նոր փուլ, ուստի նախագահին «փախուստ էր պետք».

«Աբսուրդն այն է, որ նախագահը հրաժարականի տեքստ է գրում այլ երկրից, սա այսօրվա իրավիճակի արտացոլանքն է,հեգնանք ու ծաղր՝ մեր ժողովրդի նկատմամբ, ուրիշ բացատրություն չկա»,-ասաց նա:

Ինչ վերաբերում է ընդդիմության առաջիկա քայլերին, ապա Սաղաթելյանն ասաց, որ փողոցային պայքար կլինի.

«Խնդիր է՝ ե՞րբ, ո՞նց և ինչպե՞ս անենք, որ դա մեծ ծավալ ստանա և դառնա համաժողովրդական պայքար»,-ասաց Իշխան Սաղաթելյանը:

Աղբյուր` Փաստինֆո