Փաստ ինֆո

Երկարատև սթրեսներն ազդում են ամբողջ օրգանիզմի վրա՝ բերելով օրգանիզմում մի շարք ֆունկցիաների խանգարման՝ մինչև իմունիտետի ընկճման և այդ ֆոնին օրգանիզմում առկա բոլոր խնդիրները գլուխ են բարձրացնում, այդ թվում և կրծքագեղձի քաղցկեղը: «Փաստինֆո»-ի եթերում ասել է բժիշկ-ուռուցքաբան Լուսինե Ջիլավյանը:

Խոսելով ռիսկի գործոններից՝ բժիշկն առանձնացրեց հորմոնալ դեղամիջոցների ընդունումը: Նրա խոսքով՝ վերջիններս բերում են հորմոնալ դիսբալանսի և կարող են առաջացնել կրծքագեղձի քաղցկեղ: Կրծքագեղը հորմոնալ կախյալ օրգան է և նրա վրա ազդում են հորմոնները: «Առհասարակ քաղցկեղի առաջացման մեջ կան շատ ռիսկի գործոններ, որոնցից են օրինակ ոչ առողջ կենսակերպը, վնասակար սովորությունները»,- ավելացրեց ուռուցքաբանության ազգային կենտրոնի Կանանց առողջության կլինիկայի բժիշկ-ուռուցքաբան Լուսինե Ջիլավյանը:

Կրծքագեղձի քաղցկեղ հանդիպում է ոչ միայն կանաց, այլև տղամարդկանց մոտ և հիմնականում դրսևորվում է կրծքագեղձի շուրջ գոյացության առկայության տեսքով:

Քաղցկեղ ախտորոշումը լսելիս արդեն մարդու մոտ վախեր են առաջ գալիս, որոնք շատ բազմազան են՝ սկսած մահվան վախից, որովհետև քաղցկեղը ասոցացվում է մահվան հետ: Սակայն բժիշկը ավելացնում է, որ անհրաժեշտ է տարին մեկ անգամ անցնել հետազոտություն, քանի որ կարող է կնոջ կրծքագեղձում լինել նորագոյացություն կամ որևէ օջախ, որը նախաքաղցկեղային է, և կինը դրա մասին չիմանա, գանգատ չունենա: Որքան վաղ հայտնաբերվի, այնքան ավելի արագ կլինի փոփոխությունը: Այնքան ավելի քիչ տրավմատիկ կլինի հիվանդի համար:

«Շատ հաճախ մարդիկ հրաժարվում են նաև դողորայքային բուժումից, քիմիոթերապիայի ընթացքում առաջացած կողմանկի ազդեցությունից մեկը մազաթափությունն է, բայց պետք է նշեմ, որ մեր կլինիկան ունի հատուկ գլխարկներ, որ կատարում են գլխամաշկը սառեցնում են, և ունենում ենք մինիմալ մազաթափություն: Վիրահատական միջամտությունները բավական զարգացած են, և, կարող ենք ասել, համապատասխան են միջազգային ստանդարտներին: Մենք փորձում ենք հնարավորինս պահպանել կրծքագեղձը, բայց սա հնարավոր է այն դեպքերում, երբ ունենք հիվանդության վաղ փուլ, երբ նոր է հայտնաբերվել»,-մանրամասնում է բժիշկը:
Ասել լուրը հիվանդին թե ոչ, այս հարցում Լուսինե Ջիլավյանը միանշանակ կողմ է, որ հիվանդն իմանա ախտորոշման մասին, քանի որ դա օգնում է բուժման ընթացքին:

«Նախկինում ոչ մի այցելու չգիտեր իր ախտորոշման մասին, բայց դա չակերտավոր չգիտեր, քանի որ հիվանդը ինչ-որ չափով գրագետ է, բուժման ընթացքում հասկանում է՝ ինչի հետ գործ ունի: Այլ բան է, որ ինքն իրեն չի խոստովանում հիվանդության գոյության մասին, բայց որպես կանոն գիտի: Երբ այցելուին տեղեկացնում ենք ախտորոշման մասին բժշկին աշխատելը ավելի հեշտ է, և հիվանդն էլ ընկալում է, հարմարվում հիվանդության հետ և սկսում է պայքարի ճանապարհը»,-նշում է բժիշկ-ուռուցքաբան:

Քաղցկեղի բուժումից հետո լիարժեք կյանք ունենալու հնարավության, քաղցկեղի կրկնվելու հավանականության և այլ մանրամասների մասին կարող եք դիտել «Ներաշխարհ» հաղորդաշարի այս թողարկմանը:

Աղբյուր` Փաստինֆո