ԲՈԼՈՐ ՆՅՈՒԹԵՐԸ
Թեժ քննարկումներ Ազգային ժողովում. ՀՀԿ-ական պատգամավորները բոյկոտեցին կարևոր նախագծի քվեարկությունը 11/16/2018 14:53 | ԼՐԱՀՈՍ
Ազգային ժողովի հերթական քառօրյայի վերջին նիստն անցավ բուռն քննարկումների ու թեժ մթնոլորտում: Նիստի ընթացքում կառավարության ներկայացրած մի շարք նախագծեր չընդունվեցին: Դրանց թվում կային նաև նախագծեր, որոնք առաջին ընթերցմամբ ընդունվել էին:
Նախ ոչ մի կերպ չէր հաջողվում քվորում ապահովել՝ նիստը սկսելու համար: Առաջին փորձից գրանցվել էր 48 պատգամավոր, ԱԺ նախագահ Արա Բաբլոյանն առաջարկեց սպասել:
Արա Բաբլոյանն այնուհետև խմբակցությունների ղեկավարներին խնդրեց իրենց խմբակցության պատգամավորներին հրավիրել նիստերի դահլիճ, որպեսզի կարողանան քվորում ապահովել նիստը սկսելու համար: Մոտ 30 րոպե սպասելուց հետո ԱԺ նախագահը ևս մեկ գրանցում կազմակերպեց. Այս անգամ գրանցվել էր 52 պատգամավոր: Արա Բաբլոյանը գրանցված պատգամավորներին խնդրեց չլքել դահլիճը՝ մինչև մյուս պատգամավորների գալը:
Որոշ ժամանակ անց ի վերջո հաջողվեց քվորում ապահովել: ՀՀ ԱԺ նախագահը քվեարկության դրեց նախորդ օրը քննարկված «Պետական կառավարման համակարգի մարմինների մասին» ՀՀ օրենքում փոփոխություն կատարելու մասին օրենքի նախագիծը երկրորդ ընթերցմամբ և ամբողջությամբ ընդունելու մասին հարցը: Նախագծին կողմ քվեարկեց 51, ձեռնպահ՝ 1 պատգամավոր: Քվեարկությունից հետո ՀՀ ԱԺ նախագահը դիմեց ՀՀԿ խմբակցության պատգամավոր Գալուստ Սահակյանին. «Գալուստ Գրիգորիչ, Դուք չե՞ք քվեարկում, ինչին ի պատասխան Գալուստ Սահակյանը բացասական պատասխան տվեց: Արա Բաբլոյանը հայտարարեց, որ որոշումը չի ընդունվել, քանի որ այն ընդունելու համար անհրաժեշտ է, որպեսզի քվեարկությանը մասնակցի 53 պատգամավոր: Դահլիճից առաջարկեցին վերաքվեարկություն իրականացնել, սակայն Արա Բաբլոյանը առաջարկի հետ չհամաձայնեց՝ շեշտելով, որ Գալուստ Սահակյանին հարցրել է, ով ասել է, որ չի քվեարկում:
Արա Բաբլոյանը քվեարկության դրեց ՀՀ կառավարության ներկայացրած «Ընդերքի մասին» օրենքում փոփոխություններ և լրացումներ կատարելու մասին և կից ներկայացված օրինագծերի փաթեթն առաջին ընթերցմամբ ընդունելու մասին հարցը: Այս նախագծին ևս կողմ քվեարկեց 51, ձեռնպահ՝ 1 պատգամավոր: Որոշումը կրկին չընդունվեց:
Այնուհետև ԱԺ նախագահը քվեարկության դրեց «Ապահովագրության և ապահովագրական գործունեության մասին» օրենքում լրացումներ կատարելու մասին և կից օրենքների նախագծերի փաթեթը երկրորդ ընթերցմամբ և ամբողջությամբ ընդունելու մասին հարցը: Վարման կարգի վերաբերյալ ձայնի իրավունք խնդրեց ԱԺ փոխնախագահ Միքայել Մելքումյանը. «Հարգելի գործընկերներ, ես կոչ եմ անում, որպեսզի բոլորը մասնակցեն քվեարկությանը, որպեսզի չձախողվեն կառավարության կարևորագույն օրինագծերը: Կոչ եմ անում մասնակցել, որպեսզի կարևոր որոշումներն ընդունվեն: Այս նախագծին կողմ քվեարկեց 51, ձեռնպահ՝ 1 պատգամավոր: Որոշումը չընդունվեց:
