Առաջադրված մեղադրանքում բացակայում են փաստական տվյալները

ԲՈԼՈՐ ՆՅՈՒԹԵՐԸ

Բոլորը

04/29/2024 10:23 Այս պահին լարված է Արմավիր-Գյումրի միջպետական ճանապարհին՝ ուղիղ 04/27/2024 14:55 Մի շարք պայմանագրային զինծառայողներ աշխատանքից ազատման դիմումներ են գրել․ աղբյուր. Yerevan.Today 04/28/2024 19:43 Արցախի հսկայական դրոշն է տարվել Հրապարակ՝ ի աջակցություն Տավուշի (տեսանյութ) 04/27/2024 19:23 Երեխան դրոշով պաշտպանվում է ոստիկանից 04/27/2024 22:17 4 զոհ և 9 տուժած․ վթարի հետևանքով զոհերի թիվն աճել է 04/27/2024 20:27 Պարզվում են Կիրանց բնակավայրի մոտ կանգնեցված «Մերսեդես» ավտոմեքենայի հետ կապված առերևույթ դանակի գործադրմամբ խուլիգանություն կատարելու դեպքի հանգամանքները 04/28/2024 21:45 Վաղը այս հասցեներում լույս չի լինի 04/28/2024 21:58 Ավտովթար Երևան-Սևան ավտոճանապարհին 04/27/2024 16:22 Կիրանցում քաղաքացիները ծակեցին բեռնատարի անվադողը․վարորդը հրաժարվում էր ցույց տալ՝ ինչ է տեղափոխում 04/28/2024 10:54 Մահացել է Պարույր Սևակի որդին` ոստիկանության գնդապետ Արմեն Ղազարյանը 04/28/2024 20:34 Արման Թաթոյանը ևս Կիրանցում է 04/28/2024 13:16 Մայիսի 1-ից ջերմաստիճանը կսկսի նվազել 7-9 աստիճանով. սպասվում է անձրև, ամպրոպ, քամու ուժգնացում 04/28/2024 18:07 Բագրատ սրբազանի հորդորին ականջալուր լինելով` նրա մկրտած և պսակած մի խումբ հայրենատերներ այցելել են Կիրանց (տեսանյութ) 04/28/2024 14:00 Բագրատ Սրբազանի հեղինակության շնորհիվ բերետավորները նահանջել են, բայց բիրտ ուժ կիրառելու մտավախությունը պահպանվում է 04/27/2024 18:25 Դիմակավորված անձինք Իջևանի ճանապարհին ուժով գետնին տապալեցին ու տարան տարածքում լուսաբանում իրականացնող լրատվամիջոցի օպերատորին 04/28/2024 17:11 Ոստիկանները բերման են ենթարկել կառավարության մոտ միայնակ Արցախի դրոշով ակցիա անող երիտասարդին (տեսանյութ) 04/27/2024 21:26 Երևանում Տավուշում տեղադրված սյուների մակետներ են տեղադրել, զգուշացնելով, որ այս ընթացքով միակողմանի զիջումները կհասնեն նաև Երևանին 04/27/2024 15:46 Արցախի և Արմավիրի թեմերի առաջնորդները՝ Կիրանցում 04/29/2024 11:00 Մայիսի 2-ից կտեսնենք գարնան վերադարձը. Սուրենյան 04/27/2024 16:51 Պատերազմ անցած տղերքը, ազատամարտիկները մեր կողքին են, ժամը եկել է, ոտքի կանգնե՛ք․ Բագրատ Սրբազան

Առաջադրված մեղադրանքում բացակայում են փաստական տվյալները 05/23/2015 13:07 | ՀՐԱՏԱՊ ԹԵՄԱ

Մեղադրող Ա.Սմբատյանը դիմել է ՀՀ վերաքննիչ քրեական դատարան՝ ընդդեմ ինքնիրավչության վերաբերյալ գործով առաջին ատյանի դատարանի կայացրած արդարացման դատավճռի:

Մեղադրողը միջնորդում է ամբողջությամբ բեկանել և փոփոխել Աջափնյակ և Դավթաշեն վարչական շրջանների ընդհանուր իրավասության դատարանի՝ 01.04.2015թ. դատավճիռը, որով Ալվարդ Մարդոյանը ՀՀ քրեական օրենսգրքի 322-րդ հոդվածի 1-ին մասով՝ ինքնիրավչություն, առաջադրված մեղադրանքում արդարացվել է` հանցակազմի բացակայության պատճառաբանությամբ:

Մեղադրողը պահանջում է Ա.Մարդոյանի նկատմամբ կայացնել մեղադրական դատավճիռ, նրան մեղավոր ճանաչել ՀՀ քրեական օրենսգրքի 322-րդ հոդվածի 1-ին մասով և նշանակել պատիժ՝ տուգանքի ձևով` 300.000 ՀՀ դրամ գումարի չափով: Բողոքն ընդունվել է Վերաքննիչ դատարանի վարույթ, նշանակվել դատական քննություն:

