Հովանավորչություն կա այդ անձանց նկատմամբ. Զարուհի Փոստանջյանը՝ «Հայելի» ակումբի նկատմամբ հարձակում գործած անձանց մասին - ՓԱՍՏԻՆՖՈ | Իրավական լուրեր, իրադարձություններ, վերլուծություններ, տեսանյութեր

ԲՈԼՈՐ ՆՅՈՒԹԵՐԸ

Բոլորը

12/11/2019 14:56 Դատախազությունը մերժել է Սերժ Սարգսյանին որպես մեղադրյալ ներգրավելու մասին որոշումը վերացնելու վերաբերյալ պաշտպանի բողոքը 12/10/2019 19:38 Ինչից է վախեցել «ՍԱՍ»-ի Արտակը. Նա հրաժարվել է ցուցմունք տալ, իսկ գործարար Արամ Քոչարյանն էլ հրաժարվել է ներկայանալ դատաբժշկի 12/11/2019 18:47 Որոշ դիտարկումներ՝ Սահմանադրական դատարանի դատավորների վաղ կենսաթոշակի անցնելու նախագծի վերաբերյալ 12/11/2019 11:46 Հրանուշ Խառատյան. Ես հրաժարվում եմ այս ԱԺ-ն իմ երկրի օրենսդիր մարմին համարել 12/10/2019 16:14 ԲԴԽ-ն այսօր կհրապարակի դատավոր Ռուբեն Ներսիսյանին կարգապահական պատասխանատվության ենթարկելու մասին որոշումը 12/10/2019 23:29 Արփինե Հովհաննիսյանը խնդրանքով դիմել է ՍԴ դատավորներին 12/10/2019 17:39 ԲԴԽ-ն բավարարեց նախարարի միջնորդությունը. Դատավորին հայտարարվեց նկատողություն (տեսանյութ) 12/10/2019 16:53 Նոր Տարվա զանգերը խփելուց հետո ՀՀ-ում չի լինելու ՀԴՄ չխփելու որեւէ պարագա. Փաշինյանը զգուշացրեց 12/11/2019 16:32 Չեմ բացառում, որ գործող իշխանություններին մեկ մարմինը չի բավականացնում իրենց «հետաքրքրող» բոլոր անձանց գաղտնալսումներն իրականացնել. Մելիքյան 12/11/2019 17:11 Ռուբեն Հայրապետյանին պատկանող բիզնեսների վերաբերյալ նյութեր են նախապատրաստվում 12/11/2019 18:06 Անհապաղ կազմակերպել Դատավորների և իրավաբանների անկախության հարցերով Հատուկ Զեկուցողի այցը Հայաստան. Սիրանուշ Սահակյանի ելույթը՝ Ժնեւում 12/11/2019 20:57 Շատ վտանգավոր տեսակետ շրջանառության մեջ դրվեց վերջին 2 օրվա ընթացքում. Դավիթ Իշխանյան 12/10/2019 20:33 Դատավոր Աննա Դանիբեկյանին ինքնաբացարկի միջնորդությունը մերժելու որոշման դեմ բողոքը վերաքննիչ դատարանը թողել է առանց քննության 12/11/2019 18:59 Աննա Հակոբյանը կանանց կոչ է արել ազատվել խոզի բդի գերությունից 12/10/2019 14:32 Ստյոպա Սաֆարյանի եւ Վլադիմիր Կարապետյանի ենթադրյալ նամակագրության հրապարակման դեպքի առթիվ քրեական գործ չի հարուցվել 12/11/2019 15:07 Վարդենիսի հիվանդանոցը հրաժարվել է վիրահատել անհապաղ կեսարյան հատում անելու ցուցումով ծննդկանին, փոքրիկի կյանքը փրկել չի հաջողվել. ինչով է զբաղված ԱՆ-ն 12/11/2019 17:16 ՍԴ դատավորներին շանս է տրված սահմանել՝ ժողովրդավա՞ր, թե՞ բռնատիրական երկիր է Հայաստանը 12/11/2019 14:00 Ռոբերտ Քոչարյանի նկատմամբ գրավ կիրառելու բողոքը մակագրվել է դատավոր Լուսինե Աբգարյանին 12/11/2019 15:01 Բացահայտվել է կոռուպցիոն բնույթի առերևույթ հանցագործության կատարման դեպք 12/11/2019 13:20 Գևորգ Կոստանյանի կալանավորման որոշումը բողոքարկվել է

Հովանավորչություն կա այդ անձանց նկատմամբ. Զարուհի Փոստանջյանը՝ «Հայելի» ակումբի նկատմամբ հարձակում գործած անձանց մասին 11/08/2019 13:18 | ԼՐԱՀՈՍ

Դատախազությունը դեռեւս չի արձագանքել «Հայելի» ակումբի ղեկավար Անժելա Թովմասյանի նկատմամբ պաշտպանական միջոցներ ձեռնարկելու մասին փաստաբանի բողոքին։

