ԲՈԼՈՐ ՆՅՈՒԹԵՐԸ
«Ֆեյք» ինդուստրիայի կոորդինատորները, որոնց անունները հատ-հատ գիտենք, թող այդքան պաշտպանված չզգան իրենց, նախկիններն էլ էին մտածում, որ իրենք անպատժելի են. Նաիրա Զոհրաբյան 04/10/2020 19:34 | ԼՐԱՀՈՍ
ԱԺ «Բարգավաճ Հայաստան» խմբակցության պատգամավոր, Մարդու իրավունքների պաշպանության հանձնաժողովի նախագահ Նաիրա Զոհրաբյանը մտավախություն ունի, որ բռնության կոչերն ու դրանց քարոզը քրեականացնելու կառավարության նախաձեռնությունը կարող է կիրառվել ըստ նպատակահարմարության ու սահմանափակել խոսքի ազատությունը:
Նրա դիտարկմամբ, խոսքի ազատությունը բացարձակ իրավունք չէ և որոշ դեպքերում կարող է սահմանափակվել, սակայն նախորդ տարիների փորձը ցույց է տալիս, որ իշխանությունները հաճախ խոսքի ազատության բացարձակ իրավունք չլինելը կիրառում են իրենց հայեցողությամբ:
«Այս իշխանության դեպքում էլ իշխանության տարբեր սեգմենտների կողմից տեսնում ենք խիստ անհանդուրժողականություն մամուլի հանդեպ, ես լեգիտիմ մտավախություն ունեմ, որ սա կարող է կիրառվել ընտրովի այն լրատվամիջոցների հանդեպ, ովքեր իշխանությանը հաճո չեն»,-այս մասին այսօր «Փաստինֆո»-ի հետ զրույցում ասաց Նաիրա Զոհրաբյանը:
Նա ընդգծեց, որ ԶԼՄ-ների խնդիրներով զբաղվող հասարակական կազմակերպությունները կոչ են արել կառավարությանը ուշադիր հետևել այս սահմանափակումների վերաբերյալ մասնագիտական հանրույթի տեսակետին:
«Եթե հիմա այս կոչերին չհետևեն հետագայում չեմ բացառում, որ միջազգային կառույցներում ՝ Վենետիկի հանձնաժողովում, ԵԱՀԿ-ի մամուլի հանձնակատարի կողմից, կունենանք ոչ միանշանակ արձագանքներ այսօրինակ սահմանափակումների վերաբերյալ: Ես ինքս այն քաղաքական գործիչն եմ, որն ամեն օր ատելության, բռնության կոչի թիրախում է: Իրական օգտատերերը կոչ են արել վառել ինձ, էլ չեմ խոսում սեռապաթոլոգիկ հայհոյանքների մասին, բայց ամեն դեպքում ես վեր եմ կանգնում այդ ամենից ու գտնում եմ, որ խոսքի ազատությունը կարող է սահմանափակվել միայն բացառիկ դեպքերում և ձևակերպումներն այնքան հստակ պետք է լինեն, որ որևէ մեկի համար որևէ սողանք չլինի»,-ընդգծեց ԲՀԿ խմբակցության պատգամավորը:
Նշենք, որ կառավարության առաջարկած նախագծով քրեական պատասխանատվություն է նախատեսվում բռնության կոչերի համար եւ պետաիրավական հանձնաժողովը երեկ երկրորդ ընթերցման համար եւս տվեց դրական եզրակացություն, սակայն քննարկումներին չէին մասնակցում ընդդիմադիր պատգամավորները։
Ն.Զոհրաբյանի փոխանցմամբ՝ Պետաիրավական հարցերի մշտական հանձնաժողովում նախագծի առաջին ընթերցմամբ քննարկման ժամանակ իրենք արձանագրել են, որ օրենքի դրույթները լղոզված են ու հստակ չեն: Զոհրաբյանը խնդրահարույց համարեց նաև հարցը, թե ինչպես է հնարավոր լինելու գտնել բռնության կոչ քարոզող «ֆեյք» օգտատերերին:
