Փաստ ինֆո

ՀՀ կառավարությունն այսօրվա արտահերթ նիստին, որի օրակարգում կորոնավիրուսով պայմանավորված , արտակարգ դրություն հայտարարելու հարցն է, արտգործնախարար Զոհրաբ Մնացականյանը առաջարկեց ավելի լայն սահմանափակում կիրառել ՀՀ տարածք մուտք գործելու եւ դուրս գալու խնդրի հետ կապված։

Նախագծում, որը քննարկման է դրված, առաջարկվում է սահմանափակում մտցնել համաձայն առողջապահության նախարարության կողմից առաջարկվող երկրների ցանկի:

«Մենք կարող ենք ունենալ իրավիճակ, երբ ցանկը, որը հրահանգվում է Առողջապահության նախարարության կողմից, կարող է լինել փոփոխության ենթակա, որը կարող է փոխվել յուրաքանչյուր ուղղությամբ եւ ԱԳՆ-ի ու սահմանապահների համար մենք կարող է ունենանք խառնաշփոթ»,-հայտարարեց ԱԳ նախարար Զոհրաբ Մնացականյանը՝ առաջարկելով Հայաստանի սահման մուտք

Նախարարն ասաց, որ առաջարկվող կարգավորումը կարող է անհատական հարցերի երկար ցանկ առաջացնել, ինչը կարող է անկառավարելի դարձնել իրավիճակը:

Զոհրաբ Մնացականյանն առաջարկեց թույլ տալ ՀՀ մուտք գործել միայն ՀՀ քաղաքացիներին, նրանց օտարերկրյա քաղաքացիություն ունեցող նրանց ընտանիքի անդամներին, դիվանագիտական անձնագրեր ունեցողներին՝ ծառայողական նպատակով, կանոնավոր բեռնափոխադրումներ իրականացնող վարորդներին, ինչպես նաեւ վարչապետի կամ պարեկի որոշմամբ՝ այլ անձանց:

«Նման շարժերի կառավարումը մտավախեցնող է: Սա ավելի է պարզեցնում եւ բացատրելի է դարձնում, թե ով կարող է գնալ եւ գալ»,-ասաց նախարարը:

Փոխվարչապետ Տիգրան Ավինյանը ասաց, որ կարեւոր է համարում այն արձանագրումը, որ արտակարգ իրավիճակում, որում գտնվում ենք, շատ կարգավորումներ կառավարության, վարչապետի եւ կորոնավիրուսի կանխարգելման հանձնաժողովի որոշումներով արդեն տրվում էին, իսկ արտակարգ դրության ռեժիմը գործիքակազմի առումով արագ գործելու հնարավորություն է տալիս: Ավինյանը նշեց, որ արդեն իսկ սահմանափակումներ ունեինք անցակետերում: Նա ասաց որ Զոհրաբ Մնացականյանի առաջարկը տրամաբանական է:

Արսեն Թորոսյանն ասաց, որ Զոհրաբ Մնացականյանի առաջարկությունը նշանակում է ամբողջական սահմանափակում մտցնել բոլոր ուղղություններով՝ օդային եւ ցամաքային ճանապարհներով: «Պարոն Մնացականյանը առաջարկում է ավելի տոտալ արգելք ՝ մուտքի եւ ելքի, այդ թվում բոլոր երկրների քաղաքացիների արգելքը՝ դեպի ՀՀ»,-ասաց Արսեն Թորոսյանը:

Զոհրաբ Մնացականյանը վարչապետի համար պարզաբանեց, որ առաջարկը ավելի կպարզեցնի կարգավորումը, քանի որ արգելք ունեցող երկրների ցանկը կարող է փոխվել եւ լինել բարդ կառավարելի: Նա ասաց, որ այս կարգավորումը կիրառվում է բոլոր երկրներում, որոնք շարժվում են այս տրամաբանությամբ:

Արսեն Թորոսյանն ասաց, որ կառավարելիության խնդիր չի տեսնում, որովհետեւ սահմանափակումներն Իրանի ու Վրաստանի մասով օրինակ, արդեն իսկ գործում են , իսկ տոտալ սահմանափակումը, ըստ նրա, պակաս ճկունություն կտա:

Վարչապետ Փաշինյանն առաջարկեց օրացուցային ժամկետով առաջնորդվել եւ ամեն օր նոր ցանկ տրամադրել: ԱԳ նախարարը բացատրեց, որ օրինակ ժամը 00.00-ից հետո մարդիկ կարող են գալ եւ ասել, որ չգիտեին կարգավորման մասին: «Մենք ունենք 118 երկրի հետ բավականին լիբերալ ռեժիմ, 46-47 երկրի հետ միակողմանի առանց վիզայի ՀՀ մուտք գործելու թույլտվություն, 70-ից ավել երկրների հետ՝ ՀՀ ժամանելու եւ տեղում վիզա ստանալու իրավունք եւ 118 երկրից մարդկանց կառավարելը լինելու է չափազանց բարդ»,-բացատրեց ԱԳ նախարարը:

Փոխվարչապետ Մհեր Գրիգորյանն էլ կարծիք հայտնեց, որ ճկունությունը պետք է թողնել՝ հակառակ դեպքում, ըստ նրա, մենք աշխարհից կտրվում ենք:

Հիշեցնենք, որ նախագիծը ներկայացնելիս արդարադատության նախարար Ռուստամ Բադասյանն ասաց, որ արտակարգ դրության իրավական ռեժիմն ապահովող ուժերի և միջոցների միասնական ղեկավարումն իրականացնելու նպատակով։

Աղբյուր` Փաստինֆո