Քվեարկության դրվեց Ազգային ժողովի պատգամավոր Հրաչյա Հակոբյանի ներկայացրած «Գովազդի մասին» ՀՀ օրենքում լրացումներ և փոփոխություններ կատարելու մասին ու հարակից նախագծերի փաթեթն առաջին ընթերցմամբ ընդունելու հարցը: Օրինագծերի փաթեթի հեղինակ, Ազգային ժողովի «Ելք» խմբակցության պատգամավոր Հրաչյա Հակոբյանը վարման կարգի վերաբերյալ ձայնի իրավունք խնդրեց ու դիմեց Գալուստ Սահակյանին՝ խնդրելով այս անգամ մասնակցել քվեարկությանը: «Կարծում եմ, որ այս նախագիծը հրատապ է, քանի որ տեսնում եք, թե որքան են այս տատալիզատորների գովազդները խեղդում բոլորին»,- ասաց Հակոբյանը: Նախագծերի փաթեթին կողմ քվեարկեց 52 պատգամավոր, որոշումը չընդունվեց: ԱԺ նախագահ Արա Բաբլոյանը հայտարարեց, որ մեկ պատգամավոր չի քվեարկել: «Բայց, երևի, սկզբունքայնորեն չի քվեարկել»,- ասաց ԱԺ նախագահը:
ԱԺ փոխնախագահ Միքայել Մելքումյանն առաջարկեց վերաքվեարկություն կազմակերպել, սակայն Արա Բաբլոյանն առաջարկի հետ համաձայն չէր: «Մենք չգիտենք, հնարավոր է, որ որևէ մեկն ուղղակի կոճակը չի սեղմել, ես առաջարկում եմ վերաքվեարկություն»,- պնդեց Մելքումյանը:
Ազգային ժողովի փոխնախագահ Էդուարդ Շարմազանովը, դիմելով գործընկերներին, նշեց. «Ես նախ խնդրում եմ, որ մեկս մյուսին հարգենք, մենք բոլորս այստեղ հավասար ենք: Եթե տեղից որևէ մեկը չի ասել, որ իր կոճակը չի աշխատել, չի կարողացել քվեարկել, վերաքվեարկության կարիք չկա: Ես կողմ եմ քվեարկել, մնացածը չգիտեմ, թե ով ոնց է քվեարկել»:
Միքայել Մելքումյանը շարունակեց պնդել վերաքվեարկության դնելու առաջարկը: «Ես առաջարկում եմ, որ մենք գիտակցենք, որ սա շատ կարևոր օրենք է, որը պետք է ընդունենք»,- ասաց Մելքումյանը: Այնուամենայնիվ, նախագծերի փաթեթի վերաքվեարկություն չկազմակերպվեց:
Քվեարկության դրվեց պատգամավոր Էդմոն Մարուքյանի ներկայացրած Քրեական օրենսգրքում փոփոխություն կատարելու մասին օրենքի նախագծին առաջին ընթերցմամբ ընդունելու մասին հարցը: ԱԺ «Ծառուկյան» խմբակցության քարտուղար Վահե Էնֆիաջյանն ընդգծեց, որ խորհրդարանում անկարևոր հարցեր չեն քննարկվում, իսկ առաջիկայում լինելու են խորհրդարանական արտահերթ ընտրություններ՝ շեշտելով, որ ԱԺ-ում տիրող մթնոլորտն անընդունելի է ու անընկալելի՝ գալ, նստել դահլիճում և բնական գործունեությունը խաթարել: «Մենք շատ լավ գիտակցում ենք, որ կա քվեարկելու երեք տարբերակ, և կա նաև չորրորդ տարբերակը, որը չքվեարկելն է: Բայց բնական գործընթացներ ապահովելու համար նաև նախագահությունը իր գործունեությունը ծավալում է»,- ասաց էնֆիաջյանը:
Էդմոն Մարուքյանը իր հերթին պատգամավորներին խնդրեց աջակցել իր ներկայացրած նախագծին, քանի որ այն վերաբերվում է մարդու իրավունքների հարգմանը և պաշտպանությանը: «Ես շատ եմ կարևորում, որ այն այսօր ընդունվի, որովհետև որևէ քաղաքական նպատակ, քաղաքական աստառ այս նախագիծը չունի, այն զուտ մարդասիրական բնույթ է կրում, և ես խնդրում եմ, որ մենք միասին այն ընդունենք»:
Վարման կարգի վերաբերյալ ելույթ ունեցավ նաև ԱԺ «Ծառուկյան» խմբակցության պատգամավոր Նաիրա Զոհրաբյանը: «Ես ևս միանում եմ կոչին և հորդորում եմ իմ գործընկերներին, ովքեր հումորի համար նստել են դահլիճում և կուզեն կքվեարկեն, չուզեն՝ չեն քվեարկի, հասկանալ, որ այս պահին Հայաստանի բոլոր կալանավայրերում հետևում են այս նախագծի քվեարկությանը: Մարդիկ շատ դեպքերում անհարկի ենթարկվել են ոչ մարդկային վերաբերմունքի: Մենք պարտավոր ենք վերականգնել այդ մարդկանց իրավունքը և այս նախագիծը միտված է դրան: Բոլորին հորդորում եմ այս նախագծին կողմ քվեարկել և չտապալել այն»,- նշեց Նաիրա Զոհրաբյանը:
ԱԺ փոխնախագահ Էդուարդ Շարմազանովն էլ պատգամավորներին կոչ արեց հարգել մեկը մյուսի քվեարկությունը: «Բոլորս էլ պատգամավոր ենք և իրավունք ունենք քվեարկել կամ չքվեարկել: Եկեք հարգանքով վերաբերվենք մեկս մյուսի քվեարկությանը: Ինչ վերաբերվում է պարոն Էդմոն Մարուքյանի նախաձեռնությանը, սա այն դեպքն է, երբ երկու լոռեցիների կարծիքները համընկնում են, ես պաշտպանում եմ այս նախագիծը: Կալանավայրերում գտնվող մեր քաղաքացիների իրավունքները պետք է պաշտպանվեն, դա մարդասիրական օրենսդրական նախաձեռնություն է, ես կողմ եմ քվեարկելու՝ չնայած նրան, որ կառավարությունը բացասական եզրակացություն է տվել: Ես բոլորին կոչ եմ անում կողմ քվեարկել»,- ասաց Շարմազանովը: Չնայած բազմաթիվ կոչերին ու հորդորներին՝ այս նախագիծը ևս չընդունվեց. կողմ քվեարկեց 48 պատգամավոր:
Խորհրդարանը չընդունեց նաև «Հավաքների ազատության մասին» օրենքում փոփոխությունների նախագիծը, որով ՀՀԿ խմբակցության մի խումբ պատգամավորներ առաջարկվում էին արգելել Հայ Առաքելական Եկեղեցու տարածքում արգելել հավաքների անցկացումը: Նախագծին կողմ քվեարկեց 43 պատգամավոր:
Այնուհետև քվեարկության դրվեց «Հատուկ պաշտպանության ենթակա անձանց անվտանգության ապահովման մասին» օրենքում լրացումներ կատարելու մասին օրենքի նախագիծը, որով առաջարկվում էր ավելացնել Ամենայն Հայոց Կաթողիկոսի անվտանգության երաշխիքները: Նախագիծը չընդունվեց, ինչից հետո կրքերն ավելի բորբոքվեցին:
Քվեարկությունից առաջ ԱԺ ՀՀԿ խմբակցության պատգամավոր Հայկ Բաբուխանյանը պատգամավորներին կոչ արեց միահամուռ կողմ քվեարկել նախագծին: ԱԺ «Ելք» խմբակցության ղեկավար Լենա Նազարյանը նշեց, որ նախագծի քննարկման ժամանակ կառավարության ներկայացուցիչը հավաստիացրել է, որ, եթե Կաթողիկոսի անվտանգությունը պաշտպանության կարիք ունենա, ապա կառավարությունը հատուկ միջոցներ կձեռնարկի, այդ մասին օրենքով հատուկ արձանագրվելու կարիք չկա: ԱԺ փոխնախագահ Էդուարդ Շարմազանովը բոլորին կոչ արեց պարտադիր կերպով կողմ քվեարկել ներկայացված օրենսդրական նախաձեռնությանը՝ ընդգծելով, որ Սահմանադրությամբ Հայ Առաքելական Եկեղեցուն տրված են բացառիկ իրավունքներ: ՀՀԿ խմբակցության պատգամավորներ Միհրան Հակոբյանը և Սամվել Նիկոյանը այն կարծիքին էին, որ Վեհափառ Հայրապետի անվտանգության ապահովումը կառավարության հայեցողությանը թողնելն անընդունելի է, դա պետք է ընդունվի օրենքով: Նախագծին կողմ արտահայտվեց նաև ԱԺ ՀՅԴ խմբակցության ղեկավար Արմեն Ռուստամյանը:
«Ծառուկյան» խմբակցության քարտուղար Վահե Էնֆիաջյանն էլ ընդգծեց, որ կարևորում են Ամենայն Հայոց Կաթողիկոսի անվտանգության հարցը, բայց գտնում են, որ օրենքով չէ, որ այդ հարցը պետք է կարգավորվի: Նա հայտարարեց, որ «Ծառուկյան» խմբակցությունը ձեռնպահ է քվեարկելու:
Ի վերջո, նախագծին կողմ քվեարկեց 28, ձեռնպահ՝ 10 պատգամավոր, որոշումը չընդունվեց: ԱԺ փոխնախագահ Էդուարդ Շարմազանովը հայտարարեց, որ սա անկախ Հայաստանի ամենախայտառակ քվեարկությունն էր, ինչից հետո լքեց դահլիճը: Էդուարդ Շարմազանովի հետևից դահլիճը լքեցին նաև ՀՀԿ խմբակցության մյուս պատգամավորները: ԱԺ նախագահ Արա Բաբլոյանը ՀՀԿ խմբակցության պատգամավորներին հորդորեց մնալ դահլիճում, քանի որ ևս մեկ կարևոր նախագիծ կա, որը պետք է քվեարկվի: «Ամեն մի նախագիծ իր կարևորությունն ունի, այդպես չի կարելի»,- ասաց Բաբլոյանը:
Տիգրան Ուրիխանյանի կողմից ներկայացված «Կրթության մասին ՀՀ օրենքում« փոփոխություն կատարելու մասին օրենքի նախագիծը ևս չընդունվեց: Նախագծին միաձայն կողմ քվեարկեց 32 պատգամավոր, սակայն ընդունելու համար անհրաժեշտ էր, որպեսզի քվեարկությանը մասնակցի 53 պատգամավոր: Նախագծով պատգամավորն առաջարկում էր տարաժամկետել ուսանողների ուսման վարձերը:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/26/2024 08:28 Հենրիխ Մխիթարյանին շնորհավորեցին բոլորը` բացի ՀՖՖ-ից․ «Ժողովուրդ»
- 04/26/2024 08:23 Գյուղից հետևում են դիրքերի քանդմանը․ «Հրապարակ»
- 04/26/2024 08:20 Համատեղ պայքարի պլան դեռ չկա․ «Հրապարակ»
- 04/26/2024 08:18 ԿԳՄՍՆ-ում փոփոխություններ են նախապատրաստվում ․ լուծարվելու է Սփյուռքի բաժինը․«Հրապարակ»
- 04/26/2024 08:13 Իշխանական թիմում էլ են սարսափում ադրբեջանցի «փախստականների» վերադարձի հեռանկարից․ Հրապարակ»
- 04/26/2024 07:53 Աննա Հակոբյանը քաղաքական նպատակով էր Գյումրիում. աճել է իշխանության հանդեպ անվստահությունը, թեմի առաջնորդը «վտանգ» է համարվում․ «Ժողովուրդ»
- 04/26/2024 07:40 Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/26/2024 20:05 Առեղծվածային դեպք՝ Կոտայքի մարզում. «Hotel Տ27» հյուրանոցային համալիրում հայտնաբերվել են 2 օտարերկրացիների մարմիններ. 2 հոգի էլ տեղափոխվել է հիվանդանոց
- 04/26/2024 10:53 2 ռուս կանայք հաղորդում են տվել ոստիկանություն, որ «Հաղթանակ» զբոսայգու տնօրենը հարվածել է իրենց, թքել իրենցից մեկի դեմքին. shamshyan.com
- 04/26/2024 10:33 Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
- 04/26/2024 10:23 Հրդեհ Գառնի գյուղում
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել