Փաստ ինֆո

Քաղաքագետ Հրանտ Մելիք – Շահնազարյանը ֆեյսբույքում «Շատ կարևոր» վերտառությամբ գրառում է կատարել, որում  մտահոգություն էր հնչեցրել այն մասին, որ իր ունեցած տեղեկություններով   մոտ օրերս «Կյանքի խոսք» կոչվող աղանդը դիմելու է ՀՀ Կառավարությանը` պահանջելով, որ իրենց շաբաթվա մեջ օրեր հատկացվեն, որպեսզի եկեղեցիներում ծեսեր անեն  կամ արդեն դիմել են։ Ի՞նչ եք կարծում` ի՞նչ պատասխան կտա իրեն վարչապետի աթոռին բերած աղանդավորներին Նինոլ Փաշինյանը,- հռետորական հարց է հնչեցնում Հրանտ Մելիք Շահանազարյանը, միաժամանակ նկատելով, որ այս ամենին զուգահեռ  օրվա իշխանությունները  դպրոցներից հանում են  «Հայ Եկեղեցու պատմություն» առարկան, իսկ վարչապետն իր ֆեյսբուկյան պաշտոնական էջից աղանդավորական պատկանելիության տեսանյութեր է տարածում։

Թեմայի վերաբերյալ «Փաստինֆո» -ն զրուցել է Հրանտ Մելիք Շահնազարյանի հետ։

- Պարոն Մելիք – Շահնազարյան, ի՞նչ հիմքեր կարող է ունենալ «Կյանքի խոսք» աղանդը, նման նախաձեռնությամբ Կառավարությանը դիմելու համար և արդյո՞ք այսօր Հայ առաքելական եկեղեցու շուրջ կատարվող զարգացումները չե՞ն պատճառը, որ աղանդի կողմից նման նախաձեռնության հիմք են հանդիսացել։

- Նախ ուզում եմ ձեր ուշադրությունը հրավիրել այն հանգամանքին, որ այս պահին քննարկվում է  Հայ Առաքելական Սուրբ եկեղեցու հիներում  աղանդավորական ծեսեր անցկացնելու նախաձեռնությանը։

- Իմ ունեցած տեղեկություններով նման եկեղեցիների թիվը բավական մեծ է։

- Այո, ճիշտ եք։ Փաստորեն «Կյանքի խոսք» կոչվող աղանդը պատրաստվում է կառավարությունից ստանալ թույլտվություն՝ նման եկեղեցիներում  կրոնական բնույթի ծեսեր անցկացնելու համար թեկուզ շաբաթական մեկ օր և այս պահին   նման քննարկումներ կան այդ աղանդավորական շարժման կառույցի ներսում։ Վերջին  շրջանում ես բազում առիթներ եմ ունեցել շփվելու և հասկանալու թե ինչ զարգացումներ ունեն աղանդավորական շարժումները Հայաստանում  և հենց այդ շփումների ընթացքում էլ տեղեկացել էմ իրենց այդ նախաձեռնության մասին։ Ընդ որում՝ ես տեսա, որ  «Կյանքի խոսք» կոչվող աղանդի մամուլի բաժնից, ըստ էության, չեն հերքում այս տեղեկատվությունը, միայն ասում են, որ համավարակով պայմանավորված իրենք ենթարկվում են արտակարգ դրության սահմանած կանոններին և հավաքներ չեն անցկացնում։ Փաստորեն, չհերքելով հարցի բուն էությունը, նրանք ապացուցում են, որ նման ծրագրեր իրականում կան։

- Ի՞նչ խնդիր են ուզում լուծել նրանք այս նախաձեռնությամբ, պարոն Մելիք Շահանազարյան։  

- Կարծում եմ՝ նրանց խնդիրը բոլորովին էլ մի քանի եկեղեցիներում կրոնական ծեսեր անցկացնելու հարցը  չէ։ Վստահ եմ՝ այստեղ ավելի խորքային նպատակներ կան։ Հիմնական խնդիր, որ այս կերպ փորձում է լուծել  «Կյանքի խոսք» աղանդը՝ եկեղեցու կարգավիճակ ստանալու հարցն է, որպեսզի հանրային ընկալման մեջ էլ որպես լիարժեք եկեղեցի ընկալվի։ Իրենք արդեն իսկ փորձում են ցույց տալ, որ եկեղեցի գնալը  «Կյանքի խոսք» աղանդի համար սովորական երևույթ է և, ունենալով եկեղեցական շենքերում ծեսեր անցկացնելու թույլտվություն, իրենք այդկերպ ավելի են ամրապնդելու իրենց աղանդի հիմքերը։ Սրան զուգահեռ նրանց ակտիվ պայքար են իրականացնում այլ աղանդավորական կառույցների դեմ և հատկապես ֆիքսված են    «Եհովայի վկաներ»-ի վրա։ Ակնհայտ է, որ  վերջին շրջանում մեր երկրում նկատելիորեն ակտիվացել է նաև նրանց գործունեությունը։ Շատ զարմանալի է , որ իրենք «Եհովայի վկաներ»-ին աղանդ են համարում, իսկ իրենց՝ ավետարանչական եկեղեցի։ Իրականում, իհարկե, երկուսն էլ բավականին վտանգավոր աղանդավորական շարժումներ են։

- Այսօրվա ձեր գրառումը որևէ արձագանք ստացե՞լ է Հայ Առաքելական եկեղեցու կողմից։

- Այո, արդեն իսկ մի քանի հոգևորականներ արձագանքել են այդ գրառմանը, նրանք խիստ վրդովված են և իրենց դժգոհություններն են հայտնել։ Բացի այդ, ողջ օրվա ընթացքում ինձ են զանգահարում իմ ծանոթ բոլոր հոգևարականներն ու լրացուցիչ տեղեկություններ ճշտում այս ամենի վերաբերյալ։ Վստահ եմ, որ Հայ Առաքելական եկեղեցին ամեն ինչ կանի, որ այսպիսի բան տեղի չունենա։ Վստահ չեմ, որ Հայ Առաքելական Եկեղեցու սպասավորները տեղյակ են եղել նրանց այս մտադրության  մասին, որովհետև այն, ինչ գրել եմ, նորից եմ կրկնում, ներսից իմ ունեցած տեղեկությունների հիման վրա է։

- Ի՞նչ եք կարծում, ինչպե՞ս կարձագանքի Կառավարությունը այսօրինակ նախաձեռնությանը, եթե իսկապես այս աղանդը դիմի նրանց այսպիսի  առաջարկով։

- Ես սրա նախադեպը տեսել եմ, երբ Նիկոլ Փաշինյանը մաքսատուն այցելության ընթացքում հայտարարում էր՝  իսկ տրանսգենդերը մարդ չի՞։ Ես գրեթե համոզված եմ, որ նույն պատկերն է կրկնվելու՝ ի՞նչ տարբերություն, հիմա էլ կարող է ասել՝ իսկ աղանդավորը մարդ չի՞։ Եթե հանրային ճնշման տակ այս նախաձեռնությունը չմարի, ապա գրեթե վստահ եմ, որ Նիկոլ Փաշինյանը կբավարարի նրանց այս պահանջը։ Ի վերջո,  Նիկոլ Փաշինյանն ինքն էր վերջին շրջանում նույն  այս աղանդի նորկայացուցչի ֆեյսբուքյան էջից տեսանյութ կիսվում ու տարածում, ըստ էության,  գովազդելով «Կյանքի խոսք»  կոչվող աղանդը։

Հեղինակ՝ Նվարդ Մանվելյան 

Աղբյուր` Փաստինֆո