Փաստ ինֆո

Այսօր շատ բուռն հանդիպումներ են եղել։ Առավոտյան մեր քաղաքական դաշտի բոլոր կուսակցություններն են ներկա եղել, ովքեր էլ, որ ներկա չեն եղել, իրենց հետ նախապես հանդիպել ենք, ապա հանդիպել ենք արվեստի, մշակույթի գործիչների հետ։ Մոտ 300 հոգի էին, երրորդ հանդիպումը մեր նախկին զինվորականների հետ էր Այս մասին այսօր Սուրբ Աննա եկեղեցու բակում ամփոփելով օրն՝ ասաց Բագրատ սրբազանը։

«Պահեստազորի սպաների հետ, ավելի փակ հանդիպում էր, լրատվություն չկար։ Մեր պահեստազորի սպաներն էին, գեներալներն էին, ճանապարհ անցած մարդիկ, ովքեր, դժբախտաբար, այս ավերիչ պատերազմից հետո և՛ հոգեբանական, և՛ այլ կերպով ծանր վիճակում են գտնվում», -ասաց սրբազանը;
Նա ընդգծեց, որ թե մշակութային, թե հատկապես ռազմական գործիչներին խնդրել ենք հայեցակարգ կազմել, թե ինչպես են տեսնում այս ոլորտների զարգացումներն առաջիկայում։

«Այն օրակարգը, որ մենք առաջարկել ենք, և այն գործողությունները, որ կատարում ենք շատ, չափազանց կարևոր և անհրաժեշտ է և իր ընթացքով և գաղափարով։ Վերստին պիտի կրկնեմ, գուցե ոմանց համար անհասկանալի լինի, ոմանց համար անընդունելի լինի , ոմանց համար անպատկերացնելի լինի, բայց այս ճանապարհը անբեկանելի ճանապարհ է, ես դա այսօրվա հանդիպումներից եմ ասում։ Ես համոզված եմ, որ խաբված ենք չենք։

Մեր նպատան է, որ ամեն մարդ այդ գործընթացի կրողը դառնա իր բաժին պատասխանատվությունը ստանձնի; Այդ հաշտության օրակարգը, որի մասին ասում ենք՝ նաև ինքը լինի գործադրող։ Կարողանա գործադրել իր վարքագծով։

Դա երբեք չի ենթադրում արդարադատության և արդարության բացասում և բացառում, այլ ենթադրում է հենց այդ ճանապարհով հաշտության խորացում, հանրային լայն շերտերի մեջ փոխըմբռնման, հարգանքի ամբողջական արտահայտություն»։

Աղբյուր` Փաստինֆո