«Իմ դեմ արշավների ժամանակ բազմիցս դիմել եմ իրավապահ մարմիններին, քրեական գործ է հարուցվել, սակայն իրավապահ համակարգից հայտնել են, որ գործը կարճվում է, քանի որ ֆեյսբուքը չի տալիս ոչ միայն կեղծ, այլև իրական օգտատերերի գտնվելու վայրը»,-ասաց պատգամավորը: Բացի այդ պարզ չէ նաև, թե որ մարմինն է պարզելու տվյալ խոսքում բռնության կոչ կա՞, թե՞ ոչ , ուստի այս առումով նույնպես նախագիծը բավականին մեծ ռիսկեր է պարունակում:
«Եթե ոստիկանությունն է դա անելու, ապա ես չգիտեմ արդյոք «նուրբ» հոգեբաններ ունենք, որ կարող են հոգեբանական վերլուծություն իրականացնել ու պարզել բռնությո՞ւն է կոչը, թե՞ ոչ: Ես դեմ չեմ բռնության կոչ քարոզողներին պատասխանատվության ենթարկելուն, բայց պետք է հստակեցնել չափորոշիչներն ու որևէ կառույցի իրավասություն չտալ օրինակ ինձ քրեական պատասխանատվության ենթադրել, եթե ես ասում եմ, որ այս պաշտոնյան վատ է աշխատում ու նրա գլուխը դատարկ է, իսկ այդպիսի դատարկագլուխներ բազմաթիվ են և՛ նախկին, և՛ ներկա, և չեմ բացառում, որ նաև ապագա իշխանությունների մեջ»,-ասաց ԲՀԿ խմբակցության պատգամավորը:
Անդրադառնալով հարցին, թե արդյոք վարչապետի կողմից «պատերին ծեփել» կամ «թաթիկները կտրել» արտահայտությունները նույնպես բռնության քարոզ չեն, և արդյոք դրա դեմ պայքարի օրինակ չպետք է ծառայեն՝ հենց բարձր իշխանության ներկայացուցիչները՝ իրենց հրապարակային խոսքում բացառելով բռնության ու ատելության քարոզը՝ Զոհրաբյանն ասաց, որ վարչապետը դեռևս ունի վստահության այպիսի ռեսուրս, որով կարող է կասեցնել սոցիալական մեդիայում ատելության ու «ֆեյք» ինդուստրիաների հաղթարշավը:
«Ռեսուրսներ են դրվում ՊՈԱԿ-ների վրա, ովքեր ուղղակի վարկաբեկման մեխանիզմ են միացնում բոլոր այն գործիչների հանդեպ , ովքեր հանդգնում են իշխանությանն ասել, որ աչքի վերևը ունք կա, սա կործանարար ճանապարհ է, սրա հետևանքները շատ վատ են լինելու: «Ֆեյք» ինդուստրիայի կոորդինատորները, որոնց անունները հատ-հատ գիտենք, թող այդքան պաշտպանված չզգան իրենց, նախկիններն էլ էին մտածում, որ իրենք անպատժելի են՝ տեսանք, ինչ եղավ: Գալու է ժամանակը և նրանք բոլորը կանգնելու են իրավապահ համակարգի առաջ՝ պետական միջոցները մսխելով ընդդիմադիր գործիչներին վարկաբեկելու, սևացնելու, անպարկեշտ, անբարոյական, անմակարդակ վիդեոսյուժեներ սարքելու և իրենց մեդիառեսուրսներով դրանք տարածելու համար: Ես ինքս այն մարդն եմ լինելու, ով իրավական պրոցեսներ է սկսելու նրանց բոլորի դեմ: Այս պահին դա հնարավոր չէ, քանի որ նրանք իշխանություն են, բայց գալու է ժամանակ և բոլոր նրանք, ում անունները գիտենք հատ-հատ, մեկ-մեկ պատասխանատվության են ենթարկվելու»-շեշտեց ԲՀԿ պատգամավորը:
Նա պատմեց, որ վերջին շրջանում հետաքրքիր տենդենց է նկատվում՝ «ֆեյք» ինդուստրիայի տարբեր ներկայացուցիչներ հետագայում իրենց ապահովագրելու համար ընդդիմադիրներին, առատ տեղեկատվություն են տրամադրում, թե իրենց հրահանգը որտեղից է գալիս, տեքստը ով է գրում, լալահառաչ ձայնով տեքստերն ով է կարդում, ինչ ձևերով են դրանք տարածում, և, իհարկե, այդ ինֆորմացիան հայտնում են պայմանով, որ իրենց անունը չբացահայտվի:
«Այդ ամենը մեր ձեռքի տակ կա և պատեհ պահի դա դառնալու է լուրջ իրավական գործընթացի առիթ: Անպատժելի չէ որևէ մեկը, անպատժելի չմնացին իրենց անպարտ ու անպատժելի համարող նախկին իշխանությունները։ Այս իշխանության այն ներկայացուցիչներն ու նրանց գործիքները, ովքեր վարկաբեկում են ընդդիմությանը, քաղաքական գործիչներին ևս անպատիժ չեմ մնալու: Ես որպես պատգամավոր անելու եմ առավելագույնը որպեսզի նրանցից յուրաքանչյուրը անձի արժանապատվությունը վիրավորելու, մեր ընտանիքները մտնելու, ամենախայտառակ ապատեղեկատվությունը տարածելու համար ենթարկվեն պատասխանատվության: Ես դա խոստանում եմ ինքս ինձ ու մեր հանրությանը»,-ասաց Զոհրաբյանն ու հանուն արդարության նշեց, որ միայն իշխանությունները չեն, որ «ֆեյքային բանակներ» ունեն, քաղաքական այլ ուժեր էլ կան, որ նման «պատերազմների մեջ են»:
Հեղինակ՝ Սոնա Գեւորգյան
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/02/2024 08:25 Հույսը միջազգային ճնշումներն են․ «Հրապարակ»
- 05/02/2024 08:21 Արեւմուտքի հերթական պահանջը՝ ԱԱԾ-ի վերաբերյալ․ «Հրապարակ»
- 05/02/2024 07:39 Արման Թաթոյանը որոշում ունի. ի՞նչ ձևաչափ կնախընտրի նա. «Փաստ»
- 05/02/2024 07:31 Իշխանության սիրելի բազմակի ստանդարտները. «յուրայինների» արյունը կապո՞ւյտ է. «Փաստ»
- 05/02/2024 07:28 ԱԺ նիստերը «երկարուձիգ» են լինելու. հնարավոր է դրանք մյուս շաբաթ եւս շարունակվեն. «Ժողովուրդ»
- 05/01/2024 08:17 ՀՀ կառավարությունը ազգային օպերատոր է դարձրել ուզբեկ բիզնես մագնատին, որը սանկցիաների տակ է գտնվում Եվրոպայում. «Ժողովուրդ»
- 05/01/2024 08:14 Պայքարողները չեն տրվել սադրանքներին․ «Հրապարակ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
Արտակարգ պատահարներ
- 05/01/2024 21:54 Խոշոր ավտովթար․ ընտանիքի 4 անդամներ, այդ թվում՝ երեխաներ, տեղափոխվել են հիվանդանոց
- 05/01/2024 21:13 Մասիսում մի խումբ անձանց միջև վիճաբանությունը վերածվել է ծեծկռտուքի․ կան վիրավորներ
- 05/01/2024 17:33 Հրդեհ Ջրառատ գյուղում. քաղաքացին այրվածքներով տեղափոխվել է հիվանդանոց
- 05/01/2024 17:05 Սյունիքի մարզում․ 14-ամյա տղան դաշտում սինդրիկ հավաքելիս վնասվածքներ է ստացել ու տեղափոխվել հիվանդանոց․ պատճառը կասկածելի պայթյունն է եղել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 05/01/2024 23:36 Գիտնականները նշել են սեքսի իդեալական քանակը՝ ընտանիքում լավագույն հարաբերությունների համար
- 04/30/2024 23:22 Նշվել է զուգընկերոջ դավաճանության մասին վկայող սովորությունը
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
Հետաքրքիր է իմանալ
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն