Փաստ ինֆո

Ոսկեպարում Նիկոլ Փաշինյանի հետ հանդիպմանը՝ ոսկեպարցիներից մեկն անդրադարձել է Տավուշի գյուղերը հանձնելու դեպքում կառավարության տրվելիք փոխհատուցումներին։ «Էն վերի գյուղում 1988- թ-ին, որ արդեն Սումգայիթը սկսվեց, եկանք, հիմա դատարկ են, ամեն տուն մեբելով, խալադեյնիկով, ամեն ինչով ապահովել ենք, եթե հիմա մեկն էլ ես, ինչ երաշխիք ունենք, որ կառավարության 16 մլն ստանում ենք, տունը սարքում՝ բայց հետո էլի մեր մնալն էստեղ հարցական է»։

Փաշինյանն ասաց, որ այդ տարածքում բնակվելու համար հերոսություն է պետք, պետք է առանձնահատուկ հայրենասիրություն, իսկ այս փոփոխությունը նրա համար է, որ մարդիկ հանդարտվեն ու զբաղվեն իրենց բարեկեցությամբ, իրենց ընտանիքով, հող ու ջրով։

«Եթե մենք տեսնենք, որ չենք կարողանում լուծումներ գտնել լիարժեք կենսագործունեության համար՝ ես կգամ, ձեզ կասեք, ժողովուրդ ջան, դուք ճիշտ ենք։ Մենք բուքսավատ արինք, հարցերը չկարեցանք լուծենք»,- ասել է Փաշինյանը՝ ավելացնելով. «Նկատի ունեմ, թողեք՝ մենք էդ ճանապարհով գնանք, մենք ձեր թշնամին չենք, մենք դավաճան չենք, մենք հող ծախող չենք։ Թողեք՝ մենք այդ ճանապարհով գնանք՝ էլի հետ գանք, ասենք՝ էս հարցին, էս պատասխանն ենք գտել, ավել չենք կարող գտնել, երկրորդին, երրորդին էլ, չորրորդին էլ, մենք լավ չէինք պատկերացնում, ձեր պատկերացրածը ճիշտ էր, էս է վիճակը։ Բայց հիմա եկեք մենք՝ մեր իմացած ճանապարհով գնանք»։

Նկատենք, որ Նիկոլ Փաշինյանը համաձայնել է Տավուշի մարզից սկսել, այսպես կոչված, սահմանագծումը ու Ադրբեջանին հանձնել նրա պահանջած 4 գյուղերը՝ առանց համաձայնեցված քարտեզի։ Ավելին, Ադրբեջանը կշարունակի օկուպացրած պահել Գեղարքունիքի, Սյունիքի Վայոց Ձորի տարածքները։

Աղբյուր` Փաստինֆո