Փաստ ինֆո

Լեռնային Ղարաբաղի հակամարտության գոտում վերջին օրերին ռազմական գործողությունների ժամանակ զոհվել են առնվազն 3 սիրիացի ընդդիմադիր զինյալներ՝ հաստատելով Հայաստանի ու Ադրբեջանի միջև հակամարտությանը արտաքին միջամտության մասին հայտարարությունը: Այս մասին գրում է հեղինակավոր The Guardian-ը՝ այսպիսով` իր տեղեկատվությամբ եւս հաստատված համարելով

Արցախում ընթացող մարտերում օտարերկրացիների ներգրավվածությունը։

Պարբերականը մտահոգություն է հայտնել, որ ռազմական այս գործողությունները կարող են զսպանակաձև մեծանալ ու դառնալ առավել լայն, տարածաշրջանային հակամարտություն:

Աղբյուրի փոխանցմամբ՝ ցամաքային մարտերի բռնված սիրիացիները ամենայն հավանականությամբ պայմանագրային զինյալներ են, որոնք աշխատում են թուրքական անվտանգության ընկերությունների հետ: Ինչն ըստ պարբերականի նշանակում է նոր սահմաններ՝ Անկարայի՝ ավելի ու ավելի ագրեսիվ արտաքին քաղաքականության համար։

Վերլուծաբաններն ասում են, որ Թուրքիայի միջամտությունը վեճին՝ վտանգավոր նոր գործոն է, որը սպառնում է մարտերն ավելի երկար և արյունոտ դարձնել:

«Թուրքիան հայտարարել, որ աջակցում է Ադրբեջանին, մինչդեռ Ռուսաստանը ռազմական դաշինք ունի Հայաստանի հետ, բայց կապեր ունի և զենք է վաճառում երկու կողմերին: Թուրքիան սահմանակից է Հայաստանին, իսկ Ռուսաստանը սահմանակից է Ադրբեջանին»,- հիշեցնում է պարբերականը։

Guardian- ը զրուցել է՝ Սիրիայի Իդլիբ նահանգի մի քանի բնակչի հետ, որոնք Սիրիայի ապստամբների կողմից վերահսկվող վերջին տարածքում են ապրում։ Նրանք ասել են, որ գրեթե մեկ տասնամյակ շարունակվող պատերազմը և սաստկացող աղքատությունն իրենց ստիպել է գրանցվել ռազմական ղեկավարների և միջնորդների մոտ, որոնք խոստանում են աշխատանք՝ արտասահմանյան մասնավոր թուրքական անվտանգության ընկերություններում:

Վերջիններս հայտնել են, որ ռազմական հրամանատարներն ու բրոքերներն իրենց առաջարկել են աշխատել պահակակետերի և նավթագազային օբյեկտների պահակախմբում երեք-վեցամսյա պայմանագրերով 7,000-10,000 թուրքական լիրա, կամ ամսական 700 -1000 ֆունտ։ Այս թիվը նրանց համար համեմատաբար մեծ գումարներ է, որով կարող են խուսափել Սիրիայի ծայրահեղ աղքատությունից:

Օմար Աբդոն՝ սպանված մարտիկ Մուհամեդ Շաալանի զարմիկն ասել է, որ Ալ Համզայի ստորաբաժանումում գտնվող տղամարդիկ երեքշաբթի կապվել են ընտանիքի հետ՝ տեղեկացնելու Շաալանի մահվան մասին:

«Նա մեզ ասաց, որ սեպտեմբերի 20-ին մեկնում է Ադրբեջան: Մենք չգիտենք նրա մահվան հանգամանքները։ Ասացին, որ այս պահին դժվար է նրա դիակը բերել, բայց նրանք կփորձեն », - պարբերականին պատմել է Աբդոն։

Այն Ջարա գյուղից Հուսեյն Թալհայի և Սադամ Ազիզ Ազկորի ընտանիքները նույնպես ասում են, որ նույն օրը զորամասի հրամանատարները զանգահարել են իրենց ՝ հայտնելու հարազատի մահվան մասին: Տեղական լրատվամիջոցները հայտնում են ևս երեք զոհերի մասին:
«Դիտորդների համար կասկածելի է, թե ինչու են Բաքվի՝ բարձր պատրաստված և լավ զինված ռազմական ուժերը օգնության կարիք ունեցել սիրիացի վարձկաններից։ Հաշվի առնելով այն, որ սիրիացի վարձկաններն ասում են, որ հավաքագրումը սկսվել է մեկ ամիս առաջ, ենթադրվում է, որ Ադրբեջանը որոշ ժամանակ պլանավորում էր իր ռազմական արշավը»,- գրել է պարբերականը։

Աղբյուր` Փաստինֆո