Ըստ Ալվարդ Մարդոյանին առաջադրված մեղադրանքի՝ 2014 թվականի ապրիլի 10-ին՝ ժամը 17.30-ի սահմաններում, օրենքով կամ այլ իրավական նորմատիվ ակտով սահմանված կարգի խախտմամբ իր ենթադրյալ իրավունքներն ինքնակամ իրականացնելով` Երևանի քաղաքապետարանի հաշվեկշռում գտնվող, Երևանի Սիսակյան փողոցի թիվ 22 շենքի թիվ 96 բնակարանի մուտքի դուռը վնասելու միջոցով մուտք է գործել նշված բնակարան և ապօրինի բնակվելու նպատակով այնտեղ տեղադրել է իր գույքը, որի հետևանքով պետությանը պատճառվել է խոշոր չափի վնաս:

Առաջին ատյանի դատարանն արձանագրել է, որ մեղադրանքը չի բխում իրավանորմերից, ինչպես նաև Վճռաբեկ դատարանի իրավական դիրքորոշումներից: Այն անորոշ է և անհստակ, չի բովանդակում հանցակազմի բոլոր պարտադիր հատկանիշները բնութագրող փաստական տվյալներ:

Մասնավորապես` Ա.Մարդոյանին առաջադրված մեղադրանքը չի բովանդակում որևէ փաստական տվյալ այն մասին, թե նա ո՞ր օրենքի կամ այլ նորմատիվ իրավական ակտի խախտմամբ է իրականացրել իր ինքնակամ գործողությունները, մուտք գործել Երևանի քաղաքապետարանի հաշվեկշռում գտնվող բնակարան և դա կատարելիս` իր ո՞ր ենթադրյալ իրավունքն է նա իրականացրել:

Առաջադրված մեղադրանքում չկա որևէ նշում նաև այն մասին, թե ամբաստանյալի գործողությունների հետևանքով պետությանն ի՞նչ բնույթի վնաս է պատճառվել՝ գույքային, թե՝ ոչ գույքային, նշված չէ նաև պատճառված վնասի չափը:

Բացի այդ, Ա.Մարդոյանին վերագրվող արարքում բացակայում է նաև որևէ փաստական տվյալ՝ վերջինիս ինքնիրավ գործողության և առաջացած խոշոր վնասի միջև առկա պատճառահետևանքային կապի վերաբերյալ:

Դատարանն արձանագրել է, որ Երևանը համայնք է` իրավաբանական անձի կարգավիճակով, ունի սեփականության իրավունք, գույքային այլ իրավունքներ, ինչպես նաև՝ առանձին բյուջե, և Երևանի Սիսակյան փողոցի թիվ 22 շենքի թիվ 96 բնակարանը Երևան համայնքի սեփականությունն է և պետական սեփականություն չի հանդիսանում:

Դատարանն արձանագրել է նաև, որ Ալվարդ Մարդոյանի կողմից, համայնքի և իրավաբանական անձի կարգավիճակ ունեցող Երևանի քաղաքապետարանի հաշվեկշռում գտնվող, Երևան համայնքի սեփականությունը հանդիսացող, Սիսակյան փողոցի թիվ 22 շենքի թիվ 96 բնակարանի մուտքի դուռը վնասելու միջոցով մուտք գործելու և նշված բնակարանում ապօրինի բնակվելու հետևանքով պետական շահերին խոշոր վնաս պատճառված լինելու մասին նախաքննության մարմնի դատողությունները հիմնազուրկ են:

Դատարանը փաստել է, որ ամբաստանյալ Ա.Մարդոյանին առաջադրված մեղադրանքի ձևակերպումը չի ներառում հանցակազմի բոլոր պարտադիր հատկանիշները բնութագրող փաստական տվյալներ, մասնավորապես, բացակայում են հանցակազմի չորս պարտադիր տարրերից երկուսը, այսինքն՝ Ա.Մարդոյանի արարքում բացակայում է հանցակազմը, որը վերջինիս նկատմամբ արդարացման դատավճիռ կայացնելու հիմք է:

Դատարանը գործով նախաքննության ընթացքում ի հայտ է բերել նաև խախտումներ: Ըստ այդմ, 2014թ. ապրիլի 10-ին զննության է ենթարկվել Երևանի Սիսակյան փողոցի թիվ 22 շենքի թիվ 96 բնակարանի մուտքի դուռը, սակայն այն փաթեթավորելու, կնիքելու, ինչպես նաև այլ մանրամասն գործողություններ կատարելու վերաբերյալ փաստական տվյալներ քրեական գործով ձեռք չեն բերվել, որոնցով հնարավոր կլիներ բացառել առարկան` վերոհիշյալ դուռը փոխելու, առանձնահատկությունները, հատկանիշները, պարունակող հետքերն էապես փոփոխելու հնարավորությունը:

Բացի այդ, վերոհիշյալ դուռը փորձաքննության է ներկայացվել այն զննության ենթարկելուց քսան օր անց` կրկին առանց փաթեթավորման և կնիքման, որպիսի հանգամանքը նույնպես կասկած է հարուցում այդ առարկան փոխելու, առանձնահատկությունները, հատկանիշները, պարունակող հետքերն էապես փոփոխելու հնարավորությունը գնահատելու համար:

Դատարանն այսպիսով ճանաչել և հռչակել էր ամբաստանյալ Ալվարդ Մարդոյանի անմեղությունը` Հայաստանի Հանրապետության քրեական օրենսգրքի 322-րդ հոդվածի 1-ին մասով նախատեսված հանցանքի կատարման մեջ, Ալվարդ Մարդոյանի նկատմամբ քրեական հետապնդումը դադարեցվել է և նա արդարացվել է` հանցակազմի բացակայության պատճառաբանությամբ: