ԲՈԼՈՐ ՆՅՈՒԹԵՐԸ
Լեզվաբանի ամուսնու սպանության գործն առանց միջադեպերի չի անցնում 05/03/2017 18:02 | Դատական ռեպորտաժներ
Նուբարաշենի խճուղում 58-ամյա Եղիշե Խաչատրյանի սպանության մեջ մեղադրվող 5 ամբաստանյալներն առաջադրված մեղադրանքը չեն ընդունում, նրանցից երկուսի համար էլ մեղադրանքն անհասկանալի էր:
Այսօր Էրեբունի և Նուբարաշեն վարչական շրջանների ընդհանուր իրավասության դատարանում մեղադրական եզրակացության հրապարակումից հետո ամբաստանյալներ Խաչիկ Կոսյանը, Արթուր Զաքարյանը, Արտաշես Չիչոյանը, Արարատ Նիկողոսյանը և Յուրի Հակոբյանն առաջադրված մեղադրանքի վերաբերյալ ասացին, որ իրենք առնչություն չունեն ներկայացված մեղադրանքի հետ:
Ինչ վերաբերում է սպանված Եղիշե Խաչատրյանի մոր՝ Էմմա Աբրահամյանի և Փառանձեմ Մեյթիխանյանի կողմից ներկայացված քաղհայցին՝ որպես հանցագործությամբ պատճառված վնասի փոխհատուցում 30 մլն ՀՀ դրամ պահանջին, ապա այս կապակցությամբ ևս ամբաստանյալները նշեցին, որ եթե հանցագործության հետ որևէ առնչություն չունեն, իհարկե չեն ընդունում ներկայացված քաղհայցը:
Նշենք, որ Արարատ Նիկողոսյանի և Արտաշես Չիչոյանի համար էլ մեղադրանքն անհասկանալի էր: Այս առնչությամբ Արարատ Նիկողոսյանի պաշտպան Երեմ Սարգսյանը, վկայակոչելով Եվրոպական դատարանի և Վճռաբեկ դատարանի նախադեպային որոշումներին, ասաց, որ գործով երկու մեղադրյալի համար մեղադրանքի էությունն իրենց պարզ չի:
Այստեղ բոլորը մեղադրվում են խմբով հանցագործություն կատարելու մեջ և բոլորի մեղադրանքները, ըստ էության, բառացիորեն նույն է՝ միասնական դիտավորությամբ հանդես գալով, մեկը մյուսի գործողությունները լրացնելով՝ անձին սպանելու մեջ, սակայն յուրաքանչյուր մեղադրյալ որտեղի՞ց պետք է հասկանա, թե կոնկրետ ի՞նչ գործողություն է կատարել: Պաշտպանը կարծիք հայտնեց, որ այս իրավիճակում անհնար է պաշտպանություն իրականացնել:
«Ո՞վ ի՞նչ գործողություն է կատարել և ո՞ւմ է լրացրել՝ մեղադրանքներն այս առումով ավելի պետք է հստակեցվի»,- ասաց Երեմ Սարգսյանը՝ նշելով, որ կցանկանար, որ մեղադրողներն առավել մանրամասն ներկայացնեն:
Արարատ Նիկողոսյանի պաշտպան Լիպարիտ Սիմոնյանն էլ հավելեց, որ խարդախության մեղադրանքի վերաբերյալ ևս նրանցից յուրաքանչյուրի գործողությունը կոնկրետացված չէ:
Հայտարարության վերաբերյալ մեղադրող դատախազը կարծիք հայտնեց, որ մեղադրական եզրակացության եզրափակիչ մասը հրապարակվեց, և ինքը գտնում է, որ մանրամասն բոլոր ամբաստանյալների գործողությունները նշված է մեղադրանքում և առավել մանրամասնելու կարիք չկա:
Տուժող կողմի ներկայացուցիչ Ինեսսա Պետրոսյանն էլ գտնում է, որ ամեն ինչ շատ պարզ և հստակ է, որևէ խախտում չկա: «Քրեական գործի նյութերով, հարցաքննված վկաներով հաստատվում է, թե ոնց են նրանք մահացու հարվածներ հասցրել տուժող Եղիշե Խաչատրյանին»:
Այսօր կրկին այս գործով դատական նիստն առանց միջադեպի չանցավ. այս անգամ էլ երբ ամբաստանյալ Յուրի Հակոբյանի պաշտպան Արմեն Նադիրյանը միջնորդությամբ հանդես եկավ՝ իր պաշտպանյալի նկատմամբ խափանման միջոց կալանավորումը փոփոխելու, նրա նկատմամբ չհեռանալու մասին ստորագրություն ընտրելու կամ այլընտրանքային խափանման միջոց՝ գրավ կիրառելու մասին միջնորդության վերաբերյալ տուժողի իրավահաջորդի ներկայացուցիչ Ինեսսա Պետրոսյանն առարկեց:
Նշենք, որ Արմեն Նադիրյանը, երբ ներկայացրեց միջնորդությունը, հիշեցրեց, որ նախորդ նիստին, երբ տուժողի իրավահաջորդ Փառանձեմ Մեյթիխանյանը շշով հարվածեց Յուրիկ Հակոբյանի դեմքին, Յուրի Հակոբյանն այնպիսի զսպվածություն ցուցաբերեց, որ որևէ կերպ չարձագանքեց, ինչը վկայում է, որ Յուրի Հակոբյանը հավասարակշռված և դաստիարակված անձնավորություն է:
Սակայն տուժողի իրավահաջորդն այլ կարծիք ուներ տեղի ունեցած վերաբերյալ. Ինեսսա Պետրոսյանը նշեց. «Ընդամենը մի կայծ է անհրաժեշտ, որպեսզի ամբողջ դահլիճը ոտքի կանգներ և բոլորին դարձներ նույնը Եղիշե Խաչատրյան, ինչին մենք այդ օրը ականատես եղանք»:
Տուժողի իրավահաջորդի ներկայացուցիչը նաև հավելեց, որ պետք է ամբաստանյալները հասկանային, թե ինչից կարող էր պոռթկում առաջանալ տիկին Մեյթիխանյանի մոտ:
Մինչ փաստաբանը կավարտեր իր խոսքը, դահլիճում ամբաստանյալների հարազատները աղմուկ բարձրացրեցին, հնչեցին նաև հայհոյանքներ, որից հետո դահլիճում գտնվող ամբաստանյալների հարազատները լքեցին դատական նիստերի դահլիճը:
Այսպիսով, դատարանը հեռացավ խորհրդակցական սենյակ՝ միջնորդությունը քննարկելու:
Նշենք նաև, որ դատարանի կողմից սահմանված ապացույցների հետազոտման հաջորդականության համաձայն՝ նախ կհարցաքննվեն տուժողներ Էմմա Աբրահամյանը, Սանասար Բադալյանը, տուժողի իրավահաջորդ Փառանձեմ Մեյթիխանյանը, վկաները, կհետազոտվեն գործի գրավոր և իրեղեն ապացույցները, իսկ վերջում կհարցաքննվեն ամբաստանյալները:
Ըստ մեղադրանքի՝ 2016թ. հունիսի 4-ին՝ ժամը 22:30-ի սահմաններում, ՀՀ արդարադատության նախարարության դատական ակտերի հարկադիր կատարումն ապահովող ծառայության Երևան քաղաքի Կենտրոն և Նորք-Մարաշ բաժնի հարկադիր կատարող Խաչիկ Կոսյանը, աներորդին՝ Արտաշես Չիչոյանը, ընկերները՝ Արարատ Նիկողոսյանը, Արթուր Զաքարյանը և Յուրի Հակոբյանը, Երևան քաղաքի Նուբարաշենի խճուղի 5/1 հասցեի մոտակայքում Եղիշե Խաչատրյանին կյանքից զրկելու միասնական դիտավորությամբ, խուլիգանական դրդումներով, գիտակցելով մեկը մյուսի գործողությունները և մեկը մյուսի գործողությունները լրացնելով, խմբով, ձեռքերով և ոտքերով անկանոն հարվածներ են հասցրել վերջինիս կենսական կարևոր նշանակություն ունեցող մարմնի տարբեր մասերի` գլխի, կրծքավանդակի ու որովայնի շրջաններում, պատճառել կյանքի հետ անհամատեղելի մարմնական վնասվածքներ և ապօրինաբար Եղիշե Խաչատրյանին դիտավորությամբ զրկել են կյանքից:
Բացի այդ, քննությամբ հիմնավորվել է, որ Արտաշես Չիչոյանը, Արարատ Նիկողոսյանը, Խաչիկ Կոսյանը, Յուրի Հակոբյանը, Արթուր Զաքարյանը և ինքնությունը դեռևս չպարզված անձը խախտելով հասարակական կարգը և իրենց գործողությունները զուգորդելով փողոցով երթևեկող վարորդների, ուղևորների և հավաքված բազմության նկատմամբ բացահայտ անհարգալից վերաբերմունքով, խմբով կատարել են խուլիգանություն:
Մասնավորապես, հիշյալ անձինք տևական ժամանակ հայհոյանքներ են հնչեցրել և ֆիզիկական բիրտ ուժի ցուցադրմամբ սպառնալիք ստեղծել ու տագնապ առաջացրել հավաքվածների շրջանում: Այդ ընթացքում անտեսելով Եղիշե Խաչատրյանի տարեց մոր՝ որդուն չհարվածելու վերաբերյալ աղերսանքը, հրել են նրան, գցել գետնին, ապա ոտքերով հարվածներ հասցրել որդուն փրկելու համար քաշքշուկի մեջ նետված 75-ամյա Էմմա Աբրահամյանին՝ վերջինիս առողջությանը պատճառելով միջին ծանրության վնաս:
Խաչիկ Կոսյանին, Արտաշես Չիչոյանւբ, Արարատ Նիկողոսյանին, Արթուր Զաքարյանին և Յուրի Հակոբյանին մեղադրանք է առաջադրվել ՀՀ քրեական օրենսգրքի 104–րդ հոդվածի 2-րդ մասի 7-րդ և 10-րդ կետերով և 258-րդ հոդվածի 3-րդ մասի 1-ին և 4-րդ կետերով:
Նրանց բոլորի նկատմամբ որպես խափանման միջոց է կիրառվել կալանավորումը:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/27/2024 08:19 «Դուշ» շոուից հետո 5 աշխատողից 4-ն ազատվել ․«Հրապարակ»
- 04/27/2024 08:15 Երբ ընդդիմությունը կանցնի համատեղ ու ռադիկալ պայքարի․«Հրապարակ»
- 04/27/2024 08:11 Կառավարության ստորաբաժանումը «հորդորում» է ՊԵԿ-ին ստուգում իրականացնելիս հաշվի առնել իր կարգավիճակը, այլ կերպ ասած՝ «տեղը բերել». «Ժողովուրդ»
- 04/27/2024 08:08 Դա կլիներ մեր վերջը․ Փաշինյանը՝ ադրբեջանցի«փախստականների» մասին․ «Հրապարակ»
- 04/27/2024 08:03 Տավուշի մարզպետը, հացի սեղանի շուրջ, փորձել լվանալ գյուղացիների գլուխները․«Հրապարակ»
- 04/27/2024 07:52 Արարատ Միրզոյանը նույնպես չի եկել ԱԺ՝ ՔՊ-ականների հետ հանդիպման. գործադիրի անդամները խուսափում են . «Ժողովուրդ»
- 04/27/2024 07:36 1080 ռեեստր՝ 3270 հայտարարատու անձանց պաշտոնների՝ 5009 փոփոխությունների վերաբերյալ․ հիմքում խնամի-ծանոթ-բարեկամ սկզբունքն է․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/28/2024 21:04 Ունենք երեք նոր քաղբանտարկյալներ Տավուշից. փաստաբան
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
Արխիվ
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 21:56 Կինը բողոքել է զուգընկերոջ՝ նախկին կնոջ հետ շփումից․ մասնագետի խորհուրդները
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
Հետաքրքիր է իմանալ
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել