ԲՈԼՈՐ ՆՅՈՒԹԵՐԸ
Երբ մեքենայի դռները բացվեցին, տղաների մարմինները դարսված էին՝ ինչպես ալյուրի պարկերը կդարսեին․․․ Կյանքումս չեմ մոռանա էդ տեսարանը․ վերջին պատերազմում Նելլին կորցրել է ամուսնուն ու եղբորը 11/07/2023 18:09 | Ցեղասպանություն՝ Արցախում
Հավերժ ընկերներ Լավրենտ Հայրիյանին ու ժելեզնյակ Ռոբիկին մահն անգամ չբաժանեց․ Մարտակերտ քաղաքում ծնված, այդտեղ ապրած, Արցախի համար իրենց կյանքը տված այս երկու հայորդիները «Եռաբլուր» զինվորական պանթեոնում հուղարկավորված են կողք կողքի։
«Իրենք միշտ անբաժան են եղել․ միասին դպրոց են գնացել, հետո՝ բուհ, միասին ծառայել են․․․ Անգամ, երբ հերթափոխ էր լինում՝ տուն էին գալիս, առանց իրար մեկ օր չէին դիմանում․ ամեն առավոտ պետք է ընկերներով հավաքվեին մեկի տանը, սուրճ խմեին, զրուցեին․․․ Բայց մեզ մոտ երբեք ծառայության թեմայով չէին խոսում։ Ամեն անգամ, երբ ինչ-որ բան էի ուզում հարցնել, ասում էին՝ թեման փոխիր․․․»,-«Փաստինֆո»-ի հետ զրույցում հիշում է Նելլին, ում եղբայրը՝ Լավրենտը, և ամուսինը՝ Ռոբիկը, զոհվել են նույն օրը՝ սեպտեմբերի 20-ին՝ «Եղնիկներ»-ում։
26-ամյա Լավրենտը դիպուկահար էր, հետախույզ, երեք պատերազմի է մասնակցել․ ապրիլյան պատերազմի ժամանակ ժամկետային էր․ ծառայությունն ավարտելուց մի քանի ամիս անց՝ որպես պայմանագրային զինծառայող, կրկին ծառայության է անցել Պաշտպանության բանակում։ Կարճ ժամանակ անց նրան հետևել է նաև մանկության ընկերը՝ Ռոբիկը։ Երկուսով նույն զորամասում, նույն դիրքում ծառայություն են իրականացրել. իրար հետ դիրք բարձրացել, իրար հետ էլ՝ իջել։
«Պատերազմը, որ սկսվեց, երկուսով դիրքերում էին։ Վերջին մեկ ամիսն ընդհանրապես չէին իջել դիրքերից, հերթափոխ չէր եղել։ Առանց ուտելիքի, առանց ծխախոտի դիրք էին պահում․․․ Տնից ինչ կարողանում՝ ուղարկում էինք․ դե, կարտոֆիլ էր եղածը, բայց ոչ մի անգամ չեն դժգոհել, ոչ մի անգամ․․․»,-հուզմունքը կոկորդում խեղդելով՝ պատմում է Նելլին։
Սեպտեմբերի 19-ի երեկոյան՝ ժամը 23-ի հատվածում Լավրենտը կապ է հաստատել մոր հետ, հարցրել՝ ապահո՞վ տեղ են, թե՞ ոչ, վստահեցրել, թե, իբր, իրենց մոտ հանգիստ է ու ասել՝ լավ մնացեք, մինչև կգանք․․․Դա վերջին զանգն էր Լավրենտից։
«Փաստորեն խաբել էր․․․ այդպես է ասել, որ շատ չանհանգստանանք։ Իրենց ու կողքի երկու դիրքերի անձնակազմը չկա, հավանաբար զոհվել են բոլորը․ մի հոգի է ողջ մնացել իրենց դիրքից։ Էդ տղայի պատմելով՝ դեպքը տեղի է ունեցել ամսի 20-ի առավոտյան։ Եղբայրս ու հետի դիրքապահը հերթապահությունը հանձնել էին ու բլինդաժում հանգստանում էին։ Տղաներից մեկը տեսնելով, որ ինքնաթիռներ են բարձրանում՝ վազել է, որպեսզի արթնացնի, բայց չի հասցրել․ ինքնաթիռի ռմբակոծությունից եղբայրս վիրավորվել է, մյուսները՝ զոհվել։ Այդ պահին, ամուսինս՝ էս ամենը պատմող, ողջ մնացած միակ տղային հետ, դիրքի վերևի հատվածում է եղել, վազելով իջել է, որ օգնի տղաներին, նորից են ռմբակոծել․․․ Կողքի դիրքերից որ եկել են օգնելու, էլի ռումբ է գցել ինքնաթիռը, էդտեղ արդեն բոլորը զոհվել են․․․
Պատմողը, ըստ երևույթին, չէր իջել, ողջ է մնացել»,- իր լսածը փոխանցում է Նելլին։
Մեկ օրում երկու հարազատ մարդու կորցրած, Արցախից բռնի տեղահանված կինն ասում է՝ մարդիկ կային, որ գիտեին սպասվող պատերազմի մասին, գիտեին նաև, որ Արցախի մնացած մասն էլ հանձնված է, հետևաբար ինչո՞ւ են թույլ տվել, որ այդքան զոհեր տանք նորից․
«Եթե հանձնվելու էր, եթե անիմաստ էր էդ դիմադրությունը, ոչինչ չէր փոխվելու, ապա ինչո՞ւ չեն տղաներին շուտ ասել՝ իջեք դիրքերից, անիմաստ եք կռվում․․․ Քանի-քանի կյանքեր էլի ընդհատվեցին, որքա՜ն ճակատագրեր խորտակվեցին, և փաստորեն, հիմա ո՛չ իրենք կան, ո՛չ հողը, որի համար իրենց կյանքը տվեցին․․․ Այնքան ցավալի է, որ այդքանից հետո անգամ էս տղաներին ոչ մեկը չի հիշելու, որովհետև մենք այդպես էլ երկիր, պետություն չդարձանք․․․ Մինչև հիմա ոչ մեկը չի զանգել, չի եկել զինվորի ծնողին հարցնի՝ ո՞նց է ապրում, շնչում, ո՞ղջ է, դրսո՞ւմ է մնացել, թե՞ ծածկ կա գլխին»․․․
Լավրենտի ու Ռոբիկի մարմինները դժվարությամբ են հանել Արցախից։ Նելլիի պատմելով՝ Մարտակերտի վարչակազմի ղեկավարը զոհվածների հարազատներին ասել էր, որ դագաղ չկա, դիերը պահելու պայմաններ՝ նույնպես, ուստի որոշել են ցելաֆոնի մեջ փաթաթել ու հուղարկավորել հիվանդանոցի բակում։ Ծնողները թույլ չեն տվել՝ ասելով, որ իրենց որդիներն անտեր չեն ու պարտադրել են մարմինները տեղափոխել Հայաստան։
Լավրենտի ու Ռոբիկի դիերը՝ դեռևս հողին չհանձնված մյուս դիերի հետ, հասցվել է Ստեփանակերտ, այնտեղից էլ՝ Գորիս։
«Որ դիակները տեղափոխող մեքենայի դռները բացվել են, տղաների մարմինները դարսված էին՝ ինչպես ալյուրի պարկերը կդարսեին․․․ այդքան շատ էին։ Կյանքումս երբեք չեմ մոռանա էդ տեսարանը․․․ Տեգրս ԱԻՆ-ի աշխատող էր․ ինքը, հայրս, ամուսնուս ընկերներն են օգնել, Ստեփանակերտի դիահերձարանից տեղափոխել մեքենայի մեջ, հետո էլ Գորիսում հանել, էնտեղի դիահերձարան տեղափոխել․․․
Մենք էդ մեքենայի հետևից գալիս էինք, վախենում էինք կորցնել, քանի որ դեպքեր էին եղել արդեն, որ հարազատները դիակները չէին գտնում․․․Գորիսից Լավրենտի ու Ռոբիկի մարմիններն ուղարկել են Արտաշատ։ Տեգրս խնդրեց, որ էնտեղից էլ եթե ինչ-որ տեղ ուղարկելու լինեն, իրար հետ ուղարկեն․․․ Ամսի 30-ին վերջապես հողին հանձնեցինք։ 10 օր ճանապարհներին էին․ ուզում էի շուտ հուղարկավորենք, որ հոգիները հանգստանա․․․»,-ասում է Նելլին։
Երկու թանկ մարդկանց ժամերի ընթացքում կորցրած, հայրենազրկված կինը հուզմունքը չի կարողանում զսպել, երբ եղբոր չորս ամսական որդու մասին է խոսում․
«Մի ամիս հասցրեց սիրել առաջնեկին։ Երեխայի քառասունքը դուրս չէր եկել՝ բարձրացավ դիրքեր։ 4-5 օրը մեկ զանգում էր, հեռախոսով տեսնում․․․ Իր ձեռքերով կառուցած տունն էլ չհասցրեց վայելել․ դիրքերից հոգնած իջնում էր, գիշերները տան վրա աշխատում։ Մի տարի հազիվ հասցրեցին ապրել այդ տանը․․․»։
Արցախից՝ մասնավորապես Մարտակերտից դուրս գալու մասին ոչ եղբայրը, ոչ էլ ամուսինը երբեք չէին մտածում։ Նելլին հիշում է՝ շրջափակման դաժան պայմաններում անգամ, երբ մեկ-մեկ նեղվում ու ամուսնուն ասում էր՝արի մենք էլ մի ձև գտնենք, դուրս գանք
էստեղից, Ռոբիկը պատասխանում էր․ «Էստեղից լավ տեղ չկա աշխարհում։ Ամենալավ տեղն Արցախն է, էսա կտեսնես՝ մի քիչ հետո ամեն ինչ լավ է լինելու»․․․
Հարակից հրապարակումներ`
Տեսանյութեր
04/12/2024 15:02 Մտանք ակումբ, Մովսիսյանն ու Ամիրխանյանը ծեծված ջարդված էին,միլպետը ադրբեջանցիների վայրագության մասինՏեսադարան
05/17/2022 10:49 Ոստիկանությունը բերման է ենթարկել «Դիմադրության» շարժման աղջիկ ցուցարարներին, ովքեր փակել են Երևանի փողոցներըՄամուլ
- 05/18/2024 08:18 Մարզպետն ասել է՝ պատ կդնենք․ «Հրապարակ»
- 05/18/2024 08:12 Փաշինյանը անտրամադիր ու հյուծված տեսք է ունեցել․ «Հրապարակ»
- 05/18/2024 08:08 Ով է իրականացնում ցուցարարներին ցրելու, ծեծելու ինստրուկտաժը․ «Հրապարակ»
- 05/18/2024 08:05 Ինչ են առաջարկում քաղաքական ուժերը Սրբազանին․ «Հրապարակ»
- 05/18/2024 08:03 ՔՊ-ն գնում է ԵՄ` ռուսական զորքերով․ ստորաբաժանումները կշարունակեն մնալ ՀՀ-Իրան և ՀՀ-Թուրքիա սահմաններին. «Ժողովուրդ»
- 05/18/2024 07:53 Փորձում են «այլընտրանքներ» գտնել ու մոբիլիզացնել սատելիտներին. «Փաստ»
- 05/18/2024 07:48 Հայտնի է ԱԺ պատգամավոր Հայկ Սարգսյանի ընտանիքին պատկանող խանութի պայթյունի գործով կասկածյալի անունը. «Ժողովուրդ»
ՓԱՍՏԱԹՂԹԵՐ
- 03/31/2019 21:34 ԱԺ են ուղարկվել Պաշտպանի 2018 թվականի տարեկան հաղորդումը և զեկույցը
- 03/21/2019 15:23 Դավիթ Սանասարյանն իր գործունեությամբ չի նպաստել զբաղեցրած պաշտոնի նկատմամբ վստահության եւ հարգանքի ձեւավորմանը. Եզրակացություն
- 12/16/2018 12:49 Մարտի 1-ի 10 զոհերից յուրաքանչյուրն ինչ վնասվածքներից եւ ինչ հանգամանքներում է մահացել՝ ՀՔԾ-ի տարիներ առաջ հրապարակած զեկույցը
- 07/18/2018 12:48 Հրապարակվել է «Մարտի 1-ին» վերաբերող իրավական դիրքորոշում
Հարցազրույց
