ԲՈԼՈՐ ՆՅՈՒԹԵՐԸ
Վարդան Մինասյան. «Հայաստանի հավաքականն արդեն կայացել է» 10/21/2013 16:05 | Մարզական
Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը ՀՖՖ պաշտոնական կայքին տված հարցազրույցում հայտարարել է, որ իր գլխավորած թիմն արդեն կայացել է, տղաներն էլ գիտեն՝ միասնական և տրամադրված խաղալու դեպքում կարող են հաղթել ցանկացած մրցակցի:
-Ի՞նչը ստացվեց կամ հակառակը չստացվեց Իտալիայի հավաքականի հետ խաղում:
-Բոլորն էլ գիտեին, որ անցումային խաղերին մասնակցելու մեր հնարավորությունները չնչին էին՝ անգամ այս խաղում հաղթելու դեպքում: Սակայն, միևնույն է ձգտում էինք հաղթանակի: Ամենակարևորն այն էր, որ զերծ մնացինք վնասվածքներից, թեպետ Արազի պարագայում մտավախություն ունեի: Նախատեսել էինք արագ գոլ խփել և հենց սկզբից ճնշում գործադրել մրցակցի դիրքերին, ինչը ստացվեց: Չնայած չհաղթեցինք, բայց Իտալիայի կարգի թիմի հետ ոչ-ոքին էլ դրական արդյունք եմ համարում: Իսկ խաղի որակն ինձ լիովին բավարարեց:
-Եթե մրցակիցն ավելի մոտիվացված լիներ, ինչպե՞ս կընթանար խաղը:
-Չեմ կարող ասել, որովհետև ավելի շատ մտածում էինք մեր խաղի մասին: Այնպես էլ չէ, որ իտալացիները մոտիվացված չէին: Նրանք փորձարկում էին նոր ֆուտբոլիստներ, որոնց մոտիվացիան շատ բարձր էր:
-Շատերին հետաքրքում է, թե ինչու չէիք ուրախանում գոլերից հետո, և ի՞նչ ասացիք Ռոբերտ Արզումանյանին առաջին գոլից հետո:
-Նախ, ուրախանալու առիթ չկար, որովհետև ամբողջ խաղը դեռ առջևում էր: Իսկ Ռոբերտին, եթե հիշողությունս չի դավաճանում, ասացի, որ պետք է ավելի կոմպակտ գործել:
-Ինչո՞ւ փոխարինվեց Լևոն Հայրապետյանը:
-Նրա եզրով մեր դարպասին գրոհները շատացել էին, ուստի փորձեցինք թարմ խաղացող մտցնելով ուժեղացնել այն:
-Անդրադառնանք անցած ընտրափուլին: Որն է՞ր Հայաստանի հավաքականի անկայուն ելույթների հիմնական պատճառը:
-Դա շատ ծավալուն թեմա է, որին արդեն անդրադարձել եմ, բայց նորից կասեմ: Կայուն խաղալու համար պետք է ամենից առաջ կայուն կազմ ունենալ, իսկ մենք այս ընտրական փուլի միայն առաջին և վերջին խաղերի ժամանակ ենք հանդես եկել ուժեղագույն կազմով: Զգուշացումների և վնասվածքների պատճառով պարբերաբար առանցքային խաղացողներից զրկվելու պարագայում զրկված ենք կազմի ընտրության մեծ հնարավորությունից: Բացի այդ, այս ընտրափուլում մեր ֆուտբոլիստներից շատերը իրենց ակումբներում զրկված էին խաղային մշտական պրակտիկայից:
-Անկախ սուբիեկտիվ պատճառներից հավաքականը մոտ էր անցումային խաղերին մասնակցելու հնարավորությանը: Ի՞նչը չբավականացրեց:
-Երբեմն կարծիքներ եմ լսում և այնպիսի տպավորություն է ստեղծվում, կարծես, մեր հավաքականը խմբի ֆավորիտն էր ու պարտավոր էր անցումային տեղ գրավել: Սակայն, ուշադիր լինելու դեպքում կտեսնեք, որ այս խմբում Իտալիայից բացի, մյուս բոլոր թիմերը հավասարազոր էին, և գիտեինք, որ ծանր պայքար է ընթանալու: Դե, իսկ մալթացիները ակնհայտ հետնապահ էին: Եթե Հայաստանի հավաքականը Իտալիայի կամ Գերմանիայի պես ուժեղ թիմ լիներ, ապա խմբից մեր դուրս չգալը ձախողում կհամարվեր: Կարծում եմ, բացառությամբ Մալթայի հետ երևանյան հանդիպման, որը կատարյալ ձախողում էր, մեր թիմը բոլոր խաղերում ցուցադրել է