Փաստ ինֆո

Երկար քննարկումներ է եղել` մտահոգություններո լեցուն: Իրական կատարյալ կլիներ, եթե ես չլինեի այդ հանգամանքում, անկեղծորեն ընդունում եմ, բայց իրավիճակի պարտադրանքը, ժողովրդի, քաղաքական դաշտի, մնացած խմբերի համախոհությունն է բերել այս հանգամանքին:Ինձ համար անպատկերացնելի է, բայց սա պայքար է և ինձ համար կարևորը արդյունքի հասնելն արձանագրելն է, որը պետք է տեղի ունենա օրենքի տառին և ոգուն համապատասխան, իրավական ճանապարհով և ոչ մի այլ կերպով: Կարևորը, որ այս շարժումը կարողանա և հասնի նախանշած արդյունքին և կհասնի: Այս մասին լրագրողների հետ զրույցում ասաց Բագրատ Սրբազանը` անդրադառնալով հարցին, թե ինչպես արձագանքեց Վեհափառը` իր` վարչապետի թեկնածու լինելու հանգամանքին:

Սրբազանը հայտնեց, որ իր հոգևոր ծառայությունը սառեցվել է` ժամանակավորապես, հետո կրկին կվերադառնա հոգևոր ծառայության: Հարցին` ինչպես է վերաբերում Սրբազան վարչապետ վանկարկումներին, Բագրատ Սրբազանն ասաց` ծանր պատասխանատվություն է դա, երբ լսում է, երբ գալիս է իր ականջների թաղանթներին է դիպչում և հասնում է իր մտքին, հասկանում է, թե դա ինչ է նշանակում:

«Դա բացարձակ ոչ շնորհավորելու, ոչ ուրախանալու բան է, սարսափելի բան է դա»,- ասաց Բագրատ Սրբազնաը:
Հարցին` պատրաստ է արդյոք պատասխանատվությունը ստանձնել, Բագրատ Սրբազանը պատասխանեց. «Ես պատրաստ եմ ամեն ինչի: Եթե Աստված բերել, հասցրել է այստեղ, ինքն էլ կտնօրինի ինչպես լինի, բայց եթե հասցրել է այստեղ բարի նպատակով, ուրեմն` կլինի ժողովրդի ու պետության շահը, եթե հասցրել է այստեղ` զուտ օրինակ ցույց տալու, որ այսպիսին պետք չի լինել, դարձյալ կլինի այս ժողովրդի ու պետության շահը»:

Աղբյուր` Փաստինֆո