Փաստ ինֆո

Խնդրում եմ կողմնորոշվեք՝ ես որտեղի՞ գործակալ եմ, ասե՛ք, կարող է մեզ համար էլ մի նորություն լինի։ Այսօր հայտարարել է քաղաքագետ Սուրեն Պետրոսյանը՝ արձագանքելով իր՝ այլ երկրներին գործակալ լինելու մասին շրջանառության մեջ դրվող լուրերին։

Ըստ նրա՝ իրեն նախ մեղադրել են արևմտյան գործակալ լինելու մեջ, հետո՝ ռուսական գործակալ։

«Իմ խնդրանքն է՝ կողմնորոշվե՛ք, ես որտե՞ղի գործակալ եմ, ասե՛ք, կարող է մեզ համար էլ մի նորություն լինի»,- հեգնել է Սուրեն Պետրոսյանը՝ ավելացնելով, որ ամենամեծ զավեշտն այն է, որ այն մարդկանց, որոնք ասում են միակողմանի հանձնում չպետք է լինի, չպետք է ապրենք նվաստացած, ստորացած, խոսում են իրական ինքնիշխանության, տարածքային ամբողջականության, արժեքների, ինքնության մասին համարվում են ռուսի գործակալ և հակառակը նրանց, ովքեր ասում են, որ գերխնդիրը ստամոքսն է, պետք է ամեն ինչ հանձնենք, ամեն ինչից հրաժարվենք, մեր ստորաքարշ կյանքը շարունակենք, համարում են իրական ինքնիշխաններ։

«Ես այստեղ տրամաբանությունը չեմ հասկանում։ Կա մի պարզ ճշմարտություն՝ միտքը չունի գաղտնիք, որ վարքը երևան չբերի։ Միևնույն է, 10 օր խաբեցիր, 11-րդ օրը չես կարողանալու , ստի ճամապարհը 40 օր է , 41-րդ օրը չես կարողանալու»,- ասաց քաղաքագետը։

Աղբյուր` Փաստինֆո