Փաստ ինֆո

ՀՀ վարչապետ Նիկոլ Փաշինյանն այսօր ֆեյսբուքյան ուղիղ եթերում տեղեկացրել է, որ կորոնավիրուսով վարակվածության 11 դեպք է գրանցվել, ինչը աննախադեպ է քիչ է.

«Սա նշանակում է, որ մենք բոլորս պետք է ոգևորվենք ու ևս մեկ շաբաթ մաքսիմալխիստ գտնվենք ինքներս մեր նկատմամբ, սահմանափակումները պահենք, և եթե մեր կանխավարկածն արդարանա կնշանակի, որ երկուշաբթի օրվանից հնարավորություն կունենանք մտածել ռեժիմի թուլացման մասին»,-ասաց Փաշինյանը.

Փաշինյանի խոսքով,   եթե այս դինամիկան շարունակվի, ապա կնշանակի, որ Կառավարությունը համաճարակի ողնաշարը ջարդել է:

«Ես այս ինֆորմացիան կիսում եմ ձեզ հետ՝ կոչ անելու, խնդրելու, որ այս մեկ շաբաթը հնարավորինս խիստ պահենք սահմանափակումները, եթե վաղը-մյուս օրն այսպիսի դինամիկա ունենանք, ապա արդեն կսկսենք մտածել բնականոն կյանքին վերադառնալու մասին»,-շեշտեց վարչապետը:

Նրա խոսքով, IT գործիքների կիրառման միջոցով հնարավոր է նույնիսկ կորոնավիրուսի գոյության պայմաններում Հայաստանը վերադառնա լիարժեք կյանքին, վստահ լինելով, որ այլևս տարածումը թույլ չի տրվի:

Նա նաև հայտնեց, որ ևս մեկ մահվան դեպք է գրանցվել, քաղաքացին 68 տարեկան է եղել, ունեցել է երկկողմանի  թոքաբորբ. «Ախտանիշը ենթադրաբար կորնավիրուսի հետևանք է, սակայն նաև ունեցել է շաքարային դիաբետ, զարկերակային հիպերտենզիա, արյան շրջանառության սուր խանգարում իշեմիկ տիպի։ Այս դեպքում էլ խրոնիկ հիվանդություններն իրենց սև գործն արել են»:

Աղբյուր` Փաստինֆո