Փաստ ինֆո

Սերգեյ Շոյգուի տեղափոխությունը ՌԴ Անվտանգության խորհրդի պաշտոնին համարում եմ նրա ազդեցության թուլացում։ «Փաստինֆո»-ի հետ զրույցում նման կարծիք է հայտնել քաղաքագետ Սուրենյանցը։

Ինչպես արդեն հայտնել ենք՝ ՌԴ նախագահ Վլադիմիր Պուտինը վերընտրվելուց հետո պաշտպանության նախարարի պաշտոնում այլ թեկնածու է առաջադրել, իսկ արդեն նախկին նախարար Սերգեյ Շոյգուին նշանակել ՌԴ անվտանգության խորհրդի քարտուղար։

Սուրենյանցն արձանագրեց, որ Շոյգուն այն անձն է, ում հետ Վլադիմիր Պուտինը սիրով ժամանակ է անցկացնում Տայգայի անտառներում, շատ մտերմիկ միջավայրում։

«Ուզում եմ ասել, որ Շոյգուն ՌԴ նախագահի վստահությունը վայելող մարդ է, բայց միաժամանակ պետք է նշենք, որ ռուսական իշխանության հիերարխիայում պաշտպանության նախարարարը շատ առանցքային պաշտոն է համարվում», *նշեց քաղաքագետը։

Ընդհանուր առմամբ՝ Պուտինի կադրային նշանակումները Սուրենյանցը գնահատեց որպես պետական համակարգի վերաֆորմատավորու։ «Անշուշտ մինչև վերջ մենք չենք կարող հասկանալ, թե որոնք են ՌԴ նախագահի մոտիվները, որովհետև բավարար տեղեկատվություն չունենք, բայց փոխատեղումը, իմ կարծիքով, բնական է։ Շոյգուի պաշտոնանկության կամ տեղափոխության մասին ավելի վաղ էր խոսվում»,- նշել է Սուրենյանցը։

ՌԴ պաշտպանության նոր նախարար նշանակվել է քաղաքացիական անձ, մասնագիտությամբ տնտեսագետ Անդրեյ Բելոուսովը։ Այս նշանակումը եւս քաղաքագետը տրամաբանված է համարում՝ հաշվի առնելով, որ տնտեսական բաղադրիչը կամ բանակի մոդերնիզացիան հիմա շատ կարևոր նշանակություն ունի Ռուսաստանի համար։

«Փորձելու են ներդաշնակեցնել տնտեսության զարգացումը՝ այն հարմարեցնելով ռազմական կարիքներին»,- նշել է քաղաքագետը՝ միաժամանակ նկատելով, որ նախարար է նշանակվել մի մարդ, որը կարող է տոտալ վերահսկողություն սահմանել հատկացվող ահռելի ֆինանսական միջոցների նկատմամբ։

«Սա պատերազմի ընթացքի հետ կապ չի կարող ունենալ, պատերազմի վրա ազդել չի կարող, որովհետև ՌԴ բանակի կառուցվածքն այնպիսին է, որ զինված ուժերի գլխավոր շտաբի վրա է պատասխանատվությունը։Բանակի և տնտեսական ենթակառուցվածքների միջև ավելի ներդաշնակ կապ ապահովելու նպատակով է նշանակվել Ալեքսեյ Բելոուսովը։ Նա պրոֆեսիոնալ տնտեսագետ է , նա կարող է բանակի և տնտեսական ենթակառուցվածքների միջև արդյունավետ փոխգործակցություն ապահովել»,- կարծում է Սուրենյանցը՝ ավելացնելով, որ Շոյգուն անվտանգության խորհրդի քարտուղար է, Պուտինի թիմից ոչ մի տեղ չի գնացել։

Աղբյուր` Փաստինֆո