արժանի խաղ: Նույնիսկ, երբ ավելի շատ մտածում էինք, թե ինչպես լրացնել բացակա ֆուտբոլիստների պակասը: Ընտրության շատ քիչ տարբերակներ ունեինք: Վերջին մի քանի խաղերում ընդհանրապես ստիպված էինք փոփոխություններ կատարել նույնիսկ առաջին խաղակեսում: Բայց եղան նաև դրական պահեր. Մեր ընտրանին զգալիորեն բարելավեց վարկանիշը՝ բարձրանալով ՖԻՖԱ-ի դասակարգման սանդղակի 38-րդ հորիզոնական: Դա աննախադեպ ցուցանիշ է: Մեր ֆուտբոլիստների նկատմամբ հետաքրքրությունը աճել է: Արդեն բոլորը հաշվի են նստում Հայաստանի ազգային հավաքականի հետ:
-Հասկանալի է, որ ընտրական փուլում ամենավատը Մալթայի հավաքականի հետ հանդիպումն էր, իսկ զուտ մասնագիտական տեսանկյունից որն ե՞ք համարում ամենալավ խաղը:
-Կան մի քանի խաղեր, բայց երևի կառանձնացնեի դանիացիների հետ հանդիպումը, քանզի մալթացիներից կրած պարտությունից հետո այդպես խաղալը շատ մեծ արժեք ուներ: Եվ, ընդհանրապես, Մալթայի հետ խաղից հետո մենք երեք հաղթանակ ենք տարել, խաղացել ոչ-ոքի և կրել ընդամենը մեկ պարտություն: Դա վկայում է, որ մեր թիմը կամքի մեծ ուժ ունի:
-Չեխիայի և Բուլղարիայի նկատմամբ տարած հաղթանակները վկայո՞ւմ են նաև հաղթողի հոգեբանություն ձեռք բերելու մասին:
-Այո, մեր թիմն ունի հաղթողի հոգեբանություն, գրեթե կայացել է, ունի իր ձեռագիրը, խաղային սկզբունքները, միասնական է: Հավաքականի խնդիրներից մեկը պահեստայինների կարճ նստարանն է, որից էլ բխում է անկայունությունը: Բացի այդ, ֆուտբոլիստները իրենց ակումբներում պետք է մշտապես խաղային պրակտիկա ունենան: Նույն Մարկոսի օրինակը ցույց է տալիս, որ ինչքան էլ ֆուտբոլիստը բարձրակարգ լինի, չի կարող առավելագույն օգուտ բերել թիմին, եթե զրկված է խաղային պրակտիկայից:
-Ընտրական փուլի կեսից Վարազդատ Հարոյանը և Կամո Հովհաննիսյանը սկսեցին հայտնվել հիմնական կազմում: Դա հարկադրվա՞ծ թե՞ մտածված քայլ էր:
- Վարազդատ Հարոյանի պարագայում մտածված էր, թեպետ ռիսկի գործոն էր պարունակում: Գիտեի, որ նա մեծ ներուժ ունի և կարող է լավ ֆուտբոլ խաղալ, բայց չէինք ուզում նրան միանգամից ընդգրկել հիմնական կազմում, որովհետև մտավախություն կար, որ կարող է հոգեբանորեն պատրաստ չլինել: Բացի դրանից, նա շատ տաքարյուն է, որը երբեմն խանգարում է: Հարոյանը դեռ շատ երիտասարդ է, բայց բոլոր խաղերում, նույնիսկ Դանիայի հետ խաղում, երբ հեռացվեց խաղադաշտից, նա լավագույններից մեկն էր: Ինչ վերաբերում է Կամո Հովհաննիսյանին՝ իմ կարծիքով, նա իր որակներով ավելի շատ կիսապաշտպան է, ուղղակի այս պահին նրանից ավելի լավ ոչ ոք չէր կատարի աջ պաշտպանի պարտականությունները: Ես կարևորում եմ, որ նշված երկու խաղացողներն այս ընտրական փուլում հաստատվեցին հիմնական կազմում, քանի որ հավաքականին մշտապես թարմություն է պետք:
-Ինչու է՞ մեր հավաքականը անընդհատ խնդիրներ ունենում մրցակիցների եզրային գրոհների ժամանակ:
- Ընդհանրապես, պաշտպանվելիս բոլոր թիմերը ավելի շատ հագեցնում են դաշտի կենտրոնը, փորձում են կոմպակտություն ստեղծել: Ուղղակի եզրային փոխանցումների ժամանակ պետք է արագ վերադասավորվել, բացի այդ պաշտպաններին պետք է օգնեն նաև եզրային կիսապաշտպանները:
- Այդ դեպքում Ձեր պատասխանից բխող ևս մեկ հարց: Գո՞հ եք աշխատանքի այն ծավալից, որ կատարում են Գևորգ Ղազարյանը և Արազ Օզբիլիսը պաշտպաններին օգնելիս:
-Գևորգը միշտ լավ է կատարել այդ ֆունկցիաները, նա ունիվերսալ ֆուտբոլիստ է: Իսկ հիմա նաև ավելի մեծ փորձ է կուտակել, որովհետև իր թիմի կազմում բազմաթիվ միջազգային խաղերի է մասնակցել: Արազի մոտ նույնպես կա մեծ փոփոխություն: Սկզբում նրա համար շատ դժվար էր, քանի որ միշտ խաղացել էր 4-3-3 սխեմայով, բայց, ի պատիվ իրեն, հիմա կարողանում է նաև հաջողությամբ պաշտպանվել:
-Նախորդ ընտրական փուլում մեր հավաքականը հիմնականում խաղում էր տակտիկական նույն սխեմայով, այս անգամ փորձվեցին բազմաթիվ տարբերակներ: Այդուհանդերձ, ո՞րն է ամենաօպտիմալ տարբերակը:
-Դա կախված է շատ հանգամանքներից, մրցակցից: Օրինակ, Բուլղարիայի դեմ խաղում նախապես որոշել էի, որ Արազը պետք է լինի կենտրոնում, և մենք խաղացինք 4-1-4-1 սխեմայով: Այս ընտրական փուլի մյուս խաղերում մանևրելու շատ քիչ հնարավորություն եմ ունեցել: Իսկ ընդհանրապես, խաղում ենք 4-2-3-1 տակտիկական սխեմայով, որովհետև այն համարվում է ամենաճկունը եւ ամենահավասարակշռվածը: Եթե մշտապես մանևրելու հնարավորություն ունենանք, ապա սխեման կընտրենք՝ մեր և մրցակցի ուժեղ ու թույլ կողմերը հաշվի առնելով: Բացի այդ, մնում եմ այն կարշիքին, որ կարևորը ֆուտբոլիստներն են, այլ ոչ թե խաղային սխեմաները: Ամեն ինչ կախված է նրանից, թե այս կամ այն սխեմայի մեջ տվյալ խաղացողը ինչ ֆունկցիաներ պետք է կատարի:
-Արտագնա խաղերում գրանցած ավելի լավ արդյունքը պայմանավորված է այն հանգամանքով, որ մեր թիմը ավելի հաջող է՞ տիրապետում հակագրոհներին, թե կա՞ն այլ պատճառներ:
-Հիմնական պատճառը դա էր: Արտագնա խաղերում մրցակիցը ավելի շատ տարածություններ էր տալիս հակագրոհելու համար, իսկ դա մեր ամենաուժեղ կողմն է: Կա ևս մեկ հանգամանք, որը կարող է տարօրինակ թվալ, բայց արտագնա խաղերում մեր վրա ճնշումն ավելի քիչ է, քան տանը: Մեր երկրպագուները բացի հաղթանակից ուրիշ արդյունք չեն ակնկալում: Դա, իհարկե, լավ է, բայց երբեմն մեծ պատասխանատվությունը խանգարում է ֆուտբոլիստներին դրսևորելու իրենց ողջ կարողությունը:
-Այս փուլում մեր հավաքականը բազմաթիվ գեղեցիկ գոլեր խփեց: Ո՞րը կառանձնացնեիք:
-Դժվար հարց է, նույն Կառլեն Մկրտչյանի գոլը, կամ Յուրա Մովսիսյանինը, որը ծնվեց Հենրիկ Մխիթարյանի փայլուն փոխանցումից, Արազի գոլը տուգանայինից: Եթե խոսենք ամենակարևորի մասին, հավանաբար դա Յուրա Մովսիսյանի գոլն էր Դանիայի հետ խաղի առաջին րոպեին, որովհետև հոգեբանական ծանր իրավիճակում այն մեզ վստահություն հաղորդեց:
-Համարո՞ւմ եք, որ մեր հավաքականը հասունացել է, ի զորու է պայքարել Եվրո-2016-ի եզրափակիչ փուլի ուղեգրի համար:
-Դրականն այն է, որ եզրափակիչ փուլի մասնակից թիմերի քանակն ավելացել է, և մեր կարգի հավաքականների շանսերը՝ նույնպես: Բայց, նախևառաջ, պետք է սպասել վիճակահանությանը: Մնացածը կախված է տարբեր հանգամանքներից: Բայց մի բան հաստատ է` այս հավաքականն արդեն հասունացել է, անցած ցիկլից հետո գրեթե կայացել է, գիտի իր ուժեղ և թույլ կողմերը, գիտի, որ միասնական և բարձր մոտիվացիայով խաղալու դեպքում կարող է հաղթել ցանկացած մրցակցի:
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 04/26/2024 08:28 Հենրիխ Մխիթարյանին շնորհավորեցին բոլորը` բացի ՀՖՖ-ից․ «Ժողովուրդ»
- 04/26/2024 08:23 Գյուղից հետևում են դիրքերի քանդմանը․ «Հրապարակ»
- 04/26/2024 08:20 Համատեղ պայքարի պլան դեռ չկա․ «Հրապարակ»
- 04/26/2024 08:18 ԿԳՄՍՆ-ում փոփոխություններ են նախապատրաստվում ․ լուծարվելու է Սփյուռքի բաժինը․«Հրապարակ»
- 04/26/2024 08:13 Իշխանական թիմում էլ են սարսափում ադրբեջանցի «փախստականների» վերադարձի հեռանկարից․ Հրապարակ»
- 04/26/2024 07:53 Աննա Հակոբյանը քաղաքական նպատակով էր Գյումրիում. աճել է իշխանության հանդեպ անվստահությունը, թեմի առաջնորդը «վտանգ» է համարվում․ «Ժողովուրդ»
- 04/26/2024 07:40 Սասուն Խաչատրյանին չեն նեղացնի. ՔՊ-ն հանդիպելու է ՍԴ-ի իր «սրտի» թեկնածուի հետ․ «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
- 03/09/2024 11:02 ԱՄՆ հետ ունենք ռազմավարական երկխոսություն, որի շրջանակներում ուսումնասիրում ենք նոր ուղղություններ. Միրզոյան
- 03/04/2024 15:56 Ալիևը և իր վարչակազմը ընդմիշտ կմնան վախի մեջ, հայ զինվորականը չի համակերպվելու ունեցած կորուստների հետ․ Դավիթ Տոնոյան
Մեկնաբանություն
- 04/20/2024 20:35 Մի տարբերություն էլ կա Հայաստանի ու Վրաստանի միջև՝ Վրաստանում ինքնիշխանությունն աճուրդի հանած Սահակաշվիլին բանտում է, Փաշինյանը՝ դեռ ոչ. Թևանյան
- 04/20/2024 18:25 Ե՞րբ է Ադրբեջանը նախատեսում տիրանալ Տավուշի տարածքներին, և ի՞նչ պետք է իմանանք մենք՝ կանխելու համար. Հոխիկյան
- 04/20/2024 16:43 Տիգրան Համասյանին և համերգին կազմակերպիչներին առաջարկում եմ դադարեցնել համերգը. Իշխանյան
- 04/20/2024 14:40 Մինչև Միջանցք տալն անվանափոխվելու են Երևանի թաղամասերի անունները. Դանիելյան
Արխիվ
Արտակարգ պատահարներ
- 04/26/2024 10:53 2 ռուս կանայք հաղորդում են տվել ոստիկանություն, որ «Հաղթանակ» զբոսայգու տնօրենը հարվածել է իրենց, թքել իրենցից մեկի դեմքին. shamshyan.com
- 04/26/2024 10:33 Ավստրալիայի Լիբերալ կուսակցությունը երկրի ընդդիմության առաջնորդին կոչ է արել ճանաչել Հայոց ցեղասպանությունը
- 04/26/2024 10:23 Հրդեհ Գառնի գյուղում
- 04/25/2024 22:46 Թումանյան փողոցում գտնվող ռեստորաններից մեկի ծխատարում հրդեհ է բռնկվել
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Անցուդարձ
- 04/26/2024 00:08 Ուսուցչուհին դասարանում սեռական հարաբերություն է ունեցել 14-ամյա պատանու հետ
- 04/23/2024 22:11 Ամուսիները փորձել են մի կնոջ դավանափոխ անել դեպի իսլամ՝ ինտիմ լուսանկարների միջոցով
- 04/23/2024 00:43 Նորածին դստերը անտառում թողած կնոջը դատապարտել են 40 տարի անց
- 04/21/2024 22:49 Կինը հոր օգնությամբ վրեժ է լուծել դավաճան զուգընկերոջից
Հետաքրքիր է իմանալ
- 04/16/2024 18:04 Տիեզերական աղբն ընկել է Երկրի վրա ու ծակել տան տանիքը
- 04/15/2024 18:24 Հայտնաբերվել են մոլորակի ամենաառաջին մարդկանց մնացորդները, որոնք 1,86 միլիոն տարվա վաղեմություն ունեն
- 04/04/2024 19:00 Ծերացման դեմ պայքարում հետազոտողները նոր բացահայտում են արել
- 04/03/2024 16:05 Կինը երկվորյակներ է լույս աշխարհ բերել 22 օրվա տարբերությամբ