- 05/18/2024 16:39 Սահմանադրությունը փոփոխելու անհրաժեշտություն չկա. Գեւորգ Դանիելյանը՝ Բագրատ Սրբազանի թեկնածության առաջադրման մասին
- 05/01/2024 20:31 Փաշինյանն ապամոնտաժում է Հայաստանը՝ հօգուտ Ադրբեջանի. Արմինե Ադիբեկյան
- 04/22/2024 20:39 Ինչ իմանամ ինչի են ականազերծում, երևի ժողովուրդ շատ է հավաքվել՝ ականազերծում են, որ չգնան թփուտների մեջ թեթևանալու ու պայթեն... Կոռնիձորի Արո
- 04/01/2024 20:09 Թուրքիայի ՏԻՄ ընտրություններն այդ երկրի ներքաղաքական կյանքի կարևոր ջրբաժանն է, Էրդողանի ժառանգներն են կրելու պայքարի դժվարությունները. Մելքոնյան
Մեկնաբանություն
- 05/20/2024 12:27 Հայկ Մարության. նոր իշխանությունը Հայաստանում պետք է ձեւավորի միայն ժողովուրդը՝ արտահերթ ընտրությունների արդյունքում
- 05/19/2024 19:22 Նպատակն է անկայունացնել Իրանն ու հետևաբար` ողջ Մերձավոր Արևելքը. Գեղամյան
- 05/18/2024 13:22 24News-ի լրագրողը ճանաչվել է տուժող
- 05/18/2024 11:22 Տուգանային հրապարակում «կալանավորված» մեքենաները սկսել են ազատ արձակել. Մելիքյան
Արխիվ
Արտակարգ պատահարներ
- 05/19/2024 22:02 «Էրեբունի» ԲԿ տանող ճանապարհին բախվել են ավտոմեքենաներ․ կան տուժածներ
- 05/19/2024 18:35 «Mercedes»-ը վրաերթի է ենթարկել հետիոտնի. վերջինը տեղափոխվել է հիվանդանոց. shamshyan.com
- 05/19/2024 16:21 Թալինի հիվանդանոցի ծննդատանը 29-ամյա կին է մահացել, իրավիճակը լարված է. shamshyan.com
- 05/19/2024 12:19 Մանուկ Աբեղյանի անվան դպրոցի մոտ մի խումբ ցուցարարների և դպրոցի աշակերտների միջև ծեծկռտուք է տեղի ունեցել. shamshyan.com
ԸՍՏ ՕՐԵՆՔԻ
- 03/08/2024 15:00 Զազրելի դեպք Հայաստանում. սեռական բռնության է ենթարկվել 2 տարեկան երեխա. մասնագետը մանրամասնում է՝ ինչպես պաշտպանել երեխաներին (տեսանյութ)
- 01/13/2024 20:29 Տեր Թոդիկի մեթոդները վաղուց չեն գործում. դաստիարակության ու բռնության նուրբ սահմանը (տեսանյութ)
- 01/13/2022 17:55 Ինչքա՞ն է կազմում երեխայի ծննդյան կապակցությամբ տրվող նպաստը
- 05/02/2021 17:57 Կարեւոր է իմանալ. Կարմիր գծերի համար տուգանելիս` տեղում արձանագրության կազմումն այլևս պարտադիր չէ
Հետաքրքիր է իմանալ
- 05/17/2024 18:31 Արեգակի ակտիվության պատճառով Երկրի վրա կարող են ավելանալ ուժգին փոթորիկները՝ զգուշացնում են մասնագետները
- 05/10/2024 16:29 Արեգակի վրա ուժեղ բռնկում է եղել. առաջիկա օրերին մագնիսական փոթորիկներ են սպասվում
- 05/01/2024 18:31 Ինչպես կարող է քնելուց առաջ սոցցանցերում շրջելու սովորությունը կործանել հարաբերությունները
- 04/26/2024 18:54 Առաջին անգամ ստեղծել են մկան և առնետի հիբրիդային ուղեղ