Փաստ ինֆո

«Քաղաքացիական պայանագիր» խմբակցության անդամների հետ ոչ մի առնչություն չկա, իրենց տեսել եմ միայն դահլիճում, երբ մասնակցում եմ նիստերին։ Այս մասին ԱԺ-ում լրագրողների հետ զրույցում ասաց «Հայաստան» խմբակցության պատգամավոր Լևոն Քոչարյանն՝ անդրադառնալով հարցին, թե ինչ հարաբերություններ կան ՔՊ-ականների հետ։

Նշենք, որ Լեւոն Քոչարյանի կողմից պատգամավորական մանդատը վերցնելու մասին հայտնի դառնալուց հետո տեղեկություններ շրջանառվեցին, թե քպական պատգամավորները որոշակի քայլեր են անելու նրա դեմ։
«եթե որևէ բան լիներ՝ կարծում եմ կիմանայիք»,- այսօր ասել է Լեւոն Քոչարյանը։

Հարցին, թե իր համար պարզ է, թե ինչ օրակարգով է ընհդդիմությունը վերադարձել խորհրդարան՝ Քոչարյանն ասաց, որ այս պահին խնդիրը կառավարության, իշխանությանն սխսլները վեր հանելն է, որովհետև հասարակության մեծ մասը պրոցեսներից լավ տեղյալ չի և լավ չի պատկերացնում խնդիրները։ «Ընդդիմության խնդիրն է ցույց տալ իշխանության սխալները։ Եթե ասեմ, որ բավարարված եմ այն ամենով, ինչն ընդդիմությունն անում է, իհարկե, անկեղծ չեմ լինի, բայց դա չի նշանակում, որ պետք չի փորձել, սեփական սխալները նաև ընդունելով՝ ավելի ճիշտ առաջ շարժվել»։

Դիտարկմանը, թե Ալեն Սիմոնյանն ասում է, որ հասարակության մի ստվար զանգված իրենց քվե է տվել միայն այն բանի համար, որ նախկինները իշխանության չգան՝ Քոչարյանն ասաց, որ դա դատողություն է, որը ոչ հերքելու, ոչ հաստատելու մեխանիզմ չկա։

«Իրենք ի՞նչ են ուզում ասել, որ ժողովուրդը իրենց չի քվե տվել, այլ քվեարկել է ընդդիմության դե՞մ։ Ես էլ եմ խոսում նախկին սխալների մասին, ու չեմ ուզում նախկինում եղածի համար փաստաբանություն անել, բայց մի բան ակնհայտ է ու փաստ, որ տարիներ շարունակ ստեր են ներարկել մարդկանց ամենաստոր ձևերով՝ Մեղրիից սկսած։ Այսինքն, եթե մարդն այդ ամենը լսել է ու ընդունել որպես փաստ, ապա, այո, այդ ամենը շատ խորն է ու համաձայն եմ, որ կարող է այնպես է, ինչպես Սիմոնյանն է ասում, բայց ամեն դեպքում՝ վերջին տարիները փաստեցին, որ մեր մասին հետևողականորեն ձևավորված կարծրատիպերը սխալ են»։

Աղբյուր` Փաստինֆո