Նշենք, որ փաստաբանը ներկայացրել էր երեք միջնորդություն՝ Անժելա Թովմասյանի նկատմամբ հատուկ պաշտպանական միջոցներ կիրառելու, «Հայելի» ակումբին որպես տուժող ճանաչելու, գործ հարուցելու նաև խուլիգանության և խտրական վերաբերմունքի համար, քանի որ «Հայելի» ակումբի վրա հարձակման դեպքի առթիվ գործ է հարուցվել միայն ՀՀ քրեական օրենսգրքի 164-րդ հոդվածի 1-ին մասի հատկանիշներով, այն է՝ լրագրողի մասնագիտական աշխատանքը խոչընդոտելը։

Փոստանջյանն ընդգծեց, որ որևէ որոշում դեռ չի կայացվել ներկայացված բոլոր միջնորդությունների վերաբերյալ։ Առայժմ քննիչը քննարկել է միայն պաշտպանական միջոց ձեռնարկելու վերաբերյալ միջնորդությունը ու մերժել, ինչի դեմ փաստաբանը բողոք է ներկայացրել դատախազին, սակայն պատասխան դեռեւս չեն ստացել։

«Չկա հրահանգ պատշաճ քննություն իրականացնելու՝ օրենքով սահմանված կարգով։ Հատուկ մոտեցում է ցուցաբերվում, հատուկ հովանավորչություն՝ անձանց նկատմամբ, ովքեր կատարել են այդ հարձակումը»,- ասաց Զ.Փոստանջյանը։ Ճշգրտող հարցին, թե արդյո՞ք դա նշանակում է, որ իրավապահ համակարգը բավականաչափ ազատություն չունի ինքնուրույն որոշում կայացնելու համար, Փոստանջյանը նշեց. «Միանշանակ։ Հովանավորչություն կա այդ անձանց նկատմամբ, որովհետև դեպքը տեղի է ունեցել մի քանի հանցակազմերով, իսկ հարուցվել է գործը միայն լրագրողի մասնագիտական օրինական գործունեությանը խոչընդոտելու դեպքի առթիվ։ Հարձակումը տեղի է ունեցել «Հայելի» ակումբի գրասենյակի վրա։ Այսինքն՝ «Հայելի» ակումբին պարտավոր են որպես իրավաբանական անձի ճանաչել տուժող»։

Նրա խոսքով՝ «Հայելի» ակումբին տուժող չճանաչելը խոսում է հատուկ հովանավորչության մասին։ «Տեղի է ունեցել խուլիգանություն։ Հասարակական բարոյականության դեմ ուղղված հանցագործություն է, խոսքի ազատության դեմ ոտնձգություն է»,- նշեց Փոստանջյանը՝ շեշտելով. «Անձինք, ովքեր կատարել են այդ հարձակումը հստակ նշում են՝ ինչու են դա արել՝ որովհետև Անժելա Թովմասյանը Հրայր Թովմասյանի քույրն է։ Այսինքն՝ խտրական վերաբերմունքը հստակորեն անձամբ նշում էին։ Այդ դեպքի առթիվ էլ չի հարուցվել գործ, որպեսզի հատուկ մեղմ մոտեցում լինի»։
Հիշեցնենք, որ հոկտեմբերի 5-ին չորս երիտասարդ ձվեր են նետել ակումբի դռներին ու պատերին, պաստառներ փակցրել` պահանջելով փակել լրատվամիջոցը: Որպես ակցիայի պատճառ նշվել է Hayeli.am լրատվական կայքում հրապարակված «Ալիևի ուշացած, բայց հուժկու պատասխանը Փաշինյանին» վերնագրով հրապարակումն էր։

Արձանագրենք, որ ակումբի ղեկավարը՝ Անժելա Թովմասյանը, ՀՀ ՍԴ նախագահ Հրայր Թովմասյանի քույրն է, ում լիազորությունները դադարեցնելու գործընթաց է սկսել իշխող քաղաքական ուժը, հարուցվել է նաեւ քրեական գործ։ Դեպքի առթիվ Ոստիկանության կենտրոնական բաժնում հարուցվել է քրեական գործ՝ ՀՀ քրեական օրենսգրքի 164-րդ հոդվածի 1-ին մասով, որը նախաքննություն կատարելու համար ուղարկվել է ՔԿ ԵՔՔՎ Կենտրոն և Նորք-Մարաշ վարչական շրջանների քննչական բաժին և ընդունվել վարույթ: Հոկտեմբերի 15-ին ՀՀ ՔԿ-ից հայտնեցին, որ 4 երիտասարդներին մեղադրանք է առաջադրվել՝ ՀՀ քրեական օրենսգրքի 164-րդ հոդվածի 1-ին մասով: Նրանց նկատմամբ որպես խափանման միջոց է ընտրվել ստորագրություն չհեռանալու մասին: Նշենք, որ այս գործով Անժելա Թովմասյանը ճանաչվել է տուժող:

Հեղինակ՝ Իզաբել Սահակյան

Աղբյուր` Փաստինֆո