Փաստ ինֆո

Ջրի հատկությունների մասին որոշ արտահայտություններ ոչ մի ընդհանուր բան չունեն գիտական փաստերի հետ, «Փրայմ» գործակալությանը պատմել է բժիշկ-էնդոկրինոլոգ, «СМ-կլինիկայի» սննդաբան Ուլյանա Ռումյանցեւան:

Տարածված առասպելներից մեկն այն է, որ օրական ջրի սպառման նորմայի հաշվարկով վերցվում է միայն մաքուր ջուրը: Դա այդպես չէ։ Անհրաժեշտ է համարել օրվա ընթացքում խմած ամբողջ հեղուկը: Ջուր, թեյ, սուրճ, հյութեր, մրգեր, ապուր արգանակ, վստահ է բժիշկը: Ընդ որում, ալկոհոլը եւ քաղցր գազավորված ըմպելիքները չպետք է ներառվեն հաշվարկի մեջ: Տեղեկատվությունը, որ պետք է խմել երկու լիտր հեղուկ մեկ օրում, նույնպես առասպել է: Ջրի սպառման նորման անհատական է։

«Այսպես, օրինակ, սովորական ֆիզիկական ակտիվությամբ առողջ տղամարդը պետք է իր քաշի յուրաքանչյուր կիլոգրամի համար միջինում 35 մլ ջուր խմի, իսկ կինը՝ 25-30 մլ/կգ: այսինքն, 65 կգ քաշով տղամարդու համար ջրի սպառման նորման 65*35=2,275 լ է, իսկ նույն քաշով կնոջ համար 65*30=1,95 լիտր օրական", – հաշվարկել է Ռումյանցեւան:

Բարձր ջերմության եւ սուր վարակիչ հիվանդությունների դեպքում պետք է խմել իսկապես ավելի շատ: Ինչ վերաբերում է ավել քաշով մարդկանց, ապա նրանց համար հեղուկի հաշվարկը կատարվում է տվյալ հասակի եւ սեռի համար իդեալական քաշի հաշվարկով, նշել է բժիշկը:

Այն, որ ջուրը նպաստում է նիհարելուն, նույնպես առասպել է։ Սակայն մարդը կարող է շփոթել սովն ու ծարավը, և ջուր խմելու փոխարեն սկսել ուտել ու ավելորդ քաշ հավաքել։

Աղբյուր` Փաստինֆո