Փաստ ինֆո

Այսօր կառավարության նիստում քննարկվել է Մյասնիկյանի արձանին առնչվող, այդ թվում ժապավենով առանձնացնելու հարցը։

ՀՀ արտակարգ իրավիճակների նախարար Ֆելիքս Ցոլակյանն ասաց, որ Մյասնիկյանի արձանին սալիկների հետ կապված խնդիր կա, ԱԻՆ-ի աշխատակիցները գնացել, ուսումնասիրել են։

«Դա պատկանում է Մշակույթի նախարարությանը, կապվեցինք նախարարության հետ, ասեցինք, որ եթե մեր աշխատողները բարձրանան թափեն, արճիճով է ամրացված, ամբողջությամբ կթափվի», - ասաց Ցոլակյանը։

Նա նշեց, որ պետք է ուսումնասիրություն կատարվի ու հարցը լուծվի։ Վարչապետն այդտեղ հիշեց Վարդանյան եղբայրների հետ իր զրույցի մասին։

«Այգու բացման օրը, երբ շրջայցի էինք, Վարդանյան եղբայրներն ինձ տեղեկացրին, որ իրենք առաջարկել են այգու հետ նաև այդ արձանը նորոգեն, բայց ասվել է, որ դա մշակութային արժեք է, ես էլ ասացի՝ մշակութային արժեք է, թողեք հանգիստ քանդվի, պետք չէ նորոգել, հանկարծ չկպնեք, մենք արդեն սովոր ենք, որ մշակութային արժեքը պետք է ավերակ լինի», - ասաց ՀՀ վարչապետ Նիկոլ Փաշինյանը։

«Դրանից հետո ես անցնում եմ ու ինչ եմ տեսնում, տեսնում եմ, որ բերել են էդ արձանը ժապաժվենով փաթաթել են, ընդ որում, էն հայտնի շաբաթօրյակի օրը, երբ Սոս Սարգսյանի թատրոնը պիտի բացվեր, ես այդ օրը Երևանի քաղաքապետին ու մյուս պատասխանատուներին ասացի, որ ճանապարհը, օրինակ, փակում են, ինչ-որ բան են կապում, ինչո՞ւ պետք է էդ փակելը արվի 73 թվի արտադրած ցելոֆանի ժամապենով՝ 25 տեղից կապած», - ասաց Փաշինյանը՝ նշելով «չի կարելի գնալ աղբանոցից հանել օգտագործած ժապավեն, բերել փաթաթել։ Էսօր էլ իմացա, որ էդ արձանում արդեն ջարդուփշուրի պրոցես է սկսվել, ի՞նչ է տեղի ունենում, պարոն Մովսիսյան»։

Փոխոստիականապետ Վարդան Մովսիսյանը տեղյակ չէր, թե ով է կապել ժապավենը՝ նշելով, որ փորձում են պարզել հուշարձանը վնասողի ինքնությունը։

Ապա՝ իմանալով, որ դեպքի վերաբերյալ կա տեսագրության, սակայն անցած երկու օրերի ընթացքում չի բացահայտվել՝ հայտարարեց. «Շատ վատ է, եթե մարդը տեսախցիկի մեջ կա, երկու օր չենք կարողանում հայտնաբերել, բա որ տեսախցիկի մեջ չլիներ, քանի՞ օր չեք կարող հայտնաբերել», - զայրացավ վարչապետը՝ հորդորելով արագ հայտնաբերել։

Մանրամասները՝ տեսանյութում:

Աղբյուր` Փաստինֆո