Փաստ ինֆո

ՀՀ-ում անցել է քաղաքականության ժամանակը, եկել է անկեղծության պահը,- հայտարարել է Վատիկանում ՀՀ նախկին դեսպան Միքայել Մինասյանը:

«Ես պաշտոնապես հայտարարում եմ, որ երբեք այս ընտրությունների նախաշեմին չեմ սատարելու որևէ ուժի՝ լինի դա իշխանամերձ, թե իրապես ընդդիմադիր: Իմ որեւէ ընկեր, համախոհ չի լինելու ոչ մեկի ցուցակում: Եթե ինչ-որ մեկի ցուցակում է, ուրեմն իմ ընկերը չէ »,- հայտարարել է Մինասյանը:

Նրա խոսքով՝ եթե ցանկանում ես զբաղվել քաղաքականությամբ, ուրեմն պետք է ստանձնես ուղիղ ձևով պատասխանատվություն ու նշել, եթե որոշի մասնակցել այս ընտրություններին, ապա դա անելու է իր դեմքով՝ իր ընկերների հետ, որոնց համար կրելու է պատասխանատվություն:

«Այո, ես հեռացնելու եմ Նիկոլ Փաշինյանին՝ իշխանությունից: Բացի այն, որ հեռացնելու եմ՝ պատժելու եմ Նիկոլ Փաշինյանին և ապացուցելու եմ ամբողջ աշխարհին, որ Նիկոլ Փաշինյանը հայ ժողովրդի և ՀՀ-ի թշնամին է, դավաճան և մարդասպան»,- նշել է Մինասյանը:

Նա ընդգծել է, որ ընտրությունները հնարավորություն են բոլորիս համար՝ ցույց տալու,թե ով՝ ով է և եթե մենք, ցավոք սրտի, հասել ենք այս ընտրություններին, պետք չէ այս ընտրություններին վերաբերել որպես վերջին ճշմարտության, կարծես՝ քաղաքականության Աստվածաշնչի: Նրա խոսքով՝ ընտրությունների ավարտից հետո սկսվելու է նոր կյանք, որը լինելու է մի քիչ ավելի վատը, քան նախորդ օրը, որովհետև մարդիկ ամբողջ հույսերը և հույզերը դնելու են ընտրությունների օրվա մեջ, հետո տեսնելու են, որ ոչինչ չի փոխել: Մինասյանը նշեց, որ Նիկոլ Փաշինյանը՝ ոչ բանտում՝ պարտություն է բոլորիս համար:

«Իմ կյանքի նպատակը չէ Նիկոլ Փաշինյանին բանտ մտցնելը, իմ նպատակը Հայաստանը փրկելն է, իսկ Հայաստանը և Նիկոլ Փաշինյանն անհամատեղելի են, ինչ-որ մեկը պետք է չլինի: Նիկոլ Փաշինյանն ընտրել է ինքն իրեն, ես ընտրում եմ Հայաստանը»,- ընդգծեց Մինասյանը:

Իսկ թե ինչու ինքը չի սատարելու որևէ գործող քաղաքական ուժի՝ Մինասյանը նշեց, որ չի գտել դեռ թիմ, որի գործողությունները և ռազմավարությունը միտված չէ անցյալը շտկելուն, այլ՝ ապագային:

«Ես քարոզում եմ անցյալի հետ համերաշխություն, նույնիսկ եթե դա ցավոտ է»,- նշեց Մինասյանը:

Աղբյուր` Փաստինֆո