Փաստ ինֆո

Կապիտուլյանտի պերֆորմանսը մոտեցավ ավարտին, և պետք է ասեմ, որ այն ճակատագրական էր Նիկոլի համար։ Այս մասին Սուրբ Աթոռում ՀՀ նախկին դեսպան Միքայել Մինասյանը գրում է Տելեգրամ ալիքում:

«Եվ ահա թե ինչու.

1. Նիկոլը ներողություն էր խնդրում: Նա հասկանում է, որ մեղավոր է, հասկանում է, որ պետք է ներողություն խնդրել։ Արարողակարգային ներողությունը, իհարկե, վատ ժանր չէ, կարող է նույնիսկ շահավետ լինել: Կարեւորն այն է, որ բոլորն էլ տեսնում են, որ նա չի խնդրել ներողություն իր ամենամեծ մեղքի՝ առաջին իսկ օրվանից ստելու, համար:

2. Նիկոլն իր հանրահավաքը կազմակերպեց ցույց տալու համար, որ աջակցություն ունի, սակայն ցույց տվեց, որ ինքն ունի վարչական ռեսուրս, կրիմինալ և փող։ Ամեն ինչ այդքան վատ չէր լինի, բայց դրանով նա ընդմիշտ փակեց՝ իր ղեկավարությամբ արդար ընտրությունների թեման։ Այսօր նա ժողովրդական լայն զանգվածների կիսաաստվածից վերածվեց ձախողված բռնապետի, որը չկարողացավ մարդկանց իր հանրահավաքին հրավիրել առանց սպառնալիքների ու խթանման։

3. Այն մարդիկ, ովքեր հակառակ իրենց կամքին էին եկել նրա հանրահավաքին, հազարներով միանում էին ընդդիմության հանրահավաքին։ Այս տեղեկությունը Նիկոլին հաստատեցին ոստիկանությունն ու ԱԱԾ-ն։

4. Երբ Նիկոլն իր իսկ կողմից նշանակված Օնիկ Գասպարյանին դավաճան է անվանում, և նրան մեղադրում է Սերժ Սարգսյանի հրամանները կատարելու մեջ՝ որպես ենթասպայական այրի, ինքն իրեն է պատվազրկում։

5. Նա վախենում է, և դրա համար էլ իր ելույթի հիմնական թեզը դարձրել է «թավիշի» չեղարկումը։ Ասել է թե՝ ռեպրեսիաներ է հայտարարել։ Նա մոռացել է 3 բանի մասին. չկան նրանք, ովքեր կմասնակցեն ռեպրեսիաների, չկան նրանք, ովքեր վախենում են ռեպրեսիաներից եւ որ ռեպրեսիաները երբեք չեն կերակրի քաղցածներին: Բառիս բուն իմաստով սովածներին:

6. Հայտարարվել էին քաղաքական հայտարարություններ տարբեր քաղաքական դերակատարների կողմից։ Սակայն մենք տեսանք մի դերասանի հանրահավաք։ Իսկ դա նշանակում է, որ ոչ ոք չցանկացավ իր հետ կիսել ամբիոնը, և ոչ ոք չցանկացավ իր օրակարգը բարձրաձայնել, ներկայացնել Նիկոլի օրակարգի կողքին։

7. Հանրահավաքի խորհրդանշանը, մասկոտը* Գռզոն էր, որը կանգնած էր Նիկոլի կողքին բեմում: Օլիգարխ, ով հարմարավետ գոյություն է ունեցել անկախ Հայաստանի բոլոր իշխանությունների օրոք:

8. Հատկանշական է, որ Նիկոլը ոչ մի խոսք չի ասել պատերազմի և աղետի հաղթահարման ուղիների մասին։ Ցավակցության և հիշատակման մի երկու հերթապահ արտահայտությունները հաշվի չեն առնվում: Համեմատեք ատելության բորբոքմանը հատկացված ժամանակը և հեռացածների հիշատակման համար հատկացված ժամանակը: Նիկոլի համար կարևոր է, որ պարտությունը մոռացվի, և դիսկուրսը տարվի իր համար հարմարավետ սխեմայի՝ իր պես լավագույնի պայքարը մնացյալ բոլոր վատերի դեմ։

Դե ինչ, այսօր մենք նրան խիստ վիրավորել ենք ։ Մնացել է վերջնական տապալումը:

* միջոցառումը բնութագրող սիմվոլիկ կենդանի: Մոսկվայի 1980-ի Օլիմպիական խաղերի Մասկոտն Օլիմպիական Արջուկն էր»,- գրել է Մինասյանը։

Աղբյուր` Փաստինֆո